السلام عليكم اخواتي الكريمات..اتمنى تكون احوالكم جميعا بخير..
بدون مقدمات زايده..الي خلاني اكتب الموضوع هذا هو بسبب الي اشوفه بمشاركات بعض العضوات الله يهديهن وصار بالنسبه لي زي الامنيه..لدرجة اني اذا قرأت مشاركه من هالنوع الي بتكلم عنه صرت اسولف لحالي واقول ياالله نفسي مره وحده ماالقى رد زي هذا,,نفسي مره وحده مايخرب الموضوع..والحين بتفهمون قصدي ووش الامنيه او الامنيات الي اتمنى تتحقق...هذي امنياتي..
1-اني اقرأ موضوع وماالقى فيه رد يشكك بصحة الكلام المكتوب..ومعناه تشكك بصدق العضوه..لانه بالنهايه كل انسان محاسب على كلامه واذا عندك شك ومبني على اساس بكذب هالعضوه فتقدرين بطريقه حلوه تنبهها برد لبق مثلا تقولين ..سبحان الله يمكن يصير بس اناقرأت معلومه تقول كذا وكذا والله اعلم..يعني تبينين خطأها باسلوب حلو مومعناته لازم تهزين راسك بالموافقه ..الا من حقك تقبلين ومن حقك ترفضين بس بلباقه وذوق علشان تتقبلك الكاتبه..
2- اتمنى اقرأموضوع واحد او اثنين بالكثير عن قضيه معينه..يعني مثلا..مظاهرةمصر كتبت عنها وحده ووثانيه وخلاص درينا ونشوف الاخبار ووضحت الصوره..لا ااا,,عضوات حواء مايرتاحون لازم يحرقون الموضوع الاصلي وكل وحده تشد حيلها وتكتب نفس المضمون تقريبا بعنوان اخر..وهاتك ياردود كاننا اول مره نسمع بهالسالفه..طيب اوكي اذا عندك معلومات جديده وتتوقعين محد يعرفها اكتبيها بموضوع مستقل او اضيفيها للموضوع الاصلي لكن ترجعين لنفس السالفه ماااله داعي واصلا صارو البنات ياخذونها كانها موضه تنتشر فتره ثم تندثر..والا نسيتو مواضيع الشيعه جت فتره خلاااااص صارت كل المواضيع عن الشيعه بخبااال وهبل الي ينصح والي يضحك والي قام يتذكر مواقف اهم شي اننانكتب عن الشيعه..وبعدين نسوهااا فجأه مع ان الشيعه مااهتدوا كلهم ولا انقرضو الاللحين موجودين بس خلاص انتهت موضتهم..
3- اتمنى اقرأ موضوع عادي وماالقى فيه رد بعبارة ((ههههه)) ضحكه يعني..مدري ليش واستغرب وش الي يضحك ..وحده كاتبه موضوع عادي او تستفسر بشي جاد وواضح ويجي رد ((ههههه والله ماعندي خبر)) ؟؟؟مثلا والله من جد شي عااادي مايضحك..لو كان الموضوع فيه شي مضحك اوكي بس غيره لا..
4-اتمنى اقرأ موضوع من اختراع وحده ولا اشوفه يتكرر بعدها بايام؟؟ والله بايام ..مثلا عضوه من باب التغيير كتبت موضوع وتسأل ليش اخترتي هالمعرف هذا مثلا..وفجأة بعدها بكم يوم خمس مواضيع نفس الفكره..لييييش التقلييييد..
5- اتمنى وحده ترد باسلوب لبق مثلا وتعلق بتأييدها لموضوع معين..وماالقى عشره وراها يأيدن بنفس الاسلوب ولنفس الاسباب؟؟ والمفاجأه تلقين بعدهم تجي وحده مهي امعه وواثقه بنفسها وعبرت باسلوب لبق انها ماتأيد هالموضوع وشرحت وجهة نظرها وانها ماتوافق الكاتبه على كلامها..ويجون عشره وراها كلهم بعد يرفضون رأي الكاتبه؟؟؟؟ لييييش..ليش الوحده تنتظر غيرها يتكلم علشان تهز راسها وش خايفه منه ..خلاص اكتبي ردك بلباقه ومالك بأحد..مولازم تكونين امعه..حتى لو وحده ضحكت ,,ضحكو كلهم..
6_ اتمنى مانلقى الردود الكونانيه<<مشتقه من المحقق كونان..الي تسوي فيها الوحده انها ابو العريف وتعرف كل شي ومحد فاهم الاهي وتحقق ببعض المواضيع ..وش قصدك..والا تقول الله اعلم ليه كتبتي هالموضوع..والا والا...ليش نشكك بالنوايا دائما ترى تفطنين غيرك على شي وهم ماقصدوه وتسببين مشكله..احسنو الظن دائما..
