نفسي احفظ ولدي...

حلقات تحفيظ القرآن

السلام عليكم ورحمة الله وبركاته
بنات كيفكم اتمنى تكونو بخير وبصحه جيده باذن الله تعالى
اتمنى وحده تفيدني بتحفيظ ولدي اللي عمره خمس سنوات القران والطريقه التشجيعيه لطفل بسنه هو الان حافظ الفاتحه وسورة الصمد بس طبعا حفظها عش يوميا تقريبا يسمع تحصينه قبل النوم بس ابغى ابدا معاه اني اوفر له ربع ساعه عشان يحفظ ولو ايه ايه عشانه صغير ما ابغاه يمل من الجلسه..وغير كذا كيف احمسه ايش اقله انا قلت له هذا كلام الله وقران منزل من عند ربنا واللي يحفظه يدخل الجنه بس تحسي الولد مو مستوعب ايش كلام الله وغير ....

اتمنى وحده تفيدني بالطريقه وتكون طريقه مشجعه له وينبسط فيها وغير كذا اتمنى احد يفيدني هل احفظه بالتجويد ولا قراه عاديه لانه احس صعبه عليه..
ارجو الافاده
دمتم ةبحب وطاعه باذن الله
3
681

يلزم عليك تسجيل الدخول أولًا لكتابة تعليق.

تسجيل دخول

آشوريا
آشوريا
وعليكم السلام ورحمة الله وبركاته

هلا فيكي اختي هوني على نفسك احسك شايله هم مره للموضوع
ترا الموضوع مره سهل جدا

انا معلمة تحفيظ قران للاطفال من عمر 3 سنوات وترا الاطفال جدا اذكياء وحفظم سريع ماشاء الله احنا نشوفهم صغار بس تبارك الرحمن عليهم
بقولك شئ ابدئى معاه من جزء عم بمقدار في اليوم 5 آيات يكررها طول اليوم طبعا ابدائي من سورة النبأ مو من السوور الصغيره
ترا انا اتكلم معاكي عن تجربه مع الاطفال كنت ابدء معاهم خمس ايات الان ماشاء الله يحفظون في اليوم 10 ايات بدون اخطاء
لانك اح تبدين معاه بالتدريج خمس وبعد اسبوعين خليها 10 لان بيكون مخه تعود ولمى ينتهى من السوره قولي للي حولينك ولاهلك ولصحباتك امدحيه قدامهم بق ماتقدرين انهمتميز عن غيره وانه يحفظ سوره طويله وراح تشوفين النتيجه وخلي اللي قريبين منك ينادونه قائد المستقبل كلقب يعني او كجائزه ترا مفعولها مره عجيب بس انتبهي تخلين الجائزه فلوس والا شئ معنو ي عشان يكون حاط في باله انه يحفظ كلام الله لانه يحب الله مو عشان الهديه وطبعا مايمنع انك في يوم تفاجئينه بهديه لاكن لاتخلينها بشكل مستمر

بعدين قولي له ابغاك تسمع لي يعني احفظي معاه الايات اللي بتحفظينها له وقولي له انت سمع لي وانا اسمع لك وطبعا هي في الحالتين مفيده له كحفظ وكمراجعه

اتمنى اكون افدتك واي استفسار انا حاضره
ام العيال
ام العيال
جزاكي الله الف خير
salamamane
salamamane
أخيتي ام العيال ..

هناك موضوع في هذا الصدد كتبته مشرفتنا الحبيبة نرجس ..

إنه في غاية الروعة ..



اطلعي عليه من خلال هذا الرابط .. تفضلي من هنا ..


http://forum.hawaaworld.com/showthread.php?t=1050171