نفسي افهم وش معنى هالحركه من زوجي؟؟؟

السلام عليكم ورحمة الله

حبيباتي بنات حواء اللي ما استغني عنهم

بقولكم سالفتي مع زوجي وابيكم ان قدرتوا تفسرون لي وش يقصد والاهم

كيف اتصرف مع هالحركه منه

خواتي انا زوجي لله الحمد ملتزم و طيب و يحب الخير للغير فوق ما تتصورون و طبعا مثل ماله حسنات له عيوب لكن المهم من الموضوع

اني كل ما اهديت زوجي شي الاقيه هاملنه و مره سواها ورد علي هديتي تخيلوااااااااااااااااااا


واليووووووووووووووووم القهر كله حسيته لكني قلت بكبر عقلي وسكت

قبل كم شهر زوجي اتوظف بمكان جديد قلت لازم اهديه هديه منه يفرح قلبه ومنه يتذكرني فيها

المهم انا هالمره قلت له اني بجيب لك هديه و هي اكسسوارات مكتب مع برواز فيه دعاء

طبعا انا علمته بالهديه عشانه اذا رفض ما بجيب له بعد الحركه اللي سواها لي قبل جبت له هديه وغلفتها وكانت شي غالي

وبعد ما اهديتها له قال انا ما اريدها خذيها رجعيها قمت بعتها على اخوي

وعشان كذا قلت هالمره بقول له عن الهديه المهم انه وافق وانا جبت له الاكسسوارات وخذها معاه والبرواز تاخرت فيه شوي عشان اعدله واضبطه

وبعد ما خلصته عطيته اياه وبعد فتره سالته قال ايه وديته المكتب قلت له طيب ابيك تصور لي المكتب قال ماله داعي وانا قد صورت المكتب ووريتك قلت مو مشكله

واليوم وهو جايبني عند اهلي طبعا مسافة ساعتين و كان ماخذ سيارة اخوه بنتي كانت تلعب باوراق اخوه اللي في السياره خذيهم منها وحطيتهم في رف الباب الا الاقي البرواز فيه

ياربي من الصدمه قلته فلان شو هذا هو انحرج وانصدم وقام يخربط ويقول وش جابه هنا انا وديته

اها انتي قلتي انا بصلحه عشان كذا انا جبته وانا ما قلت له رجعه ولا شي واتذكر انه اليوم اللي وداه فيه قبل كم شهر كان معاه سيارة اخوه

تخيلوا يمكن فوق الخمس شهور وهو في سيارة اخوه

هذا غير الاشياء الثانيه اللي اهديه اياها والله ان قلبي عورني بس سكت ما قلت شي

وانا كنت ناويه اسوي له مفاجاه بعد ما يخلص دراسه لكني شكلي بهون

خواتي شووووووووووووووووووووووو رايكم؟؟؟؟؟؟:(