نقاط القوة والضعف

بسم الله الرحمن الرحيم
السلام عليكم ورحمة الله وبركاته
بدخل بالموضوع على طول
هل تعرفين أقوى ثلاث نقاط قوة عندك ؟
هل تعرفين ثلاث نقاط ضعف عندك ؟
طبعًا الفائدة منها انك تعرفين نفسك وميولك
وتستغلين نقاط القوة اللي عندك وتنميها وتطوريها ورح تمشين في هذا الطريق وأنتي مستمتعة بدون معاناة
ونقاط ضعفك قسميها لثلاث أقسام
نقاط ضعف ما تقدرين تغيرينها ابد مثل لونك ، قبيلتك الحل / هو التقبل
نقاط ضعف يمكن ان تؤثرين فيها / مثل وحدة زوجها دايما ينكد عليها ،، هي طبعًا مارح تغيره الا اذا هو من نفسه وده يتغير بس ممكن تؤثر فيه بالأسلوب والحوار الهادئ مع الوقت
نقاط ضعف تقدرين تغيرين فيها / مثل وزنك الزائد ، هنا طبعًا لازم تغيرينها طالما في استطاعتك التغيير


بالنسبة لي
أقوى ثلاث نقاط قوة:
١) حب التنمية والتطوير الذات والتعلم الذاتي
٢) احب مساعدة الناس
٣ ) الإيجابية
وأكثر ٣ نقاط ضعف وبإذن الله اشتغل عليها وأعدلها
١) الخوف من إلقاء محاضرة أمام الجمهور /
واشعر هو الأمر طبيعي بس يحتاج أخذ على الوضع شوية شوية وتروح الرهبة
٢) الخوف من الفشل والتجارب الجديدة / صح الوضع صعب قليل بس انا الان جالسة اعمل تجربة جديدة وباذن الله كلما جربت اكثر يختفي هذا الخوف
٣) الخجل / كذلك احتاج للتجارب والوقت حتى اندمج


وأنتي اكتبي ٣ نقاط عندك قوة وضعف
واشتغلي عليها في حياتك
وبالتوفيق للجميع