مهما اخفينا عن الناس اشياءنا الخاصه يبقى الله أعلم بما تخفي الصدور
الآن ...
بعد كل شي سويناه بالحياه
جاوبوني
بأي وجـــــــــه نقابل الله سبحانه
وبأي رجــــــــــــل نقف بين يديه وهذي اعمالنا وأنا أولكـــــــــم
ابي اعرف وين كتابي؟
ابي اشوف حسناتي ابي الجنه مابي النار مابيـــــها ...
ياترى كتابي بتاخذه يميني او يساري ؟؟
الكافر يومها يتمنى الجنـــــــــه
كيف أجل حنا ؟
خلقنا ربنا مسلمين نقف يوم القيامه ننتظر الكتاب كتاب الأعمال
بشوف ميزان حسناتي وسيئاتي وش اللي يرجح فيه ؟
وش هالسيئات اللي ماحسبت لها حساب تتراكم شـــي ورا شــي
كنت احسبها صغيره ماتضر ؟
ماندري ان الجبل يتكون من حصوات صغيرات وأن الكبائر عبارة عن مجموعة من الصغائر
تخيلوا ..حتى الاصدقاء يلعنون بعض يوم القيامه إلا المتقين منهم .. وين المتقين ؟؟
الصديق اللي ضنيته يعينني على الخير صار يعين على الشر ؟؟
متى يتضح لنا الموضوع بعد مانفقد كل شي ؟
وتلهينا الدنيا..
وننسى ان الموت لامحاله آت
وان القيامه لامحاله قائمه
وان البعث لامحاله مبعوثين ومسؤولين ومحاسبين عن كل كلمه نلفظها وكل عمل عملناه ان خيرا فـ خير وان شرا فـ شر
أو ....!
نصير اذكــى من غيرنا اللي ماتوا على معاصي واللي يقولون اذا كبرنا بنتوب و خلونا نستمتع بحياتنا ؟؟
والله ثم والله ثم والله أنا اكلمكم من تجربه شخصيه ماحسيت بطعم (الفـــــرح والضحـــك والإطمــــئنان والـــراحة وسعة الصدر ) إلا يوم ربي هداني بفضل منه سبحانه
الصــــلاة صار لها طعم ثاني لـــذة ماودي اخلص منها (بعد ماكنت اصليها بدون هدف لمجرد اني تعودت عليها)
والصيام صار له معنى اسمى عندي صرت اتذكر باب الريان اللي اعده الله للصائمين وازيد قوه وصبر وتحمل وقرب لله عز وجل
حنا الحين بعمر الشباب والقوه بعمر يحسدنا عليه الكثير من اللي فاتهم العمر ورسولنا قالــــها وصدق عليه الصلاة والسلام ( شبــــــــــــــــــــــــــــابك قبـــل هـــــرمك )
شبابك قبل هرمك
شبابك قبل هرمك
شبابك قبل هرمك
لازم نرددها باليوم 3 مرات يمكن نتذكر يمكن نحس يمكن نعرف اننا بنعمه مغبوطين عليها وهي الشبـــــــاب
الشباب نعمه والصحـــــــــه نعمه وان الله أمهلـــــــــــنا هذي نعمه اكبر ... تذكرو ا انه لايهمل لايهمل لأنه حليم سبحانه أمهلنا لعلنا نتفكر لعلنا نتوب لعلنا نستغفر لذنوبنا اللي اكثر من زبد البحر
نفوسنا بالأصل زكيه وطاهره بأيدينا ندنــــسها
وربنا سبحانه وتعالى ماظلمنا ... حنا اللي نظلم انفسنا يمكن عن جهل ويمكن عن تكبر ويمكن عن نسيان او تجاهل
هـــل بنستفيد من تجارب بعض....؟؟
أو لازم نمر بنفس اللي مر غيرنا فيه ...؟؟
وبالأخير نندم مثل ماندموا .. خلونا نجاوب على انفسنا خلونا نعرف حجم التقوى في قلوبنا ....
ماقررت أقول هذا الكلام إلا لأني ماأحب اي احد مسلم مؤمن يقع في نفس الخطأ اللذي وقعت به وهو ان الدنيا ألهتني والشيطان استغل سذاجتي ورفقاء السوء أغـــروني بملذات الدنيا الوقتيه صدقوني وقتيــــه وليست دائمه
بتقولون ليه وقتيه ؟؟؟
طيب بجاوبكم
وقتيـه لأنها ملذات جسديه...
مثلا ..
شوفي المسلسلات والأفلام ( علشان تتمتع عيونك )
اسمعي هالأغنيه ( عشان اذنك تتمتع )
شفتي فلانه وفلانه وش سووا ؟؟ وحده قصت شعرها وصارت بايخه والثانيه انكسر كعبها بالحفله ( اغتابي الناس لتمتعي لسانك )
ليش انتي معقده وماتتعرفين على شباب بكل ثقه ردي وقولي يازين التعقيد اللي كذا :)(ليش أروح للحرام ؟ لأشعل غرائزي )
الشــــهد شهد ولو قالوا عنه مــــــــــــر والمر مـــــر ولو قالوا عنه شهدا ً
صدقوني كلهااا ملذات وقتيه وجسديه وبعد هاللذه نحس بالضنك (الضاد) ضيق (والنون) نكد (والكاف) كدر
واللي يبتعد عن الله وذكر الله والأعمال الصالحه تأكدوا انه عايش بتــــعاسه عكس المؤمن .. الصادق اللي دعاءه دائما ربي زدني قــُــربا إليك
ربي زدني قــُــربا إليك
واللي يطلب قرب الله تدرون وش هديته ؟
له هديه من ربه هديه وماأعظمها من هديه
ماراح اقولكم وش هي
اقرأو هذا الحديث القدسي وبتعرفون هديتكم من المولى عز وجل
جاء في الحديث القدسي:
"لا زال عبدي يتقرب إلي بالنوافل حتى أحبه فإذا أحببته كنت عينه التي يرى بها ورجله التي يمشي بها ويده التي يبطش بها"
اللهم زدنا قربا اليك
اللهم انا نسألك الهدى والتقى والعفاف والغنى ..
استغفر الله لي ولكم واتمنى ان كلماتي تدخل قلوبنا وتنورها وتبصر بها اعيننا
ياليت اللي بينقل الموضوع يكتب منقــــول
واسأل الله الثبات لي ولكم جزاكم الله كل خير
إذا استفدتم مما قرأتم
فلا تنسوني من دعواتكم الطيبه
منــــقــــــول
يلزم عليك تسجيل الدخول أولًا لكتابة تعليق.
جزاك الله كل خير والله كلماتك اثرت فيني وبقوة ..
وبلفعل (شبابك قبل هرمك ) ..
الهتنا الدنيا وحبها الله يهديني ويهدي الجميع ..
وبلفعل (شبابك قبل هرمك ) ..
الهتنا الدنيا وحبها الله يهديني ويهدي الجميع ..
الصفحة الأخيرة
الله يعيننا على الطاعه
وعلى كل خير