افااااااا حبيبتي لا لا لا مابي هالتشآئم

الله قادر على كل شي

والحظ إلا من قعد الله يقومه

أدعي يالغاليه وألحي بالدعاء ولا تتعجلين الإجابه

وصدقيني انتي بتشوفين نتايج دعوتك بعيونك وقتها تذكري كلامي

الدنيا حظووظ صح والله مقسم الأرزاق على عباده

ولازم نرضى بقضاء الله وقدره بس بعد لازم ناخذ بالأسباب

التواكل مو زين

أدعي يالغاليه أدعي

قال تعالى :وَإِذَا سَألكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دعان

وقال سبحانه في الحديث القدسي .. قال صلى الله عليه وسلم

: إن الله ينـزل إلى السماء الدنيا بالثلث الأخير من الليل فيقول ( ياعبادي هل من داع فأستجيب له هل من مستغفر لأغفر له ، هل من سائل فأعطيه )

توكلي على الله وأدعي يالغاليه

الله يسخر لك زوجك إنتي وخواتك يارب العالمين

:)

بنات ودب اسئلكم وش مفهوم السناعه؟ عندكم وش مفهوم الرفاله؟ ووش مفهوم الزوجه المدلعه؟ انا عن نفسي اشوف كل الي اعرفهم

معاملت ازواجهم زي بعض وكلهم مايعرفون يطبخون اعرف بنتين خوات وحده سنعه في بيت اهلها يوم راحت لبيت زوجها ماتطبخ ابد

تقول الفرن حقي جديد ياكلون خفايف والثانيه قمه الرفاله عند اهلها ماتعرف تزين شاي يوم تزوجت زوجها يموت بالسنع تعبت معه بقوه

يعزم 10 رجال بوقت مفاجي وهي ماتعرف ابد يدخل هو يطبخ ومنقهر منها وده تعرف تطبخ تقول لازم يعزم ارجال بالشهر مره والحين

طلعت طباخه لان زوجها يحب السنع

ههههههههههههههههههههههههههههههههههههههههههه
اؤيد المثل وبقوه
لان فعلا هناك نماذج الرفلا هي الي عايشه
زوجها يداريها واذا جاعت يطبخ لها
ومن مطعم الى مطعم
والسنعه لها الله
وفعلا الرفلا حتى اهل زوجها مطيرينها سابع سما

المثل أعلاه هل إنتي معه أم ضده وسواء كنتي مع أو ضد قولي لي ليه ؟؟

ايه معه في الغالب السبب واحد مااحد ينكره وهو السخرة شي من الله مافيه شي يخلي الزوجين مبسوطين سواء سنعة اورفلا الا هو سبحانه قال تعالى (وجعل بينكم مودة ورحمة )
بعطيك من الواقع اختين وحدة سنعة تحطينها في المكان وانسيها والثانية الله يسعدها يوم كانت في بيت اهلها حتى السماط ماتعرف تفرشة خواتها الكبار كافينها الشغل بعد الزواج السنعة :arb: يموت فيها صح راعي سفر الله يهديه بس باين عليها السعادة وحتى الاهتمام فيها معنويا وماديا الله لايضرها مع ان وجهها عاااااااااادي واقل بعد لكنه جسمها حلو وكشيخة وزيادة سنعة تبارك الرحمن الثانية والله ماودك تصدين عنها جميلة مليانه بيضاء وكلها انوثة صوت ونعومة بعد الزواج المرة تغيرت 180 درجة بس مااقولك ام السنع بس تحسنت والله رجلها عادي معها
شوفي بقولك عن نفسي انا مدبرة في بيتنا اذا قمت تبارك الرحمن بس مااحب الشغل بس اقوم يعني اطبخ انظف ادبر البيت في العزايم والبوفيهات بس مو هوايتي اسويها لاني ملزومة عشان اقدر اعيش والحين مخطوبة وشايله هم تصدقين دعائي لليل نهار الله يجعلني مثل مايتمنى هو واهله واحسن مما اتمنى ويكون مثل مااتمنى انا واهلي واحسن مما نتمنى ووكلت امري لله الله يتمم لي على خير

