يا بنت الحلال ريحي راسك اذا تعلمتي على العزايم انتظري كل يوم يفاجئك بعزومة
ما وقهنا الا العزايم و الاسراف بالاكل و فوق كذا كرف
اهم شي تكونين مبدعة في اكلك اليومي و اذا ناس جايين زيارة عندك لا تقصرين

الله يوفقك

وانا من رأي الاخوات خليه يجيب الرز واللحم من برا وانتي ابدعي في الاطباق الجانبيه والسلطات والحلا اهم شي لاتكثرين عشان ماينكب ماذبحنا الا الاسراف في العزايم

السلام عليكم ورحمة الله وبركاته
حبيبتي انا اشوف انتي ناقصك الثقة في النفس خليك واثقة من نفسك وان شاء الله بتبدعي ...
بالنسبة للاكل حاولي تهتمي في البهارات لان هي تضبط الاكل وكل ما كنت اللحمه كويسة كانت اطعم هذي فكرة بسيطة واتمنى تعجبك الفكرة ...
وبالنسبة لعمتك حاولي تكتبين الطريقة وانتي تسوين الطريقة معها واكتبي كل شي لو بسيط والله يوفقك ويسعدك انتي وزوجك ...

طريقتي في طبخ اللحم الذبيحه قصدي احطها بالقدر مفصل او مفطح اللي هو واصب عليها مويه لين تغطي اللحم بمقدار اصبع يعني قوسيه واشغل عليه النار واذا مر عليه ربع ساعه تقريبا احط ملح واذا استوى طلعت اللحم في صحن وسويت في قدر صغير حمسة او كشنه بصل وطماطم وبهارات ومعجون وماجي وورق غار اكثرها واذا استوت اصبها على المرق اللي بالقدر واحط فلفل رومي وفلفل حار وليمون اسود تقريبا من كل نوع 8 حبات واذا قلب المرق اكبس الرز واذا استوى نشف مويته ارجع اللحم فوقها واغطيه شوي وابدى احضر وفوق الرز فيه اللي بصل مقطع شرايح احمسه مع فلفل رومي مقطع وزبيب وماجي وبهارات وكركم واذا فرغنا الرز ننثر الحمسه فوقها مع ليمون وطماطم وخيار مقطع دوائر
هذي طريقتنا بالذبايح

في كتاب الاطباق المميزه اسم الطبخه رز العزيمه شي خيال وعن تجربه