والله الحين العالم صار مفتووووح مو مثل أول عادي ..

النت للجميع واعتقد كل واحد له وجهة نظر يمكن في ناس مجتمعاتهم حقت تنقد ومشاكل الله اعلم

لكن بالنسبه لي انا كاتبه بأسمي ولاكذبت بشي الحمدلله

ولا عندي شي استحي منه وعلى فكره انا ماعلمت احد من اهلي بأسمي

لكن كل اهلي يعرفوني او بالأصح عرفوني من اسلوبي وعادي عندي ماانكرت خلهم يقرون ويدورون وراي

وش بيضرني وهم وش بيستفيدون انا ماكتبت الا للفائده ولاكتبت شي اتحسف عليه

والحمدلله انا من النوع اللي افكر مره ومرتين وعشره قبل لاارد على موضوع عشان مااجرح احد ..

وتبقى وجهة نظر

ياكرهي لهال الاسلوب

اولا جزاكم الله خير موضوعكم وردودكم

ثاني شي
انا البارح توني كاتبه في ملفنا ملف الزوجات الاوليات ان معرفي انكشف من قبل احد قريباتي واني ماحلل الي تدور وتنبش من وراي

ثالث شي
راح اكتب لكم الي خلاني اكتب كذا بس ياليت يكون عندنا اسلوب جميل في الرد على المواضيع احسن من التشمت بفلانه وانها كابه عشاها وفلانه لانها تكلمت عن حياتها

انا قبل اربع او خمس سنين مريت بازمة نفسية اثر زواج زوجي
وماكان يعلم بحالي الا الله وحدة ثم احد صديقاتي الي دلتني على هالمنتدى وانصحتني اني اكتب مشكلتي حتى تساعدني في تخطي ازمتي من قبل المجربات

والله يجزاها خير

سجلت وكتبت مشكلتي
وسبحان الله قيض ربي لي اهل خير وصديقات وقفوا بجنبي وحسوا فيني وفي مشكلتي ونصحوني حتى تخطيت الازمة وقدرت ارجع زوجي لي والحمد لله

بعد كذا فتحنا ملف للزوجات الاوليات لتبادل خبراتهن ولتخفيف ازماتهن
وكانت من اروح الملفات لان فيها الفائدة سوا لنا او لمن يشاركونا

بعد كذا اصبحنا من ذوي الخبرات وننصح بعض ونشد من ازر بعض
لكن في كل زمان وكل مكان فيه ناس تنبش وتفتش ورا الناس
احد قريباتي شكت في كلامي فارسلت لي رسالة خاصة تطلب مني رقمي لانها تمر بازمة زواج زوجها وتبي نصيحتي
ووقعت في الفخ
هذي القريبة تبي تعرف رقم جوالي حتى تتاكد اني انا المعنية
وفعلا عطيتها الرقم لكن بعد كذا مااحد اتصل فيني
وبعد فترة سمعت انها تسال قريباتي عني باسمي في المنتدى
فطنشتها لكني كتبت البارح قبل كتابة هذا الموضوع بليلة
اني ماحلل الي تنبش وراي وتبحث في ملفي الا باذن مني برسالة خاصة
وانا مصرة اني مااحللها الى يوم الدين

فالحين عرفتوا السالفة
هل الخطا علينا اننا كبينا عشانا والا الخطا على الي تجمع هالعشاء من ورانا

يااخواتي اعذروا اي وحدة كاتبه موضوع او رد لانكم ماتعرفون وش وضعها او مشكلتها
وارتقوا شوي في النقد
( ولو كنت فضا غليظ القلب لانفضوا من حولك)

وللمرة الاخيرة والله والله ماحلل من تتبعت ملفي وبحثت فيه من وراي بدون اذني

الله يهديك يا اخت سعودي فاشن


ماكان له داعى تتبع اخبار قريبتك



يعنى انت عارفة كل شئ عنها وش بيزود عندك اذا عرفتى اسمها الرمزى بالنت


لاحول ولا قوة الا بالله


الله الهادى لسواء السبيل


اختى المنتظرة والامل بالله

اسأ الله العظيم بهذه الليله الفضيله ان يرزقك وكل محرومة ويسخر لك زوجك وييسر امرك


وينصرك على من اذاك انه ولى ذلك وهو علية قدير

امين يانور وضياء
والله يجزاك خير ويقضي حوائجك في هذي الليلة المباركة

ويكفيك شر من فيه شر



على الله ماتكون هي قريبتي

ومانقول غير

حسنا الله ونعم الوكيل