هل تئيدون تعليم البنت الطبخ من بيت أهلها وتخريجها طباخه وربة بيت سنعه ...؟؟

ايه اايد موشرط طباخة اهم شي مدبرة منزل يعني تعرف وشلون تتصرف في بيتها والا الطبخ صار تعلمة زي الموية
كل شي متوفر اهم شي التدبير اللي كثير من الامهات تغفل عنه تصدقين اعرف بنات طباخات بس كل شي جاهز
امها تقطع كل شي وهي تحرك بالله هذي طباخة الله لايبلانا ولو قلتي بيجينا ضيوف بس سوت حلا وقالت امها بنتي سنعة لا حبيبتي انا لو مكان الام ابدأ بتعليم البنت من الصغر في البداية تخليها تساعدها حبة حبة وشوي شوي تمسكها مسؤليات على خفيف حتى ماتجي عمرها 20 الا هي حرمة يعتمد عليها

أم تئيدون ان البنت تكون في بيت اهلها مدلعه ولا تدبر شي وتتزوج وهي بهذي الحال ..؟؟

نفس كلامي انفا <<< احلى يالثقافة
اهم شي لو اخليها في البيت مع اخوانها ماضاق صدري عليهم هذا الزبدة

لو كنتي أم وبتزوجين ولدك ايهم بتختارين ليه السنعه أو الرفله ..؟؟ وبأمانه مين بتختارين السنعه العاديه أو القليلة الجمال أو الرفله الجميله ..؟؟

في البداية بدور اللي في باله مثلا سمراء وجسم او بيضاء طويلة فهمتي بعدين ادور السنع يهمني انها سنعة بالعربي بدبر نفسها ورجلها مو كل شوي جايني مرتي ماتعرف الله يعافيكم تعالوا عندها علموها
صراحة الوحدة تبي ولدها يتوفق وحرمة تشيله مو تشيلها هي وياه


تتوقعون الرجال يفضلون أي وحده من الفريقين ..؟؟

شوفي من الرجال اشكال والوان ماتحكمين من خلال اللي اعرف بنات سنعات فيه اللي زوجها طاير بها طير
وبنات سنعات فيه اللي زوجها مايحبها واللي رفلا وزوجها مخليها عشان عيالها والعكس صحيح فهذي ماهي قاعدة
هذا من وجهة نظري

ياليت كل وحده تذكر تجربتها الشخصيه سواء هي أو أحد اقاربها وا قصه سمعت عنها بهالموضوع ....

شوفي صاحبة القصة ماعرفها لكنها تقرب لمرت خالي تقول لما انخطبت قال ابوها تراها ماتعرف شي قال ابيها وانا بعلمها وماشاء الله الحين لها اكثر من 13 سنة ماشاء الله مبسوطة
وبنت عمي متزوجة من قبل الغزو يعني 22 سنه كان عمرها 17 سنه تقول من زود الرفاله افتح الدولاب ماسكره تخيلي
الحين ربة منزل من الطراز الاول <<< اتعب انا من الثقافة
وبنت عمي تقول عن اخو زوجها طلق زوجته بعد شهر لانها ماتعرف تنظف غرفتها ولا ترتبها لانه مررررررره نظيف

( واذا الموضوع فيه غيبه تجنبووو هالسؤال رجاء)

ناقشوني بوجهة نظري تأيدونها أو تعارضونها ؟؟

اتوقع اللي فوق يكفي اخلي المجال لغيري ومشكورة على الطرح الرائع ياريوم

عذراً..

لكن من وضع هذا المفهوم؟؟

وعلى أي أساس يقوم؟؟


رغم كرهي للطبخ..

لكن بصراحة حتى أم عشر سنوات تقدر تتعلمه بشطاره..

مايحتاج عقلية فذة...ولا قدرة خارقة...

الجاهل والمثقف يقدر عليه..



على أي أساس يكون مفهوم السناعه؟؟؟