نفسي اجيب وخايفه من الموضوع ؟!

كيفكم صبايا وش اخباركم
نفسي اصير ام واجيب طفل احضنه وبنفس الوقت خايفه من المسؤليه واشيل هم كل ماافكر بالاطفال انك تكونين مسؤله عنه وتنحرمين من النوم والراحه والسهر والتعب والرضاعه والحفوضات واشياء كثيره عايشه مشاعر متضاربه بين الخوف من المسؤليه واني اشيل هم بذات اني انسانه مدلعه مااحب التعب والشقى ابدا اذا على شغل البيت من يوم ماراحت خدامتي وانا متبهذله بشغل البيت ولولا دعم ومسانده زوجي لي ماشاءالله  كان مداني انهرت هذا وحنا ٢ بدون اطفال 
وبين اني لازم انجب واجيب ثمرة لزواجي ويكون طفل اربيه ويصير سند وعزوة لي بعد الله  بس احيانن افكر واقول مالك والشقى والتعب ي فلانه تجيبين طفل وتتعبين وتشقين وتربين ويروح عمرك كله ملاحق ورى هالطفل وبين اني لازم انجب واجيب طفل بذات ان كل مااقابل واحده من قريباتي تنصحني بالحمل واني اسعى وانجب طفل وانه يكون ثمرة لزواجي 
واحيانن اقول صار لازم تسعين وتجيبين طفل لاني أتممت سنه زواج ولاجبت طفل لحد الان
؟احيانن اتسائل هل ممكن عمر زوجي هو السبب  عمر زوجي تقريبا ٦٠ ؟!اوان الله ماكتب لي لحكمه يعلمها على ان لي سنه كامله اسعى واسعى وزوجي ياخذ فيتامينات لان الحركه عنده بطيئه شوي حركه الحيوانات المنويه وانا مسويه تحاليل من الالف للياء وكل تحاليلي سليمه ياربي لك الحمد ؟!وزوجي وضعه سليم ياربي لك الحمد وكل تحاليله سليمه لولا الحركه بطيئه عنده شوي واتوقع انهااارتفعت مع الفيتامينات الي ياخذها افكر اكمل ٦ شهور واقنع زوجي نسوي الحقن المجهري ونختار جنس الطفل ولاتشوفون الموضوع مبكر جدا ؟!موالمفروض اكمل سنتين زواج وبعدين افكر،بموضوع اطفال الانابيب ولا افاتح زوجي بموضوع الانابيب واتكلم معه مع اني قد اتكلمت معه وماكان مقتنع ابدا وقالي يخوفني عجلتك واستعالجك باانجاب الطفل هذا الشي يخوفني جدا جدا منك ي فلانه عجلتك على انجاب طفل ؟!طيب تنصحوني اخذ،منشطات ولالا لان دكتورني بعد ماسوت لي التحاليل وكلها طلعت سليمه ياربي لك الحمد كتبت لي منشط للحمل اسمه فيميرا بس انا متخوفه من المنشطات ؟!افكر اغامر هذا الشهر وبعد ماتنزل عندي الدورة بعد ٥ ايام ولوماصار في حمل اخذ فيميرا المنشط ؟!تكفون دلوني ي بنات محتاره موعارفه وش اسوي ؟!
الان سؤالي لكل ام وش الايجابيات الي حسيتيها بعد الامومه ومع انجاب طفلك وش السلبيات ؟!ولو يرجع بك الزمان لوراء وش راح تختارين؟!وهل ضروري انجاب طفل بالزواج ولايكفي الحب والموده والرحمه والانس والسعاده بقرب زوج محب وحنون ؟!ابغى رايكم دلوني الله يسعدكم هل اسعى وابدأ اخذ المنشطات مده ٣ شهور واشوف لوحملت كان بها ولوماحملت احاول اقنع زوجي نسوي اطفال انابيب ونختار جنس الجنين ولاتشوفون بدري على هالخطوة لسه ؟!اواني اترك موضوع انجاب الاطفال كله ولاعاد افكر فيه واعيش حياتي وانبسط وااوكل الامر لله سبحانه !?