ام وعووودي :

ابي اقولكم تجاربي مع الشغالات بصراحه انا ما اواطن شي اسمه اندنوسيه لأنهم مالهم امان وصار لي موقف معهم قبل الزواج كان عندنا شغاله اندنوسيه وقعدت عندنا مده طويله يعني ما اذكر بصراحه هي كملت السنتين والا لا بس كانت مره رهيبه وتشتغل وتنظف وتطبخ وما عندها لشيطان طاري كانت امي الله يرحمها ويغمد روحها الجنه مدلعتها وحنا نعاملها كنها مننا الين ما جاء وسكن اخوي الكبير عندنا وبدت تتغير وتترزز قدامه وتروح له للمجلس فاكه الشعر وفي اوقات متأخره في الليل في حجه انها تبي تودي له ماء الى ان خرشناها وقلنالها لا عاد تعتبين المجلس وبدت تصيح وقالت ما ني بقاعده ابي اروح وفعلا سفرناها ، بعد كذا قدمنا على وحده ثانيه وما كملت الثلاث الشهور الاولى بدت تبين حركاتها القرعى قامت تطلطل مع باب الشارع الين ما بدت الوالده الله يرحمها تقفل الباب فكان عندها روج برتقالي تحطه وتطل بالشارع لان جيراننا اللي كانوا ساكنين بجنبنا عندهم سواق اندنوسي بعدها تمنذلت وبدت ما تشتغل بأمانه وتغش. فيه موقف صار كانت اختي الكبيره مسيره علينا مره وقلت لها تسوي شاي نعناع وقهوه المهم يوم جيت اصب لختي بياله الا وش اشوف بدل ما يطلع نعناع صافي طلع نعناع بالنمل ومره كان البيت كله نايم في الظهر وكنت انا الوحيده اللي ما قيلت ورحت للمطبخ واستغربت ان باب المطبخ مقفل وصوت الطاحونه يشتغل دخلت فجأه ولقيتها تطحن لحم ويوم شافتني انفجعت وكانت تطحن شي بيدها مدري ووشو وخبته بين رجليها قربت من عندها وكانت مرتبكه خفت لا اصارعها واخذه بالغصب سكت وخليتها وقالت لي اقعدي عند اللحم ابي اروح للحمام واجي المهم يوم جاء العصر وصحوا اهلي قلت لهم اللي صار وحذرتهم وقلت لهم خلوها تطبخ اللحم وتاكل منه قبل، وبالفعل سوت فطاير لحم ويوم جت تقدم الصحن قلت لها وقفي وتعالي اكلي منه رفضت هي ووقالت انا ما اكل اللحم عاد العناد والشك ركب راسي قلت لها تاكلينه يعني تاكلينه وهي عيونها تروح يمين ويسار وكلت وحده وخليتها تاكل الثانيه قدامي وتأكدت من انها بلعته وحنا ما كليناها ورميناها الله يديم النعمه وما تحلفوني والله ماكملت اسبوع الا ورجليها من ورى (عراقيبها ) يوم تشطبت وخضرت وما تقدر تمشي عليها بعدها ارسلت رساله لأهلها يوم ترجمناها مكتوب فيها انها تبي سحر لنا عشان حنا ما خليناها تدور لها صديق وبعدها هجت هي وشغالت اختي يوم فتشنا الملحق لقيناها الله يعزكم مسويه حفره بكنب مانبيه وحاطه فيه الفوط الصحيه حقتها وقت الدوره وبلاوي متلتله بعدها جبنا شغاله هنديه الله يحوم كبد ابليس هذيك كانت حومت كبد عجوز شينه وصخه مليانه قمل ودود في بطنها وما تفهم ولا تشتغل وتخزن الفاكهه تحت فراشها وورى الباب وما تاكله وبس تشرب حليب بكل انواعه ما تقعد العلبه الكبيره اسبوع الا وهي مخلصه وبس متعلقه بشباك المجلس وتغازل الحلاق اللي بجنب بيتنا يوم كملت الثلاث شهور قالت ابي اسافر ماابي اقعد عاد بعد ما تزوجت وحملت جبت شغالتين اندنوسيه بالإيجار الاوله سرقت مني عطر وماعاد جبتها والثانيه ماتبي تشتغل الا والجوال بأذنها اربع وعشرين ساعه وماتكلم الا سعوديين وتسألني عن اسم الحي اللي حنا فيه؟ وفي الاخير قررت اني ماعاد اجيب ولا اندنوسيه وقدمت على بنقاليه لله الحمد الى الان ماشفت منها شر بس الحذر واجب ولا اغفل عنها ولا دقيقه عيبها ماتفهم علي بس شوي شوي بصبر عليها واعلمها الحمدلله ماني قشر ا معها لكن اخاف كثير منهم. اسفه على الإطاله لكن ابيكم تاخذون حذركم منهم

ابي اقولكم تجاربي مع الشغالات بصراحه انا ما اواطن شي اسمه اندنوسيه لأنهم مالهم امان وصار لي موقف...