م فهمت نقطه وش عذر الحمل ؟
اذا انتي انسانه تبين الجنس اللي مو موجود عندك الافضل تحملين دامك بسن الانجاب والعمر الذهبي او الفضي للحمل
سن العشرين والثلاثين ممتازات للحمل وكل م كبرتي كل ماصارت مو اهتمامك اصلا الحمل والبيبي ، وكل ماصار الفرق كبير بين الطفل المولود واخوانه كل ماكان بعيد عنهم ومحتاج اخ يونسه ،
هالقرار راجعلك انتي وزوجك ووضعكم كيف هو ، ورغبتك انتي ك إم وغريزه الإمومه بداخلك

الموضوع يعتمد على قدرتك وتحملك وصبرك
الولود صفه من صفات الزوجه الصالحه
ومتى ما حسيتي انك مستعده للحمل توكلي على الله والله يبارك لك في ذريتك

إنتي قرري حسب عمرك وصحتك وقدرتك على تربيتهم والموافقه بينهم وبين مسؤولياتك الأخرى إذا كنتي موظفه او ربة بيت .. أنا عندي ولدين ومستحيل افكر بالحمل حتى زوجي ماصار يقدر يفتح موضوع الحمل معاي .. ممكن اذا دخل الصغير المدرسه افكر .. التربيه والإهتمام بالأطفال شي يبغاله جهد ووقت وطولة بال وماصدقت أفتك من الرضاعات والبامبرز مع ان زوجي متعاون بشكل كبير هذا اللي خلاه يحس بتعبي ويأيد قراري .. ان شاء الله يرزقني ربي بعدهم بوردتين توأم يضيفون اللطافه لحياتنا .

عندي بنت عمرها سنة

وما افكر انجب الثاني الا اذا صارت بعمر ٣ سنوات

وضعنا تغير عن اول من الناحية المادية

كل طفل يبي له مصروف و هاتك يادفع وتجهيزات وحليب و حفاظات ومستلزمات

وغير كذا صار اغلب الامهات موظفات وعندها التزامات اخرى واشوفها على ارض الواقع

ماعاد همنا بس تفريخ و مو شغلنا غير كم اجيب عيال واجمعهم على قلبي وش يوكلهم وش يربيهم

للاسف صار تفكير البعض كأنها في سباق تفكيرها بس تنافس غيرها في كثرة عدد عيالها ومانشوفها الا يا حامل او والد

وبالنسبة للطفل الثاني مايفرق معي تجي بنت او ولد لان كلهم حلوين و عطايا ربي جميلة

ادري كثرت كلام لكن هذي وجهة نظري الشخصية

وعن نفسي حلمي يكون عندي ٣ اطفال واهتم فيهم واربيهم صح وادلعهم واسفرهم افضل من اجيب كومة عيال وانحرم من متع الدنيا ويضيع شبابي على تغيير حفايظ و حليب وسلامتكم

ولا مافيني احدد كم اجيب هذا كله قسمه من ربي
وتحديد النسل حرام
وكل وحده تعرف ضروفها وطاقتها واحتياجها
والله يرزق كل محروم الذريه