teddybear :

عزيزتي ... عن تجربتي الشخصية ( قصة حياتي ) :p اتزوجت وفضلت سنة من غير شغالة و كنت مبسوطة ، صح يتقلب البيت راسا على عقب احياناو خصوصا غرفة الكوي لكن في النهاية تجيني حالات جنان تنظيف و ترتيب لكن ممكن أسبوع يعدي و يتخرب البيت و يتقلب و ينهار تعبي ، المشكلة ما كانت ف اني كسولة او ما بتحرك ... لأ كانت في سوء التنظيم و تاخير العمل و الخبرة ف الترتيب و التنظيم ، بعد سنة خلفت و اتضبط الوضع شوية و اصر زوجي اننا نجيب شغاله عشان تمسك لشغل البيت و انا افضى لابني بصراحة اول ما جا ابني و زادت المسؤلية حسيت نفسي اتنظمت اكتر و اكتشفت ان المشكلة كانت بطول فترة الفراغ فكل شوية آخر الشغل لان عندي وقت و زوجي ماكان يرجع الا 6 المغرب. بصراحة معاناتي زي ماقالو غيري كانت ف عدم نظافة الشغالات و لو بينت انها نظيفة قدامك :angry:ممكن تفكسيها و ماحتقدري تقولي شي لان عينيك مهي عليها طول الوقت ممكن قدامك تعمل الصح و وراكي تخبص الشغل وتمشيه اي كلام . و ثانيا حكاية عدم راحتك ف اللبس. مؤخرا انتقلت للسكن ف أحد البلاد الأجنبية :صدقيني لماتشوفي العالم كيف قادرة ترتب امورها و هم ناس بيشتغلو و عمليين تعرفي اننا بنات الخليج بنات دلع :44: و صدقيني انا يمكن ليا فترة مسجلة في المنتديات بس مابشارك الفترة دي قبل سفري كنت خايفة كيف حاصير ف الغربة يمكن اكون ختمت بعض الاقسام عشان آخد خبرات ... و احنا اللي بينقصنا الخبرة في شغل البيت و التنظيم و الترتيب ... انا ابني الصغير عمره سنة و نص لما بكنس باعطيه مكنسة صغيره عشان يتعلم يشيل نفسه و يرتب اغراضه لما يكبر و برضه لما بانظف و لما بيجي وقت الغسيل باخليه يناولني الملابس ... حببي اولادك ف شغل البيت من غير ماتفرضيه عليهم و ان شاءالله ماحتتعبيي و زوجي بحكم شغله بيجي هلكان ما بيقدر يشيل علبة للزبالةصار لما يشوف الولد الصغير يلاقي منديل طايح أو قارورة بيبسي ع الطاولةو يرميها ف الزبالة صار قبل ما يقوم يرمي اللي قدامه ف الزبالة او يودي اي صحن في المطبخ نصيحتي : لا تحكمي على الكم شهر تجربي فيه تقدري تستغني او لا ، لأن اصعب شي البداية ... اتوكلي على ربنا و اتخذي قرارك و ان شاء الله حترتاحي و ما حتندمي و حبي شغل البيت حتبدعي و حتلاقي فيه روح غير و الرجال بيحس بالروح دي

عزيزتي ... عن تجربتي الشخصية ( قصة حياتي ) :p اتزوجت وفضلت سنة من غير شغالة و كنت مبسوطة ، صح...

سلسبيل المصريه :

استخيرى

استخيرى

روح الليل :

