نفسي في مصحف

السلام عليكم ورحمة الله وبركاته
نفسي في مصحف لني مصحفي جلدته اتقطعت وفيه بعض صفحات منه اتقطعت
حتستغربوا وتقولوا طول معندهمش مصاحف ولا ايه
لأ عندنا بس المشكلة اني اتعودت على المصحف الأخضر السعودي او اي مصحف رسمه سعودي لن المصري ترتيب السور فيه والأجزاء مختلف فبيلخبط الواحد ومش بعرف احفظ فيه وناس كتير هنا والله مش بتعرف تحفظ فيه ده حتى مرة رحت مع ماما دار التحفيظ الي بتحفظ فيه للأطفال وكان الدار فيه مصاحف كتير والأطفال بقوا يقلبوا في المصاحف ويسيبوها وقالوا انهم مش حيعرفوا يحفظوا فيها حتى ان رحت مكتب التحفيظ انهارده والله اتكسفت اروح بالمصحف بتاعي علشان متقطع خالص يعني مش علشان حاجة قلت حيقولوا دي معهاش تجيب مصحف ورحت لقيت كل الي هنال برضه مصاحفهم مقطوعة وده لقلة المصاحف الي بالرسم السعودي عندنا هنا
انا رحت المكتبة من كام يوم ولقيت مصاحف مصرية برسم سعودي بس المشكلة انها مزخرفة بألوان كتيرة قوي أحمر ولبني والتشكيل ملون ومريحتنيش الكتابة الي بالألوان الكتير دي
فيا ريت البنات الي في مصر ويعرفوا أقدر أجيب من فين مصحف زي الأخضر او رسم سعودي بس من غير زخارف كتير اي مكتبة تكون في القاهرة لأن زوجي مسافر قريب
ده انا كمان نفسي أجيب للسيدات الي معايا في الدار
وجزاكم الله خيرا