wish list :

الزوج اذا حب زوجته راح يصبر على سلبياتها ويحولها لإيجابيات اما اذا ماحب زوجته فصدقيني ماراح يشوف سناعتها ابدا وبيشوف ايجابياتها سلبيات

الزوج اذا حب زوجته راح يصبر على سلبياتها ويحولها لإيجابيات اما اذا ماحب زوجته فصدقيني ماراح...

ومضة خير :

السلام عليكم ,,, بداية مسألة الزواج من المرأة الخاملة ,,تعتمد بالدرجة الأولى على الرجل ,, فيه رجال يهمه أن زوجته تكون سنعه مسنعه,, وفيه رجال عادي جدآ ,,, لكن في الغالب مجتمعنا الشرقي ,, والرجل الشرقي يحب أن زوجته تكون مدبره في هالأمور ,, على أقل تقدير ,, يعني موشرط فلته في السناعة ,, لكن تقدر تسوي الحد الأدنى من السناعة ,, لو تعرف بس بعض الطبخات الرئيسيه ,, وتعرف تتحمل المسؤليه ومن هالكلام ,, شباب اليوم مو زي أول ,, يمكن ما صاروا يهتمون كثير بمسألة الطبخ والبنات كذلك فيه عينات ما تعرف تطبخ ولا تبي تتعلم ,,,ولا تفكر ,, لكن متى راح تندم ؟؟ بعد الزواج ...لان هالزوج اللي مثلآ ما يهتم كثير بالطبخ ,, كم مثلآ ممكن يصبر على أكل المطاعم ؟؟ خلينا نقول سنة ,,,طيب وبعدين ؟؟ كل يوم أكل مطاعم ,, شيء ممل بصراحة ,, يعني لازم تتعلم عشان نفسها هي قبله هو ؟؟ عشان لو اشتهت شيء ؟؟أو عيالها في المستقبل ,,وما فيه مجال للمطاعم مين راح يسويلها ؟؟وما فيه شغاله تطبخ ,,, شيء حلو ان الزوج يساعد زوجته في شغل البيت خاصة بداية الجياة الزوجيه ,, قبل وجود الخادمه ,, لكن مين من شبابنا اليوم يعرف يسوي شيء!!!! أنا استغرب من بعض الأمهات اللي اذا انخطبت بنتها ماعلمتها الطبخ ,, مع انه المفروض تتعلم من قبل ,, بكره اذا تزوجت راح تلام الأم اللي ما علمت بنتها ,, فيه وحده كذا تزوجت وهي ما تعرف المطبخ ,, المهم لما راحت لأهل زوجها وشفت أخت زوجها اللي أصغر منها مسويه أصناف ولا أحلى ,, تأثرت ,, واتصلت على أمها تعاتبها على عدم تعليمها للطبخ ,, زوجها كان متفهم ,, وجابلها كتاب طبخ ,, وبدأت تتعلم شوي شوي ,, الين تغيرت وأصبحت طباخة ,, بنت خالي لما تزوجت ما كانت تعرف تدبرشي ,, وكانت تقول لزوجها أيام الملكة انه ترى ما اعرف أطبخ ,, بعد الزواج تغيرت 180درجة ,, لانها حبت زوجها ,, وتبي ترضيه ,, وهو بالمقابل صبرعليها الين تعلمت كل شي ,, فالمسألة تعتمد على الرجل بشكل كبير ,, الرجل ممكن يحي زوجته الخاملة بتشجيعها ودعمها والصبر عليها ,, الى أن تصير سنعه ,, والرجل نفسه ممكن يزيدها خمول بتطنيشه وعدم اهتمامه بهالأمر ,, ومثل ما قلت أنت ,, ياما سنعات ما يشوفها زوجها شيء ,, وياما رفلات يشوفها كل شي ,, وفيه العكس وما يصح الا الصحيح ,, وعلى حسب ما يحب الزوج ... بصراحة عني أنا تعجبني المرأة اللي مهتمه بنفسها وأناقتها ,, وتهتم ببيتها وسناعتها ,, وتهتم بضيوفها ,, بدون مبالغة ,, يعني بعضهم تبالغ في التقديم وفي الأصناف وتسوي بوفيه من والى ..... حتى هذا مدعاة للعين والحسد ,, لكن تسوي اللي تقدر عليه ,, مع الاستقبال الجيد للضيوف والكرم والبشاشة ,, وبدون ما تضغط على نفسها او عيالها ,, كذا مره حلو وممتاز ,,, يعني باختصار ( توازن ) مفهوم السناعة يختلف من شخص لآخر,, بالنسبه لي ممكن أقول أن المراة السنعة ,, هي المرأة المدبرة ,, اللي تقدر تسوي من الا شيء ,, شيء ,, الخلوقة الحكيمة الطباخة النظيفه اللبقه ,,, الكريمة اللي تهتم بضيوفها ,, وفبلهم زوجها وعيالها وقبلهم كلهم تهتم بنفسها ,, تلاقينها على سنقة عشره ,, وكل شيء نظيف ومرتب ,, وطبعآ تكون مرتبه عشان تقدر تسوى كل هذا ,, ولا الفوضويه ما راح تقدر على كذا ,,, عمومآ الزواج يغير كثير ,,, وأسأل الله التوفيق للجميع ,, أشكرك أختي ريوم على هالموضوع الهادف الجيد ,,, اللي بالفعل محتاج نقاش ,,, واعذريني على هذرتي الزايده ,, بس الموضوع محتاج كلام كثير ,,, لك شكري وتقديري يالطيبة ,, بارك الله فيك ونفع بك ,,,

السلام عليكم ,,, بداية مسألة الزواج من المرأة الخاملة ,,تعتمد بالدرجة الأولى على الرجل ,, ...

عسل قليل الدسم :

مرحبا انا اؤيدك في المثل وقد اصبتي الحقيقة لكن اعذريني لم اجد مااتكلم به فقد وفيتي وكفيتي انتي والبنات بالقصص والمثال والتي تحكي الواقع

مرحبا انا اؤيدك في المثل وقد اصبتي الحقيقة لكن اعذريني لم اجد مااتكلم به فقد وفيتي وكفيتي انتي...