نفسي اصير خبيثة بزمن الخبثاء

السلام عليكم
انا يا بنات هي اول مرة اكتب فيها موضوع بالمنتدى وحابة اقرأ ردود من الحكيمات والفهمانات



اول شي انا مطلقة من تقريبا 3 سنوات وايام ما كنت متزوجة كان الي سلفة كنت اعتبرها متل اختي والله يا بنات كنت احاكيها بكل بساطة وعفوية وحتى بعد الطلاق ظل الاتصال بينا ع الماسنجر بس من اكتر من سنتين بطلنا نحكي مع بعض نهائيا لا مسنجر ولا غيرو والقرار كان مني ومنها لانه بعد الانفصال الافضل اني اقطع علاقتي مع كل حدا بخص وبقرب للشخص الي انفصلت عنو وهالشي بتعرفه منيح... وكنت دايما حاطة ظهوري عندها ع المسنجر (اوف لاين) و ما حذفتها لاني زمان حذفت شخص من المسنجر وكنت بفكر حالي حاذفته واكتشفت اني مش حاذفته وبظهرعنده اون لاين عشان هيك ما حذفتها واكتفيت اني اظهر عندها دايما اوف لاين وهي كمان خلال هالفتره (سنتين)كانت دايما بتظهر عندي اوف لاين ... المهم كنت مرتاحة بهالوضع يعني كأنها مش موجودة عندي بالمسنجر نهائيا ...
لكن من شهرين بلشت تظهر عندي (اون لاين ) بالبداية ما اهتميت وطنشت الموضوع بس بعد ما طولت وهي على هالحالة (تقريبا شهرين) وهي بتظهرعندي اون لاين قلت يمكن حابة تخبرني شغلة مهمة ومتردده او يمكن اشتاقتلي وحابه تتطمن علي (على نياتي) !!عشان هيك بعتلها مسج بسيط حتى اكسر الحاجز الي بينا ... بس الغريب انها ما ردت ويمكن حتى عملتلي بلوك !! استغربت كتير يعني اذا ما بدها تحكي معي ليه صارت تظهرعندي (اون لاين) ؟؟؟
احسنت النية فيها للمرة الالف واعطيتها عذر وقلت يمكن صار معها متل ما صار معي زمان لما حذفت شخص وفكرت حالي حاذفه واكتشف اني ما عرفت احذفه منيح وبظهر عنده اون لاين
بس المشكلة يا بنات انه مرات بوسوس الشيطان براسي وبقول هي الحركة مقصودة ومش بحسن نية وكان طعم وانا بلعته وخصوصا لانها ماردت على مسجي الي بسأل فيه عنها وعن اطفالها ...!! يعني تصرفها مش لاقيله تبرير والي قاهرني اكتر اني خايفه تقول لزوجها واهله اني بعتلها مسج واكيد وقتها رح يفكروني بتحركش فيهم واندمت وحابه ارجع !! وانا والله والله والله ما بفكر ولا بنسبة 1% اني ارجع لطليقي ابدا ابدا بس هي بلشت تظهرعندي اون لاين وانا صار عندي فضول اعرف ليه هي كل القصة ....
يعني الواحد ما ظللو بهالحياة غير كرامته ومستكثرينها عليه ؟!
انا حاليا استعنت بحدا بفهم بالنت والمسنجر وحذفتها نهائيا من المسنجر بس بعد فوات الاوان