السلام عليكم ورحمة الله وبركاته
نفسي افهم ليه تسالون الحريم عن المصروف وش تستفيدون مثلا انا اشوف انها حاجه خاااااصه جدا المفروض مااحد يسال عنها ولا احد يجاوب
لان الناس يختلفون في اللي راتب زوجها كبير واللي راتبه قليل واللي طبيعة زوجها بخيل واللي مايحب التبذير وفي رجال مايحبون ينفرض عليهم شي وهم يعطون بكيفهم ويكون اكثر من المصروف بالف مره
يابنات انا اشوف هالمواضيع تخرب البيوت مع احترامي لكل واحده كتبت موضوع كذا وانا احسب ان نيتها فقط للدردشه
بس والله انكم تحزنون قلوب الحريم طيب اللي زوجها مايعطيها تكرهونها بزوجها اكثر واللي يعطيها قليل رح تصغرون بعيونها معروفه ويمكن تكون قبل مواضيعكم مبسوطه بمصروفها بس انتم خربتم عليها وقلبت موازينها
اتمنى انكم تبتعدون عن المواضيع اللي مالها اي هدف ولا تساعد الحريم بشي لان مصروفك انتي وهيه مايهمني بشي الحمد لله مدام ربي ساترها علينا فهذا اهم شي ولو مصروفي مليون مارح اتفاخر فيه واكسر قلوب البعض واذا كان خمسين ريال مارح انكر فضل زوجي علي وانه ماكلني ومشربني وساترني ولومايعطيني ولاريال
ياحبياتي بابنات حواءالزواج مومصروف وتمشيات واسواق وتغيير لوكات في اشياء محتاجين تحافظون عليها اكثر هي الامانه اللي بين ايديكم تربيتكم لاولادكم وانك تشبعي زوجك وتحافضي عليه من الحرام وتحافظي على الموده والرحمه بينكم اكثر من روحك وتعيشي زوجك كانسان سعيد
هذا مايمنع طبعا انك تلبسي وتكشخي وتتزيني لزوجك ابتغاء لرضا الله وتخرجي وتتونسي وتغيري شكلك بين فتره وثانيه بس لايصير هذا كل همكم وتصيرو من الداخل فااااارغه لا مضمون ولا ثقافه ولاتربيه زينه لاولادك ولادرايه بحقوقك وحقوق زوجك حفضكم الله واسعدكم بالدارين واسال الله ان يثبت علينا ديننا
اللي عندها اضافه تتفضل
يلزم عليك تسجيل الدخول أولًا لكتابة تعليق.
الصفحة الأخيرة
الله يحفظك