لا حول و لا قوه الا بالله
حبيبتي هدي حالك و بصراحه المشكله صغيره و انتم مكبرينها
انا يا قلبي متزوجه لي اكثر من سنتين و اتمنى بس احمل و همي كبير و مشاكل الله العالم بها و مع ذلك صابره و استغفر ربي و احمده على النعم اللي انا فيها و اللي همي نساني هيه
اقري سوره البقره كل يوم و استغفري ربك و استخيري الف مره قبل تفكرين بالطلاق
و انتي قلتي بيت اهلك صغير و مشاكل اخوانك كثير و تبغيين تتطلقين و تجلسين عندهم
حافظي على بيتك و زوجك و عيالك احسن و لك الاجر و ربي ما يضيع عمل عبده
زوجك ما قصر و انتي قلتي انه قبل كان كريم يمكن عنده ظروف تمنعه انه يشتري اكل من المطاعم كل يوم
و بعدين هالشي سهل نظمي وقتك نظمي حياتك و ثلاث وجبات ترى سهله بس انتي مصعبتها
وجبه الفطور سوي سندوتشات من اي نوع و ادخلي النت و تلقي بالهبل و ما ياخذ وقت و تحضيره سهل
و الغداء لانه الوجبه الرئيسيه سوي كبسه او ايدام او صواني ما تاخذ اكثر من 40 دقيقه و العشاء سوي خفايف حتى لو نواشف حضريها و انتي مرتاحه
يعين بصراحه الموضوع سهل
و الشيطان داخل بينكم و يمكن هو عصب لانه جاي من الدوام و صايمو يمكن حس انك ما تقدرين وضعه و انتي قله نومك اثرت على مزاجك و عصبتي و نار على نار ما ينفع
يا قلبي و الله ما ابغى لك الا الخير صلي قيام الليل و ما تاخذ من اكثر من 5 دقايق و ادعي ربك يديم عليكم المحبه و الرحمه و السعاده بينكم و يسخر زوجك لك و لعيالك و فضفضي و اشكي لربك وحده و الله محد ينفعك في هالدنيا الا نفسك بعد الله
الله يوفقك و يسعدك و يسخر زوجك لك و ترجعون زي السمنه على العسل

و ملاحظه هامه جدا لك(( انتبهي تدعين على نفسك و عيالك و زوجك ما تدرين ربي يستجيب لك وقتها)) عاد ما ينفع الصوت لا فات الفوت
الله يهديك و كمان زوجك اعتذر و ما قصر و الدور عليك و حاولي تقربيه لك مو تنفرينه منك و يدور غيرك تسعده و واضح ما شاء الله انه يحبك و يبغا رضاك فلا تعاندي و رجعي الامور لمجاريها

لاتدعين على نفسك....وادعي الله كثير ان يسخره لك...الله يفرج همي وهمك وهموم جميع المسلمات

بصراحة ماني شايفه مشكلة

الشي الطبيعي انك تسوي في اليوم ثلاث وجبات .. وين المشكلة


وماشاء الله عندك ولد وبنت يعني مانتي عروسة جديدة لسه ماتأقلمت على مسئولية البيت والزوج

وبعدين ولدك جوعان يعني يقعد ينتظر ابوه يرجع عشان ياكل
ليه مافي ام في البيت تتصرف؟!
كان سويتي لو سندوتش سريع ومفيد

اما حكاية انه يجيب من المطعم اكيد لو شافك قايمة بواجبك ومنظمة الوجبات
راح يجيب كل فترة من المطعم

انتي منضكه من جوا وعالجيها بالاستغفار والا مشكلتك ماتستاهل تكرهين زوجك

ومن حقك تتضايقين بالذات اذا انتم متعودين على كرمه
هذا شهر فضيل وادعي ربك ان الله يسخرك له ويسخره لك