مساكم الله بالخير
كيفكم وش اخباركم ؟عساكم بخيرات من الله ؟:)
بنات انا اليوم جاايه وماشيه طبلوني ومعي موضوع خطيير في يوم من الايام الماضيه كنا مجتمعين انا وسلفتي واهل زوجي من عمتي وخوات زوجي المهم مالكم بالطويله جلسنا نسولف سالفه تجر سالفه لين وصلنا لموضوع مادري كيف طحنا فيه وياليتنا ماطحنا فيه عشان ماسمع الصاعقه الي سمعتها المهم الموضوع هو000
من اغلى زوجـــــــك والا 00امــــــك 00؟؟؟
انا رديت بكل وضوح وبكل تقه ان امي اغلى وتوقعت ان هذا راي الاغلبيه ماراح نختلف ووحده من خوات زوجي نفس رايي لكن 0000جااات الصدمه والطامه الي ماكنت اتوقعها جاء الدور لسلفتي تخيلوا يابنات ايش كان ردها 000قالت والله زوجي اغلى وعمتي ام زجي نفس رايي سلفتي انا هنا انجنيت طارت الجنون فوق راسي ياناس والله اني احب زوجي واموت فيه الله لايحرمني منه بس والله ان امي اغللا امي تعبت علي وربتني سهرت علي اخر شي اجي حط واحد فوق غلاها عرفته من امس قالت سلفتي والله زوجي سوالي اشياء اهلي ماسووها لي يابنات انا عارفه الوضع لي بينها هي وزجها والله انهم عادي لاهم روميو وجوليت ولاشي مستورين منسجمين مع بعضهم يعني لااحد يقول ان يمكن زوجها يحبها بجنون والا شي قلتلها زوجك اخذك وانتي عاقله فاهمه واعيه اهلك تعبو عليك وانتي نونو مالك استطاعه تحركين باي شي اكلوك وشربوك عالجوك درسوك وكل هذا مابين بعينك والله من قهري قلتلها ياخسارة تعب اهلك فيك والله مايبن بعينك شي وزوجك هذا الي فرحانه فيه والله ماراح يغنيك عن اهلك لو ايش واصلا الزوج مايقدر الحرمه الي ماتقدر اهلها لانه يحس ان ماوراها سند وخلاص ضامنها بجيبه لو ذوقها الويل بتجلس عنده بزعم الحب
ادري هرجت واجد بس والله من الحره الي في وترى ماكتبت كثير من النقاش الي دار بينا والا كان جاكم ضغط وسكر00
المهم انا قلتلها والله لانزل موضوع بحواء واشوف ردود البنات واراءهم وراح تعرفين من الصح فينا 000
والسؤال الحين بكل صدق يابنات 000
من اغلى زوجك والا امك000؟؟؟؟
ارجوا من المشرفات عدم حذف الموضوع اذا كان مكرر وجزاكم الله خير محتاجه الردود ضروري 00
يلزم عليك تسجيل الدخول أولًا لكتابة تعليق.

*مشتاقة الى الجنة*
•
زوجي غالي بس امي الله لايحرمني منها اغلى اكيد

Katie
•
الزوج شي والام شي
والغلاوة انواع والحب انواع
حب الام يختلف عن حب الزوج عن حب الاخوان عن حب الابناء
اصلا من الغلط مقارنتهم ببعض كأنك تقارنين بين التاريخ والرياضيات وبين الملح والسكر وبين الصين وامريكا كلن له نوعية حب مختلفه عن الثاني ومانقدر نصفهم جمب بعض كل واحد بجهه :)
والغلاوة انواع والحب انواع
حب الام يختلف عن حب الزوج عن حب الاخوان عن حب الابناء
اصلا من الغلط مقارنتهم ببعض كأنك تقارنين بين التاريخ والرياضيات وبين الملح والسكر وبين الصين وامريكا كلن له نوعية حب مختلفه عن الثاني ومانقدر نصفهم جمب بعض كل واحد بجهه :)


زيزي نجد
•
يمكن لها نظرتها الخاصه
عموما انا مااحب السؤال هذا
محررج صراحه ...لانك اكيد بتنقصين حق احد من الاثنين
فأسكت ازين لي
عموما انا مااحب السؤال هذا
محررج صراحه ...لانك اكيد بتنقصين حق احد من الاثنين
فأسكت ازين لي

مونيا21
•
كل واحد له غلاه ماقدر بس المتعارف عليه ان الام لها حديث حق امك ثم امك ثم امك ثم ابوك وانتو عارفين الحديث بنصه
والرسول قال لو امرت امراه بان تسجد لامرتها تسجد لزوجها بمعنى الحديث
والرسول قال لو امرت امراه بان تسجد لامرتها تسجد لزوجها بمعنى الحديث
الصفحة الأخيرة