لالالا قالوها لنا من قبل لااعرست غصبن عنها بتقوم ببيتها والله يخلي كتب الطبخ والمنتديات مايقصرون خليها تعيش عمرها ولاتجبرينها ثم تكره المطبخ بالمره . بس اختي عكس كلامي تقول اذا ماكرفت من الصغر عمرها ماتفلح وان سوت لها طبخه قعدت شهر تمنن فيها ولاعاد تسوي شي. بس انا لاحظتها من قالب الحياة بتربية الابناء بحكم اني الصغيره من اخواتي ومدلله وخواتي اكبر مني وامي مسكتهم تربيتنا وتنظيفنا وتمشيط شعرنا ...الخ فهم الان مع عيالهم افضل مني انا احس كسلانه مره واتعب منهم بسرعه مااتحمل

الله يجزاكم كل خير ياللي تقولون عنها إنها صغيرة ..لا والله ماهي صغيرة لاهي ولابنتي
خلاص ماعاد وراه إلا الشيب على قولة أمي الله يطول في عمرها
الله يصلحها ويصلح بنتي ويصلح بنات المسلمين
والله إن بنتي شوي وتطلع لي الشيب في عيوني
تبي تاكل وتشرب وتتلهى بالنت والتلفزيون
لكن تكون مسؤولة عن شي لأ
الله يصلحها
لكن أنا ما اعطيها فرصة
تقوم يعني تقوم ...ولاهي تعرف وش يجيها
الله يصلحها ويصلح بنتك
ويعيننا على تربيتهم
والله حالي مثل حالك ودي تكون شقردية في شغل البيت وودي تتعلم شي ينفعها ..بكرة تتزوج والله تندم وتندمي معها
مع إني دايم اقول لها
أنا أمك بتحملك واتحمل عيوبك ...بس ولد الناس لأ
وهي ولاهي هنا ولا تقول بكرة ادبر نفسي
الله يصلحها
وكان الله في عوني وعونك

نفس الحاله بنتي عمرها 12 ودي تساعدني لاني اشوف بنات اصغر منها ويشيلون الشغل عن امهاتهم
مثل الكنس الترتيب غسل المواعين

والله ان البنات امانه عندكم لا تهملون تربيتهم
امس كان عندي عزيمه لعروس وكانت تسألني ممشيه اموري وانا ماعندي شغاله والحمد لله بيتي يلق وسفرتي تفتح النفس
وطبخي يتكلمون فيها الرجال قبل الحريم ماشاء الله
تدرون وش رديت قلت الله يوفق امي اللي ربتني
والله انها تقول الله يسامح امي عمرها ماخلتني امسك شي بالبيت والحين تعبت مرره ومو قارده
وواحد من قرايبنا توه منفصل عن زوجته واغلب مشاكلهم انها مو ربة بيت ماتعرف لا تطبخ ولا تنظف ولا تكوي ويقول وش مستفيد
من الزواج غير المصاريف
انا اشوف بعيني البنات اللي ماتعودوا على الشغل من يوم انهم صغار ماقدروا يمشون حياتهم الا بشغاله
بنتي عمرها خمس سنين ماشاء الله اخليها تسوي رضعه لاختها الصغيره وتنظف غرفتها طبعاً مع اخوها
واحياناً اخليها تغير لأختها وانا معها ابيها تتعلم وهي صغيره والله يعيننا على تربيتهم

قوليلها الغرفه هذيك عليك تنظيفها كامله اذا نظفتيها بكافأك واذا لا راح تتعاقبين <<احرميها من مشوار لسوق او ملاهي وروحي انتي

يوم المطبخ يوم اكله يوم تنظيف يوم غسيل شوي شوي

انا عمري الحين 19 وعارفه كل شي السبب<<راحت شغالتنا ^^