نقطة تحول بحياتي اكيد الزواج والامومة
واتمنى نقطة تحول الكبار حفظ القران والتقرب الى الله عزوجل
احناغير
•
جزاكم الله خير على تفاعلكن بالموضوع وانا اسفة اخت بطة اذا موضوعي جدد جرحك بس اسأل الله لك الصبر واحتساب الاجر وعافكرة السؤال الي كنت بدي اسألك ياه جاوبتي عليه اكيد عرفتي السوال
واخت عطرالندى اهلا وسهلا فيك بين اخواتك وان شالله ايد بايد بنغيربعض واذا بتحبي السوريات رح اعزمك على تجمعات الملتقى برواية سورية بتتسلي معنا
واخت عطرالندى اهلا وسهلا فيك بين اخواتك وان شالله ايد بايد بنغيربعض واذا بتحبي السوريات رح اعزمك على تجمعات الملتقى برواية سورية بتتسلي معنا
الصفحة الأخيرة
ما في نقطة تحول بحياتي أبدا
يمكن النقطة الوحيدة هي زواجي إذا ممكن إني اعتبرها نقطة تحول
لأنو حياتي بعد الزواج ضلت متل ما هي بعد الزواج طبعا بالإضافة للزوج و الولد و المسؤولية
أما أنا من الداخل فضليت متل ما أنا السلبي ضل سلبي و الايجابي ضل إيجابي
حابة من كل قلبي يكون عندي نقطة تحول تتغير فيها حياتي للأفضل بس طبعا من دون ما تكون
لا سمح الله شي مصيبة أو فاجعة أليمة متل الأخت بطة
و الله يا بنات متمنية إني أتغير للأفضل
أتزوجت و أجاني ولد متل القمر و اتغربت و عم كمل دراسات عليا بالهندسة
بس أنا متل ما أنا
حابة أتغير من الناحية الدينية
حابة إني أكون أقرب لله سبحانه و تعالى و أعرف أكتر و أكتر عن ديني
حابة إني أكون مجدة بدراستي أكتر من هيك
بتمنى إني أكون امرأة مثالية لزوجي أنحف حالي و أهتم بنفسي أكثر
بتمنى لو أنام بكير و أصحى بكير
بتمنى لو حب الرياضة بس شي يوم بعمري
بتمنى لو قول لأ بوقتها المناسب
بتمنى ...و بتمنى....و بتمنى....
بتمنى لو وقف تمني و حقق شي أمنية بيوم من الأيام
حاولت كتير إني أتغير بس فورا بمل من الوضع الجديد و برجع لورا خطوات
بصراحة أنا بعتبر حالي فاشلة
مع أنو بنظر أهلي و بيت حماي أنا إنسانة ناجحة و مثقفة
بس الحقيقة غير هيك تماما
ياليت لو أتغير للأفضل