نفسي أعرف معنى العبارة ((عيشي أيامك ولحظتك ولاتفرطي بشيء منها ))

والله ما ادري بس نحاول نتناسى المشكله وننخرط في المجتمع

حبيبتي انا الحين شبه مطلقه بطلق قريب وعذراء وانتشر بين الناس اني مطلقه وانا للحين ماتطلقت (ملجه) وشعوري مثل الزفة لا انا قادره اعيش حياتي ولا افكر اختي بنت وعمرها 40 افضل من بنت صغيره مثلي ومطلقه مس فروله

حاولي تغصبين نفسك على التعايش مع الوضع يعني سواء تعايشتي مع الوضع او ما تعايشتي
ما بيغير هذا شي في الموضوع فليش تتعبين اعصابك0000
أنا ما أنكر إني أنقهر وأتعب احيانا عشان أشياء تصير معي او اشياء ما أبغاها تصير وصارت
لكن قهري وبكايه وتعبي ما بيغير شي 0000
<<< ودااااااااايما حاولي تنظرين لمن هم دونك
على قولة المثل (( من شاف مصيبة غيره هانت عليه مصيبته ))
يعني مثلا إنتي ما توظفتي <<< قولي في نفسك الحمدلله احسن من غيري
على الأقل في أحد يصرف علي 00000
أما بعضهم مساكين ما عندهم رجال في البيت او فيه لكن ما يشتغل أو غير كذا 00000

أما مسألة إللي يبغون ينغصوا عليكي حياتك << أنا ما أقلل من حجم المشكله
لأن الواحد لو ما إرتاح في بيته وين بيرتاح
لكن وكلي أمرك لله وقولي وإنتي موقنه إن الله بينصرك
حســــــــــــبي الله ونعم الوكيل
وبعد قولي 000 اللهم إكفينيهم بما شئت

راح ارد عليك بكل صراحة ....

والله يشهد على كلامي ....

حبيبتي ...بعد ما تخرجت من الكلية جلست سنتين بدون زواج
صحيح ما كنت القى مضايقات بالكلام لاني مخطوبة من زمان
لكن تخيلي سنتين من تخرجت واهل خطيبي ما فتحوا الموضوع يعني
كانهم نسوا ...
وهاتيك كلام رايح وكلام جاي

المهم ...والله العظيم كنت اقوم الفجرية كان عندي دوام
وافطر وامشي ساعة
"ترى الرياضة لها دور تصفي الذهن "

وبعدين اقرأ في كتاب حول الساعة
وبعدها اجلس على جهازي اتعلم برامج او علىالنت

ولما يجي وقت الظهرية انام كاني جاية من الدوام
وعادي اكمل يومي
والله العظيم تجي ايام اتمنى ارجع لهالحرية والوناسة
واحيانا كنت اتجنب زوجات اخواني
لانهم يلمحون مرة ويصرحون الف على الموضوع
وربك يسرها

اذا صارلي هم او شي يضايقني احاول اغير جو لا اكثر ولا اقل يعني مثلا لو شقت فلم او طلعت او او او بالنهاية لما ارجع البيت او عقب ما ينتهي الشي الي سويته ترجع حليمه لعادتها القديمة بكي و صياح وهم وغم وضيقة اللهم عافينا