روحي ربي يقويك ويعينك ... وانا معك قلبا وقالبا ... انا خادمتي مسافره لها شهر تقريبا .. والحمد لله رافضه فكرة التقديم على الخدم مجددا . وربي يعطينا الصحه والعافيه .. طبعا انا ساكنه بشقه وعندي اربع اطفال .. وحاليا احضر للنقل لشقه اكبر منها .. منظمة شغلي ومنظمة عيالي معي ... وربي لك الحمد مرتاحه نفسيتي جدا ... يكفي انك ماخذه راحتك بلبسك واكلك ومافقي احد يراقبك .. ما ننكر انه بالبدايه تعب بس والله التعب يهون ..لما تفكري بالاجر عند الله حطيت خطة اساسيه قابله للتعديل على حسب الظروف اهمها .. تنظيف غرفة باليوم تنظيف كامل +التنظيف السريع اليومي.. اول ما نصحى نرتب غرفة النوم والسراير .. مع ان عيالي صغار بس علمتهم ان اول ما تصحى لازم نرتب .. تنظيف المطبخ مباشرة بعد الغدا .. قبل نوم عيالي اخليهم برتبون العابهم بمكانها .. ولما ابدل ملابسهم على طول يرمونها بسلة الغسيل .. بالليل اغسيل الغسيل وانشفة وارجعه بمكانه .. وكذا ما عندك ملابس كثير والشغله تصير سهله جدا .. طبعا الاشياء اللي تساعد على سرعة الطبخ مثل البصل المقطع بالفريزر ... وصوص الطماطم .. و..... والحمد لله ربي مسهلها .. ولاتنسى التسبيح قبل النوم ... والله مفعوله راح تشوفيه بنفسك :) اهم شيء تكوني مقتنعه ... ودايم سهليها وتهون اما اذا كبرتيها براسك .. ما ارح تقدرين انا المحيط اللي عندي كلهم قالوا مارح تقدرين ... والحمد لله ربي عطاني القدره واموري ماشاءالله مستقره والحمد لله ربي يعينك ويعينا .. ويساعدنا ويعطينا القوه عشان نقوم بازواجنا وعيالنا ولا يحوجنا لهم :)

روحي ربي يقويك ويعينك ... وانا معك قلبا وقالبا ... انا خادمتي مسافره لها شهر تقريبا .. والحمد...

ملكة الليل909 :

آآآآآآآآآآآآآآآآآآآآآآآآه نفسي معاناتتي اسمح لي اختي اكتب بموضوعك لي فتره ودي اخذ راي البنات هالموضوع يدور براسي كم يوم لان لي فترة ما عندي شغاله والسبب قدمت مرتين وكل وحده اخس من الثانيه وانا الصراحه مريضه واتعب احيانا يجيني خفقان وكتمه وما اقدر اشتغل او ارفع حتى يدي وبعد ضيوف يجونا من برا وينامون عندنا المهم جربت فتره من دونهم ارتحت نفسيا بالمره لكن التعب والله تعب والحين جاينا رمضان الله يكتب لنا الاجر والتعب مضاعف وفكرت اجيب من الي بالشهر ومتردده وكنت باشاوركم ومحتااااره مرره والله ان مشاكلهم معي واهلي جننتنا بس ماني عارفه اقرر

آآآآآآآآآآآآآآآآآآآآآآآآه نفسي معاناتتي اسمح لي اختي اكتب بموضوعك لي فتره ودي اخذ راي البنات...

ماروكووو :

