نفسي اكون قويه بس على حق

الأسرة والمجتمع

السلام عليكم
انا يابنات اول يوم كنت صغيره كانت شخصيتي قويه واخذ حقي بس بعدين مدري وش صارلي من حوالي خمس سنوات احس اني ضعيفه زلساني مدري وين راح بقولكم تخيلوا معي ثنتين بدوام لسانهم طوييل ويتريقون علي دايم مدري ليه واسكت وازعل واذا شافوني زعلت قالوا نمززح استمر الحال سنه وهم كذا يعاملوني والمشكله ماقدر ارد عليهم ماعرف ارد ماخاف ان رديت ياكلوني بلسانهم ويسكتوني بعد هاذي السنه وبدينا السنه الثانيه رجعوا من جديد يتريقون ع اساس يمزحون سكتت انا بس اتخذت قراار اني اقطع علاقتي فيهم للابد واشوا ان مجال عملي اقدر اغير من قروب لقروب لان عملنا قروبات وانا بقروبهم وطلعت لقروب ثاني وارتحت منهم المكله انا بتصادفني نوعيات كثير زيهم ماعرف ارررد بعكسس اوول كنت اعرف ولساني طويل مدرري ليه يمكن لان الزمن داسني لين قلت بسس تحطمت شخصيتي هاذي نقطه النقطه الثانيه انا توني متزوجه وتزوجت وانا كبيره بسن شوي والحمدلله ع كل حال وقضاء الله وقدره مشكلتي ام زوجي ماتبيني اسافر ولااروح انا وزوجي يابناتها معنا ولا تسوي سالفه وحتى دايم اقولها *****الله يارب اسافر وتخيلوا ماتقول اميين ودايم تنعزم ع عروس ولاتاخذيني معها وحتى لو زوجي معزوم تقوله لحاله هااه بتروح لعرس فلان ماتقوله انت وزوجتك روحوا ماتبيني اروح مدري ليه قمت قلتلها ايه انا قلتله اروح انا وياك للعرس بس مارضى والله يابنات شوفوا وجهها تقلب ماتبيني اروح مدري ليه ولاتبيني اختلط بجماعتهم ولاشي واخواتها يبون يجوني وتعيي عليهم تصرفهم بالاخير قالولي بنجي وعزمتهم اليوم الفلانيزقالي زوجي لازم تشوفين امي يمكن مايناسبها وادق عليها قالت لاا مايماسبني خليها بعدين انا احدد يوم ويجونك ونجيك! وتخيلوا مححدده كل اسبوع تجيني هي وبناتها يايتغدون ياتعشون ولايساوني ا اشياء بسيطه واانا اطبخ واغسل مواعين وساكته لين ذاك اليوم انفجرت قلتلهم قومووا ولا زعلوا وبعدها قامت تقولي الواحد مايقول لاحدقوموا وانا اذا جيت عندهم ماقد لاغدوني ولاعشوني الى اذا كان فيه اختها وصادف ذاك اليوم اني نزلت ولقيتها وهي مرره ولاتناديني اجيب الفناجيل وتامرني اغسلهم وبناتهها قاعدات وين الي تقول الواحد مايقول لاحد قوم والا هي وبناتها اميرات وانا لاا واجب علي اساعدهم وهم موب واجب قسم قاهرتني مدري وش اسوي معهااا يالربع المشكله وبيني وبينكم لاقدر ارد عليها لانها تقدر تخلي ولدها يطلقني ببساطه وتبون الصدق مابي هالشي يصير لان حتى اهلي العيشه عندهم ماتنطاق وانا ودي بعيال بكره يشيلوني لاطحت اخ بس ولاادري وش الحل مع هالحرمه وازيدكم من الشعر بيت رمضان جاي وحاطه نظام انني اسوي طبقين وانزل فيه تحتونفطر مع بعض بس المشكلهمابي اغسل معهم المواعيين لانهم هم مايغسلون معي واخاف تقولي قومي غسسلي وووش الححححل
34
3K

يلزم عليك تسجيل الدخول أولًا لكتابة تعليق.

تسجيل دخول

goggo
goggo
سبحان الله وببحمده سبحان الله العظيم
فتفوته ستور
فتفوته ستور
الله يفرج همكك
um_hammane
um_hammane
الله يفرج همك يارب
goggo
goggo
الله يفرج همكك
الله يفرج همكك
وهمك وهم كل مسلم
goggo
goggo
الله يفرج همك يارب
الله يفرج همك يارب
امييين وياك