7_ اتمنى مانلقى سب وشتم وانتقاص للبعض والا استهزاء..ترى الحمدلله كلنا سوااااسيه والاختلاف الله هو الي حطه مو انتي علشان تتفاخرين سواء كنتي اجمل والا اذكى والا اغنى والا متدينه اكثر والا اهلك احسن والا اسمك اكشخ والا غيره..احمدي الله وبس..ولازم نترفع عن توافه الامور ونصير راقين بتفكيرنا..
8- اتمنى عدم السلبيه والتحطيم لمجرد تجربه عشتيها ربما غيرك ماراح يعيشها حتى لو بنفس ظروفك..يعني مثال من عندي ..وحده تقول ابي اقدم على وظيفه ومجهزه اوراقها تجيها وحده ماحالفها الحظ وتقول لها ارتاحي كل شي بالواسطه وراح تقعدين مثلي بالبيت ..اف اف ليش كذا ..قوليلها الله يوفقك وقوليلها وش صار معك علشان تنتبه بس خليها تجرب حظها..هذا انا ماتوظفت بواسطه بس تقديري حلو وتخصصي مطلوب وقتها فعلى طول توظفت ولله الحمدوغيري بعدي بسنين جابو تقدير كويس وقعدو ماتوظفو لان ماعاد فيه احتياج..الشاهد انه المسأله سواء توظيف اوغيره كلها ارزاق اولا وسعي ودعاء ثانيا وبعضها حظ او اسباب اخرى بس لاتيأسين..
9- اتمنى مانغير مسار الموضوع يعني وحده تسأل انها اشترت شغله وتورطت فيها مثلاو ماتدري وين تحطها ,,بس خلاص شرتها..تجي وحده تقول ليش اصلا شريتيها وليش كذا وترى فيه احسن و و و ..طيب انتو للحين مارديتو على البنت بالي تبيه لاتغيرون السالفه..
هذا الي ببالي الحين..واعتذر عن الاطاله..وهالامور بعد منتشره حتى بحياتنا اليوميه مو بس في المنتدى..اتمنى محد يزعل من كلامي..وربما ماارجع للموضوع علشان اعلق على الردود ويمكن ارجع ..ماادري المهم انه يوصلكم وهو لكم اساسا وعلشانكم..والله يوفقكم..
ياسمين 1401 @yasmyn_1401
عضوة فعالة
يلزم عليك تسجيل الدخول أولًا لكتابة تعليق.
جزاك الله خير
أنا ياما قرأت مواضيع قريبه من موضوعك ناقد يعني
ينقد الردود السلبيه بس عمري ما قرأت بروعة طرحك وأسلوبك الجميل
شكرا لك من أعماق قلبي
أنا ياما قرأت مواضيع قريبه من موضوعك ناقد يعني
ينقد الردود السلبيه بس عمري ما قرأت بروعة طرحك وأسلوبك الجميل
شكرا لك من أعماق قلبي
جزاك الله خير أنا ياما قرأت مواضيع قريبه من موضوعك ناقد يعني ينقد الردود السلبيه بس عمري ما قرأت بروعة طرحك وأسلوبك الجميل شكرا لك من أعماق قلبيجزاك الله خير أنا ياما قرأت مواضيع قريبه من موضوعك ناقد يعني ينقد الردود السلبيه بس عمري ما...
وعليكم السلام أختي ياسمين
طرحك للموضوع جدا رائع يعطيك العافيه
طرحك للموضوع جدا رائع يعطيك العافيه
انا معك
بس من صحة الكلام معليش اعارضك
لان ملينا من الاشاااعات ونقل الكلام من غير مصدر
اصلا مفروض اجباري تجيبين لنا المصدر اذا اوروبا وامريكا
ماياخذون منك كلام الا بالمصدر
يعني تقولين قريتها في كتاب :::: اسم مؤلفه ::::::في قسم ::::
كذا يكون فيه ثقه في نقل الكلام لانه حتى القراااان قال هالكلام
قال تعالى (اذا جاءكم فاسق بنبئآ فتبينوا )
بس من صحة الكلام معليش اعارضك
لان ملينا من الاشاااعات ونقل الكلام من غير مصدر
اصلا مفروض اجباري تجيبين لنا المصدر اذا اوروبا وامريكا
ماياخذون منك كلام الا بالمصدر
يعني تقولين قريتها في كتاب :::: اسم مؤلفه ::::::في قسم ::::
كذا يكون فيه ثقه في نقل الكلام لانه حتى القراااان قال هالكلام
قال تعالى (اذا جاءكم فاسق بنبئآ فتبينوا )
وعليكم السلام ورحمت الله وبركاته جزاك الله على التنبيه تسلمين حبيبتيوعليكم السلام ورحمت الله وبركاته جزاك الله على التنبيه تسلمين حبيبتي
الله يسلمك ياقلبي
الصفحة الأخيرة
جزاك الله على التنبيه تسلمين حبيبتي