نقاشات زوجيه سااخنه

اخواتي مرحبااابكم في هذا الموضوع
بصراحه فتحت هذي الصفحه عشان نتكلم وندردش عن حياتنا مع الرجال واسلوبنا معاهم
تعرفون طبيعة الرجل تختلف عن الحرمه في كل شي:09:
اقرا كثير عن المشاكل واخرها موضوع توني كنت اقراه عن وحده زوجها ماينام معاها
اتعجب من بعض الحريم اللي ماتقدر تستحوذ زوجهاا بكل مافيها من طاااقه

يعني مثال بسيط
وحده تقول زوجي ماينام معي بالاسابيع ووحده تقول زوجي مايجلس في البيت ووحده ثاالثه تصيح من صمت زوجها الرهيب
تراني مثلكم متزوجه وتمر علي بعض الحالات من زوجي
تدرون الرجال وش يبي منك ياحرررمه << يبي انسانه تكون منسمجه مع افكاره في كل حالاته
الرجااااال تركيبه غريبه سايريها وتمتعي فيهاااا
مو تشوفيه مفهي مثلا في ناحية الفراش تقولين اووووه زوجي اخر همه الفراش
لااااا انتي تمتعي تكلمي اطلبي منه يمتعك
مشكلة بعض الحريم الخجل تقول الوحده استحي اتكلم مع زوجي في ذااك الشي وعند الفراش يبدا الصمت لين كل واحد ينتهي ويقووم
تراها ذي الحركه تصيب الرجال بالشرووود والحرمه بالبروود :42:

عندك مثلا سلوكه في البيت
اذا شافك صاحيه راح يرقد وذا شافك نايمه فز وقام يركض في البيت فرحاان
ولا اذا طلعتي من بيتك هو جلس واذا جلستي طلع
اكيد مايسوي كذا الا فيه شي مو شرط من ناحيتك او قصور منك
انتي هنا اعطيه على مايبغى اذا طلع عاادي استقبليه بدون اسئله ليييه وش معنى يوم انا نمت انت صحيت ليه يوم طلعت انا انت انثبرت في البيت
لييه مالي حق تجلس معايه مالي حق تسولف معايه
اببببببد
برمجي عقلك على مايبي بتلاقينه يبيك بس بدووون هذريه وقرقر كثيرررررر
انا زوجي يطلع من البيت مايتكلم ولا يقول وين رايح
يرجع يلاقيني مثل ما انا ولا افتح فمي بكلمه ولا اقوله من اين اتيت يا هذا
لاااا بالعكس اذا دخل اكون على ما انا عليه اتفرج تلفزيون اقراء كتاب اتصفح النت
مجرد ربع ساعه كذا يسالني شخباركم طيبين عاااد الرجال يحبوون الجمع وكان في البيت ستين حرمه
المهم عااتي ارد والله بخييير ونعمه انت شخبااارك
يبدا يهذري ورحت هناك ومريت هناك وجلست مع ذاااك تخبرينه وعاد اقاطعه هنا يووووه ليه ماقلت انك بتمر هناااك كان ودي تجيب ذا الشي << عااد انا هنا مسويه اني مو متحمسه انه فتح فمه وهو يسووووولف وانا مبسووطه انه هو تكلم من غير تحقيق وين كنت وليه ماقلت انك طالع
من بكرررررره
تبين شي انا طالع
انا الذكيه من غير ما اقوله ويييييين طالع
اقوله طيب كوووووييييس انك بتطلع ابيك تجيب ذي الشغله
عاد هو يقووول
يوووه ماني مااار هنااك بمر عند فلان واجلس شوي عند المحل لكن بشووف اذا قدرت مريت ابشري
ويطلع بسلامته لين مايرجع لا ادق اسال عنه وينك متى بترجع لاني اعرف طبيعة الرجال مايحب يكون تحت مراقبه على مايظن هو ان الحرمه لا سالت كثير يعني تراقبني
وتراها مبرمجه في عقلية اكثر الرجال ان الحرمه بكثرة الاسئله والتحقيق انه مراقب منها
الموووضع طوووويل لكن نبي نسولف فيه مع بعض