نصيحه لا تفكرين بالموضوع وتخططين خطط مستقبليه وهي بالاصل اقدار مكتوبه منذ الازل


قريبتي تزوجت عمرها ١٨ ولا حملت الا لما خلصت جامعه كانت تتعالج


قريبتي الثانيه تزوجت بعمر ١٨ ولا كتب لها الله حمل الا بعد عشرين سنه من زواجها وبعد فتره طويله من العلاجات تخيلي
صديقتي تزوجت بثالث متوسط وتطلقت والحين لها ١٥ سنه ماتزوجت بعد طلاقها
مهما خططتي ماراح يصير الا المكتوب

اهجدي وكملي دراستك تراها سلاااااحك بالحياه
انا تزوجت وعمري 18 وانجبت ع طوول وتركت الدراسه ، واكثر شي تحسفت عليه درااااستي ..💔

😂😂راح جيل الطيبين اذكر لما انخطبت وانا ثاني جامعة من الحياء من اهلي بكيت

والله هو نصيب حتى الخلفة وحده من قرائتها تزوجت ١٧ سنة وما خلفت أسأل الله أن يرزقها لها ١٤ سنة
و اختها الي أكبر منها رفضت تتزوج تبغى تدرس وفعلا كملت جامعة وتزوجت بعد اختها يمكن بست او سبع سنين ذا الحين عندها عيال جابتهم وراء بعض ٧
ترو العيال رزق ومكتوب لك من انتي في بطن أمك

صدقيني والله تعب مو بالهين
ترا الاطفال مش نفس الدمى والالعاب
لا حبيبتي
الطفل مرات الليل م ينام من الم السن او الاذن ومرات يتوجع من شي لا انتي عارفه بشو يتالم ولا هو عارف كيف يعبر لج شو يوجعه يعني السالفه فيها سهر وتصبحي الصبح ووجهج شاحب وكلج تعب .


الطفل راح بتمرمط بين الحضانه او بيت امج او بيت عمتج او مع الخدامة وطول الوقت قلبج عليه خايفه ومتوتره ...


الطفل محتاج عنايه ونظافه دايمه يعني تبديل الحفاظ ع كل ساعتين ثلاث ولا بينسلخ جلده ومحتاج تطعمينه ولا تقعدين تهوجسين مع نفسج كانه ولدي نحفان، كانه ولدي م ياكل ، ولدي م رضع مني ،، وهاتك الوسواس وتانيب الضمير ..
الطفل حتى لو كمل سنتين ثلاث محتاج احد يجلس معاه ويلعب معاه ...
فالاخير هو مش لعبه ترا والله التربيه متعبه ..
وانا اقولج كثير بنات اجلو دراستهم وتاخروا فالتخرج بسبب الولادة والتربيه.


فعيشي حياتج بعدج صغيره واذا لج خاطر تمسكي بيبي تعالي مسكي بنتي 😭🙏🏻