نقاش نسائي

تعالوا يا بنات منتدانا الحلوخلونا نتناقش في موضوع ازلي الا وهوه موضوع الزوجه الثانيه او الضره او الطبينه والجارة والشريكه .................. تعددت الاسماءوالموضوع ما زال قائماً بين القبول و الفض للفكرة فمثلاً وحده تقول عادي زوجي يتزوج علي والثانيه تقول الماذون الي يكتب عقد زواجة الثاني يكتب عقد طلاقي منه واللي تقول يحط لي بيت انا وعيالي ويصرف ويكلف والله يستر عليه بس لا يوريني وجهه واذا حب يجي يشوف عياله من عند الباب زيه زي اي زاير يشرب قهوتة ويسمعنا خطوته ................... وغيرها اراء كثيره وتعليقات ياما لكن الصح والصواب برائيكم اش هوة ؟
نرضا با الامر الواقع ونعيش بين عيالنا بهدواء ولا نتمرد ونطلب الطلاق والضحيه في هذة الحالة طبعا العيال المساكين اما ان يحرمون من امهم او انهم يحرمون من ابوهم
ليش احنا دائما نرفض الزوجه الثاني وننكر على الرجال هذا الحق الشرعي الذي احله الله لهم بشروط وضوابط وقوانين طبعا؟
هل الدافع الى ذلك هوة الغيره ام حب التملك ام الخوف ان يميل الزوج للزوجة الثانيه ويهمش الاولى او يقل اهتمامه بها وبعيالها يعني الثانيه تلحس له مخه ؟
وهل صحيح ان القديمه تحلا؟
هيا يا بنات ردوا وشاركون الحديث نبغى اراء مختلفة وتجارب واقعيه
هل مع الحريم حق في رفض هذا الامر مع العلم اني اناوحدة من الرافضات لهذا الموضوع وكنت ازعل حتى من مجرد السيرهولو با المزح كم مره حاول زوجي يقنعني انه هذا امر طبيعي ولا فيه ضرر لاحد ودايم يكون رده لي بعد طول نقاش انتي ماكلة مخك التمثيليلت والمسلسلات اللي تشوفيها مخك مغسول ومامنك فايده هواكيد ماحد يجرىء على انه يحرم شيى احله الله بس كمان شيى صعب مجرد التفكير فيه وحده تقاسمني زوجي والله صعبة
يلا عطوني رايكم الله يسعدكم ولا يشا ركم رجالكم احد وانا معاكم..قولوا آآآآآآآآمين .
الفقيره الى الله...
...اختكم في الله .....شمس-الحياه
اسفه اذا طولت واذا اخطات سددوني