نفسي أحبها بس مو عارفه كيف

السلام عليكم ورحمة الله وبركاته

بنات مشكلتي يمكن تشوفوها تافه وصغيره بس مره مضايقتني من نفسي

انا عمري 21 وعندي اخت وحده وعمرها 12 سنه والباقي اربعه شباب الله يحرسهم
وبصراحه احب اخواني بجنووووووووون بس مادري اختي ماحس باحساس قوي تجاها مدري ليه والله اعاملها معامله متوسطه واول كنت ماطيق اجلس معاها لان ابوي وامي دايم يربطوها فيني وين اروح خذيها معاك اقول ماما هي زغيره وانا بروح اجلس اتكلم كلام بنات في سني وانقهر واقعد ماروح بس الحين بداء يخف الشعور لانها كبرت وراحت المتوسط وصرت اعطيها شوي من وقتي واضحك معاها
بس استغرب شعوري تجاها وهي اختي الوحيده وربي نفسي احبها كثير زي ماحب اخواني جد زعلانه من نفسي ماني عارفه ليش انا كذا واللي زعلني زياده كان ابوي مجلسنا انا والعايله ويسئل اخواني كل واحد يرتب اسامي اخوانه من الاغلاء بقلبه
انا استحيت احطها اخر وحده قلت مابلعب معاكم هاللعبه بس تعرفون هي وش سوت
حطتني المرتبه الاولى مع انها متعلقه كثير باخوي الكبير بس حطة اسمي اكثر وحده تحبها بعدين اخوي اللي كثير هي متعلقه فيه والله اذا طلبتها طلب تسويه لي على طول وتجي تحكي لي وش قاوا لها صاحباتها وشو صار معاها وان صرت اسولف وامزح معاها بس نفسي اكون مقربه لها كثير واعطيها الامان واكون لها الام والاخت وربي اخاف عليها كثير من صديقات السؤ وعمري ما اتمنى لها الشر ابدا بس اتمنى احبها اكثر ومن كل قلبي
اسفة اذا طولت او حسيتوا كلامي سخيف