حبيبتي انا برد رد يمكن يزعج وايد ناس بس بقول الوااااااااااااقع والحقيقه المره : اولا : حبيبتي اولا واخيرا وقبل سؤال البنات اسالي نفسج اذا انتي من النوع الاتكالي او النوع اللي يحب انه كل شي يوصلج ع الجاهز او يعني انتي شوي تتحركي وتشتغلي ( يعني انتي تطبخي وغيرج اللي يجهز ويغسل بعدج وينظف ..او انتي اللي تامري وغيرج اللي ينفذ او انتي اللي تبخري البيت وغيرج اللي يشب الفحمه:hahaha: او انتي اللي تطلعي الملابس وغيرج اللي يغسلها ويكويها .. او انتي اللي ترتبي وغيرج اللي يكنس ويمسح او انتي اللي يجهز القهوة والشاي وغيرج اللي يشيل ويحط ..الخ.. فانا اقول لج من البدايه تقدريييييييييييييييييين والف مره تقدرين ليش لا ؟؟؟ اي حرمه قادره على انها تقوم بالدور اللي اي شغاله تسويه والا الشغاله ربوت ونحن من سلاله كيلوبترا بس نلبس ونكشخ ونقعد نكش الذباب ؟؟؟ وبعدين سؤال ؟؟ الحرمه المتزوجه شو فايدتها ؟؟؟ بس تشحن ها الاعيال ومن صالون لصالون ومن قهوه لعزيمه ومن تلفون للنت ؟؟؟ واذا مره خلاص اتسنعت بتوقف تتامر ع الخدامه المسكينه شيلي وحطي ؟؟؟ وتقول اخر اليوم اااخ خ خ خ ياني تعبانه من الشغل << وكل شغلتها واقفه ع راس الخدامه وتتامر .. << للاسف هذا واااااقع وعايشينه .. يعني اللي ما عندها خدامه كيف اتاقلمت ببيت وعيال ومسؤاليه وما شاء الله النظام ماشي تمام واللي ما عندها ويالسه لا شغله ولا مشغله ما تتاقلم ؟؟؟؟ ( فسرولي ) والا هذيج سوبر وومن يعني ؟؟حبيبتي اهم شي العزيمه والاراده اذا انتي وقفتي لنفسج وقفه وقلتي لااااااااا للخدامه انا اكفي واوفي صدقيني نص الحمل بيروح وبتشوفي انه الاشياء الباقيه عاديه وممكن الوحده تاقلم نفسها شوي شوي لحد ما توصل للكمال والكمال لله .. وكفايه بس نظره الناس وزوجج لج بانج سنعه وموفره له الراحه والا اقل شي ليش ما تعطينه المجال يروح يتزوج ؟؟ يعني لانج ما تقدرين ع طلباته البسيطه مثل غسل وكوي ملابسه وغيره ؟؟؟ يروح ياخذ له وحده ثانيه احسن يعني ايد بايد تشيل والا انا غلطانه .. حبيبتي استعيني بالله وخل عنج الخوف ولوسواس ( اقدر والا ما اقدر ) لا دايما قولي اقدر ان شاء الله ..و ربي ما بيخيب ظنج ان شاء الله .. استعيني بالدعاء والتسبيح والاستغفار ( مجرب ) وحاولي داااايما انج تمشين ع جدول وها الجدول بيصير روتين صدقيني بتحسين انه حياتج صارت احسن ولج هدف بها الحياه ( خدمه زوجج وعيالج واحتسبي الاجر) انا صار لي 4 سنوات ( قولوا ما شاء الله ) من تزوجت بعمري بحياتي ما فكرت اييب خدامه لاني عارفه اني اقدر ومسيطره ع الوضع مع انه ظروفي ما يعلم فيها الا الله .. عيال وحمل ومسؤليه بيت دورين .. بس الحمد لله الله يعطيني الصحه والعافيه مهما كسلت ارجع انشط يوم اتذكرالهدف الاساسي من زواجي ( الاستقرار ) وهذا كافي اني ارجع اسيطر ع الوضع يعني بوجود خدامه يمكن بعمري لا بلبس ولا بسوي ولا بحطي لاني عارفه انه عيونهم بكل شي .. وغير اني اعف نفسي عن انه خدامه تهتم باكل وشرب ولبس عيالي :09: .. انا امهم وانا اولى حتى بتغيير حفاظهم من الخدامه اللي ما نعرف بشو تفكر ولا بشو ناويه ولا شو اللي جبرها ع السفر والبهدله والخدمه ؟؟ الله يا رب يغنينا عن الخدامات ويكفينا شرهم ويبعد عنا الكسل والخمول ويخلي لنا الصحه والعافيه عشان نكمل بها الحياه بدونهم .. اتوكلي ع الله وان شاء الله ما تحتاجين لحد وجربي نصائح البنات : غساله اوتوماتيك وغساله صحون والتفريز وغيره وان شاء الله ربي بيكون معاج .. وبشرينا ان شاء الله

حبيبتي انا برد رد يمكن يزعج وايد ناس بس بقول الوااااااااااااقع والحقيقه المره : اولا : حبيبتي...