شوفي أختي لاتضيقين صدرك ولا شي أنا صار لي مثلك ضايق صدري وبس ابكي هذا كله من الهرمونات

بس الحمدلله كله اسبوعين وصرت احسن انتي لاتحطينها ببالك دايم اذكري الله وشغلي القرآن وفكري بأشياء تسعدك

خططي وش بتسوين لما تطلعين من الأربعين أقلها أطلعي انتي وزوجك لمطعم حلو وخلي عيالك عند أهلك كم ساعه وهم

مو مقصرين إن شاء الله

أما بالنسبه للحركة و الراحه كلنا والله زيك أي وحده عندها أطفال مستحيل ترتاح أنا ولدي الكبير مايخليني أرتاح بس طلبات وغير كذا

تعب علي مرتين ببس ربك يسرها و كله جالسه مافي أمل تتمددين وترتاحين يعني الوضع واحد الله ياجرنا

الخياطة استخيري فيها واتكلي على الله لاتشغلين نفسك فيها كثير انتي سويتي الي عليك و الحمدلله لا يكلف الله نفسا إلا وسعها

إ ن شاء الله تطمنك الدكتوره أهم شي تكون التأمت

نظامك حلو وطريقة الرشاد تعجنين التمر والسمن أو الزبده عالنار دقيقتين وأخر شي تطفين النار وتحطين الرشاد شوي مو كثير

وناكلينه مع القهوه وحلو بعد تأخذينه مع حليب الصبح بدري أحسن و سوي خلطة الخمس فناجيل تلقينها هنا بالمنتدى خذيها أخر

أسبوع من النفاس وتوضي بأرطا وأشربي مغلي قشر الرمان أخر أسبوع بعد يجننننن ينشف

أما الدرج مانصحك ياعمري تطلعينه و الطلعه انتي زيي نفسي اطلع اتمشى إذا بتطلعين طلعه بسيطه زي كوفي ولا مطعم ماحس

فيها شي أما السوق فأجليها لما تطلعين صعبه تتحركين وتمشين كثير

الله ييسرلك أمورك يارب وتطلعين من الأربعين زي ماتحبين وأكثر إن شاء الله

الله يفرج همك يارب

يا حياتي. بولدي الثاني كنت بثالث يوم من الولادة وولدي ضايع ببيت أهلي وما لقوه وباب الشارع مفتوح الله يصلحهم إخواني صرت اركض زي المجنونة ادوره وأبكي. الحمد لله لقيناه نايم ورأ احد الابواب بعد ايش وبعدين سافرت بالسيارة بعد اسبوع وكنا بعزززز البرد الحمد لله عدت على خير وخياطتي ما جاها شي كانت أحسن من البيبي الاول
والحين صار لي ١٢ يوم والدة ببنتي. بثالث يوم وانا بالمستشفى جاني بكاء. فظيع ونفظة وتنميل ونفس يطلع وينزل ما غير اشاهق جلست ثلاث ساعات وانا على هالحالةالله يسامح اللي كان السبب الله يستر ما انفك شي وتجيني الحالة من فترة لثانية لا وأزيدك من الشعر بيت سافرت على طول من طلعت من المستشفى لبيتي ومراجعتي بكره ما اقدر اروح
على الله توكلنا.
ما لك الا تشيكين على الخياطة وتحاولين ترتاحين الايام الجاية مع انهم أثبتو ان الحركة للنفاس افضل من الراحة؟؟؟؟؟؟ ونظامك الغذائي أشوفه كويس

نظامك حلو ماشاءالله ... الرشاد حطيها مع تمر وسمن لاتتتركين الرشاد تراه مممتاز ..
وشوفي ي قلبي عشان الخياطه .. خذي لك خواجو وفلفل اسود مو مطحون .. وكمون وقشر بصل ومره وتبخري فيها لاجيتي بتنامين .. وع طول ع فراشك وغطي نفسك زين هذا يخلي الجرح يلتئم ويسحب الهوى .. والله يوفقك ^^

الله يسهلك أمرك ياقلبي

الخياطه حطي عليها ميبو بيريحك كثير

والله يكتب لك الأجر