السلام عليكم ورحمه الله
حبيباتي بنات حواء
انا من يوم سجلت في هالمنتدى الرائع وانا ملاحظه شي غريب
اذا وحده فتحت موضوع للنقاش الواحد ما يدري الا والموضوع ماخذ وجهة ثانية تماما
يبدا يكون فيه مشاحنات وفرض راي
طيب يا قلبي انت تقدرين تعبرين عن رايك باسلوب ما يسيء لغيرك او يجرحه
وبدون ما تشككين في صدق كلام كاتبه الموضوع او مقصدها
الله عز وجل هو العالم بالنيات مو انا او انت اللي نجي ونحكم ونقول اكيد انها تقصد كذا او ليش ردت
بهالطريقه الا انها تبي تسب احد
يعني من جد المشكله تنبع من ثلاث اشياء اساسيه
الاول وهو الاهم طبعا
سوء الظن
وترى سوء الظن شي مو سهل بدليل ان الله عز وجل حذر منه وكذلك الرسول عليه الصلاه والسلام
وللاسف سوء الظن الحين هو اكثر شي منتشر بين الناس سواءا في المنتدى او برا
والسبب الثاني
هو عدم تقبل وجهه نظر الاخر طيب انت وش يضرك هي مأيدتك والا معارضتك اهم شي انت مقتنعه باللي
تسوينه وتشوفين انه صح وما يتعارض مع الدين اجل ما عليك من غيرك وش يسوون الواحد ما يقدر
يحرك الناس على هواه او يستعبدهم طبعا انا ما اقصد اللي يعارضك في شي نص عليه الدين انه حرام
وهي تسويه وتكونين انت رافضته لا ساعتها معك حق بس بعد لازم هالمعارضه تكون باسلوب حلو وراقي
مو تجي الوحده تتهجم عليك وتتهمك وما تخلي كلمه سب او تجريح ما تقولها وبعدين تقول انصحها
لا يا قلبي النصيحه ما تكون بهالشكل نهائيا يعني سبحان الله القران يعطينا منهج عظيم جدا جدا في النصح
وتلقى الوحده تبتعد عنه وتجافيه الله عز وجل يقول في القران الكريم{ادْعُ إِلِى سَبِيلِ رَبِّكَ بِالْحِكْمَةِ
وَالْمَوْعِظَةِ الْحَسَنَةِ وَجَادِلْهُم بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِ وَهُوَ أَعْلَمُ بِالْمُهْتَدِينَِ}
سبحان الله شوفوا كيف ترتيب طريقه الدعوه اول شي الحكمه وانك تختارين الاسلوب المناسب وترى الناس
يختلفون في طريقه دعوتهم يعني مو كل الناس تجينهم بنفس الاسلوب وبعد الحكمه الموعظه الحسنه و
الكلمه الطيبه والاسلوب الراقي وبعدها الجدال بالتي هي احسن يعني مو تاخذين الوحده بصراخ وهواش
لا المقصود هو الحوار الراقي والدعوه هو الهدف ورسول الله صلى الله عليه وسلم هو قدوتنا في هالشي
واحنا ما راح نكون احسن من رسول الله صلى الله عليه وسلم عشان نبتدع طريقه جديده
صحيح ان البعض وهو ندره ولله الحمد ما تتقبل النصيحه ولو كانت باسلوب حلو وراقي لكن يكفيك انك اديتي
اللي عليك ولاحظوا اني اقول اللي تكون باسلوب راقي لانك لو هاجمتيها الاكيد انها بتنفر منك
الشي الثالث يا حبيبات قلبي
ان الوحده اذا جت ترد على وحده ثانيه بعض الاحيان تشوفون طريقه الرد فيها استفزاز او استهزاء
ومافيه اي انسان عاقل يقبل انه يكون محل سخريه اللي قدامه صح والا انا غلطانه؟؟
فاذا انت ما ترضينها لنفسك كيف ترضينها لغيرك يعني تخيلي ان اللي قدامك وحده تحبينها من قريباتك
او اخواتك هل من المعقول انك بتكلمينها بالاسلوب اللي تخاطبين به البنات هنا لا والله ما اعتقد
هذا غير ان هالنقاشات تولد حزازيات ومشاكل نهانا الدين عنها وممكن تدخلنا في اشياء اكبر مثل الغيبه
والحقد وغيره وانا شايفه هالاشياء في بعض المواضيع
اشياء كثيره ممكن احنا نتجنبها في حال اننا ارتقينا بمستوى النقاش عندنا بس لا اقل ولا اكثر
ولا ننسى يا بنات قول الله تعالى{وَلا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ
وَبَيْنَهُ عَدَاوَةٌ كَأَنَّهُ وَلِيٌّ حَمِيمٌِ} يعني حتى في حال انها دخلت وحده وردت عليك رد مو لائق اعفي واصفحي
وكبري عقلك خلي الناس اللي حولك يشوفون انك انت الصح وهي الغلط وتذكري{وَجَزَاء سَيِّئَةٍ سَيِّئَةٌ
مِّثْلُهَا فَمَنْ عَفَا وَأَصْلَحَ فَأَجْرُهُ عَلَى اللَّهِ إِنَّهُ لا يُحِبُّ الظَّالِمِينَِ}
اتمنى من الله ان الرساله اللي ابيها توصل تكون وصلت على الوجه المطلوب
وسلامي للجميع
:)
مفهيه @mfhyh
عضوة فعالة
يلزم عليك تسجيل الدخول أولًا لكتابة تعليق.
النرجس البيضاء
•
:26: صادقة :26:
أم_رنومة
•
:26: صادقة :26::26: صادقة :26:
والله الناس اللي تفهم ماأحد يبلش فيها
رأيك سليييييييييييييييييييييييييييييييييم مية مية
الله يوفقك ويكبرك بعقلك
رأيك سليييييييييييييييييييييييييييييييييم مية مية
الله يوفقك ويكبرك بعقلك
مفهيه
•
النرجس البيضاء
اسعدني مرورك
:26:
أم_رنومة
جزاك الله خير على الدعوه الحلوه
:26:
ام جود وجمانه
حياك المولى
:26:
اسعدني مرورك
:26:
أم_رنومة
جزاك الله خير على الدعوه الحلوه
:26:
ام جود وجمانه
حياك المولى
:26:
الصفحة الأخيرة