الله يرزقك الذرية الصالحة عاجلا غير اجلا اااااااااامين واصبري وقولي الحمدلله الله يختبر عباده ويشوف قوة صبرهم وخليك حبيبتي من الناجحين بالاختبار == والله اني حاسة فيك-- اكثري الاستغفار حبيبتي وربي له فضل عظيييييييييييييييييييييييييييييييييييييييييييييييييييم-

مين صوصو هنا وزعلانه
ليه ياعمري النكد هذا كله وكلي امرك للي ماتنام عينه سبحانه
وبعدين استغفري واحمدي الله على نعمه العظيمه واشغلي نفسك بطفلك الله يحفظه من كل مكروه
وترى وليدك والله صغير وتاكدي ان اللي رزقك فيه يرزقك باخوان له ان شاءالله
وياختي ليه العجله خذي لك نفس بين كل طفل والثاني حتى تستطيعي انك تشوفين حالك مع رجلك
وترى الرجال وانا اختك صح يبون الاطفال بس يبون راحتهم بالاول ويبون الدلع عشان كذا
انسي الخلفه الحين ودلعي عمرك وزوجك
وربي يرزقنا وياك
ويالله خلاص فكي التكشيره مو حلوه عليك

ياحبيبتي التفكير والترقب من اول موانع الحمل انسيها ياعمري شوفيني جبت الاول حقن مجهري وقالولي ما راح احمل الا بها الطريقه ولما نسيت الحمل حملت طبيعي من الله هدي اعصابك اشغلي نفسك باي شيئ وان شاء الله تتوفقي الشهر الجاي

ياعمرى ياصوت الحال من بعضه

اتكلى على الله سبحانة والجئى اليه بالدعاء والاستغفار والله يكتب لنا ولكى الذرية الصالحة عاجلا غير اجل ويجعل فيها الخير ياااارب

إحمدي الله ياأختي .. وتصبري .. والأجر عند الله مايضيع .. إذا شفتي الدورة وضاق صدرك لأنك متوقعة الحمل قولي " إنا لله وإنا إليه راجعون ، اللهم أجرني في مصيبتي واخلف لي خيرا منها " ..

واحمدي ربك إنك مافيك مشاكل لاإنتي ولا زوجك .. وإن عندك طفل الله يحفظه ويبارك لك فيه .. وشوفي مصايب غيرك تهون عليك مصيبتك .. فيه غيرك يحتاجون علاجات .. ويصرفون مصاريف بالهبل .. والكل يعرف إن تكاليف علاج العقم باهضة .. وتخيلي اللي يسوون حقن مجهري وطفل أنابيب ويصرفون على العملية الواحدة قرابة العشر آلاف .. وتخيلي بعدين الواحدة منهم تفشل العملية معها وتجيها الدورة .. ويمكنهم استدانوا فلوس العملية دين " تخيلي مصيبتهم " ..

توكلي على الله .. ولا تفكرين بالموضوع كثير .. وتراني زيك عندي طفل عمره ثلاث وأسعى للثاني " مع الفارق بكوني عندي ضعف في المبايض وعند زوجي " ودائما أقول لنفسي " يمكن مايجيني إلا هالطفل .. لكن أقول يمكن هالطفل هذا يطرح ربي فيه البركة ويغنيني فيه عن أربع أو خمس " .. عليكي بالدعاء .. والصبر .. وخلي زوجك يسوي تحاليل أيضا يمكن المشكلة فيه ..

وأنا متأكدة إن نص همك من كلام الناس وإلحاحهم عليك ولقافتهم الزايدة " أنا مجربتها " لكن طنشيهم تراهم لا هم نافعينك ولاهم ضارينك بكلامهم .. طنش تعش تنتعش ...

أسأل الله العظيم الحي القيوم ذو الجلال والإكرام .. أن يرزقك وإياي ذرية صالحة معافاة عاجلا غير آجل .. آمين يارب العالمين ..