نقآش هآدف ..::..الجزء الأول ..::.. المرأهـ الخامله والزواج ..!!

استغفر الله الذي لا إله إلا هو الحي القيوم وأتوب اليه

لا إله إلا أنت سبحانك إني كنت من الظالمين

ماشاء الله تبــارك الله

( حصري لعالم حواء يمنع النقل بدون حفظ الحقوق الأدبيه)

بسم الله الرحمن الرحيم


السلام عليكم روحمة الله وبركاته..

مرحبا يالغاليات حيآكم الله ..

موضوعنا عباره عن نقآش هـآدف بما ان عندي مواضيع كثيره حابه اعرف رايكم فيها نتناقش بحكمه نفيد ونستفيد..

ولأني أحبكم فالله خصيتكم بهذا الموضوع وقسمته لأجزاء في كل جزء بطرح قضيه إجتماعيه

ومنتشره في مجتمعنا ونتناقش ونتحاور مع بعض بأسلوب حضاري ..

وفي نهايه كل نقاش راح نطلع باستبيان عن عدد المؤيدين والمعارضين لموضوع النقاش المطروح..

وبإذن الله راح يكون مسك الختام في كل جزء من اجزاء النقاش خلاصه ونصائح وفوائد طبعا كلها راح تكون منتقاه من ردودكم ..

اتمنى ان الفكره وضحت ..
:)

قبل ما اطرح الموضوع حابه انبه على شغله مهمه جدا جدا ..

النقاش هذا موضوع لإضفاء جو المتعه و الفائده للجميع فرجاء رجاء يمنع منعا باتا التجريح والإساءه لأي عضوه..

ومعا راح نرفع شعار ( حملة لا للتجريح ) للأخت الغاليه الفجر الأخير

شغله ثانيه اتمنى النقاش يلاقي تفاعل وصدى كبير بينكم لان نزول الجزء الثاني يعتمد على نجاح الجزء الأول ..
:)
..

وبسم الله على بكرة الله نبداء ..


المرأه الخامله أو الرفله .. نسمع كثير عن بنات خاملات مايدبرون شي ببيوتهم حتى غرفتهم مايعروفن ينظفونها بنفسهم ..

والمطبخ هذا ماتدل طريقه وين معه لدرجه الشاي كويس لو عرفت تسويه ..

واذا تزوجت إما صابت ولا خابت .. إما صارت سنعه وحرمه بيت ولا ظلت على حالها ولاتعدل فيها شي ..

ومن ملاحظاتي .. المرأه الخامله هي المرأه اللي تحظى بالدلال والدلع من زوجها ..

وهي اللي زوجها يهتم فيها ويطالع خاطرها ولو في يوم سوت له حتى لو بيض قال .. الله وش هالطعم اللذيذ عمري ماذقت بيض بحياتي زي هذا ..!!!

يعني بإختصار اقل طبخه تسويها يطيرها للسما ..!!!!

أما المره السنعه راعية البيت اللي ماشاء الله تبارك الله شايله بيتها على راسها وطبخها من يومها ببيت أهلها معروف عنها انها طباخه درجه أولى ..

تلاقينها ياعمري عليها دايما نفسه شينه عليها ولا يعجبه العجب ودايم يتذمر ويتشكى ويتكلم فيها عند أهله وحالته حاله معها ..

وهي اللي بيشوفها يقول ماشاء الله يابخته فيك مايدري المسكينه وش حالتها معاه ..!!

يعني على قولتهم ( الرفله هي اللي لها الزوج كله ) ..


,, موضوع نقاشنا ,,

المثل أعلاه هل إنتي معه أم ضده وسواء كنتي مع أو ضد قولي لي ليه ؟؟

هل تئيدون تعليم البنت الطبخ من بيت أهلها وتخريجها طباخه وربة بيت سنعه ...؟؟

أم تئيدون ان البنت تكون في بيت اهلها مدلعه ولا تدبر شي وتتزوج وهي بهذي الحال ..؟؟

لو كنتي أم وبتزوجين ولدك ايهم بتختارين ليه السنعه أو الرفله ..؟؟ وبأمانه مين بتختارين السنعه العاديه أو القليلة الجمال أو الرفله الجميله ..؟؟

تتوقعون الرجال يفضلون أي وحده من الفريقين ..؟؟

ياليت كل وحده تذكر تجربتها الشخصيه سواء هي أو أحد اقاربها وا قصه سمعت عنها بهالموضوع ....
( واذا الموضوع فيه غيبه تجنبووو هالسؤال رجاء)

ناقشوني بوجهة نظري تأيدونها أو تعارضونها ؟؟

...
نبغى الحوار يكون ممتع ومفيد فياليت ماتكون أجوبتكم مختصره يعني نعم أو لا بس

الله يرضى عليكم أبغى حماسكم ..
..
ملاحظه :: للجميع كامل الحريه في ابداء رائيهم بحدود الأدب و شرط عدم التعرض لأحد العضوات ولا تغتابون أحد ..

وإذا عندكم إقتراحات للأجزاء القادمه من النقاش ؤاسلوني بإقتراحاتكم على الخاص وأضمن لكم السريه التامه ..

..
استغفر الله الذي لا إله إلا هو الحي القيوم وأتوب اليه

لا إله إلا أنت سبحانك إني كنت من الظالمين

أختكم في الله ..
R..ريــووم .. R
:)