انا تغيرت كثير بفضل الله ثم بفضل المنتدى وعضوات المنتدى ومشرفاته استفدت منكم بحياتي الزوجيه مع زوجي ومع اهل زوجي وعرفت كيف اتعامل مع الناس بصوره صحيحه مع اني ماكنت انسانه سيئه بس كنت احيانا اسيء التصرف انا قلت مثل ماستفدت من هالمنتدى الرائع لازم افيد ولو بشي بسيط جدا
طبعا بالبدايه اموري تزداد سوء مع زوجي لاكن من فتره وجيزه قدرت اتخطى هالمرحله صرت اكتم غيضي واكتم عصبيتي مع اني انساااااانه عصبيييييييييييييييييه بشكل مو طبيعي
الي تغير فيني بسردها على شكل نقاط وبشرح كل نقطه فيما بعد
1_صرت اهتم بكل شي بحياتي وخليت زوجي من ضمن الاشياء الي اهتم فيها يعني مو كل شي لاااااااااء من ضمن الاشياء الي اهتم فيها
2_ارسل لي مسج ماارد الا بعد الحاح منه بمسجين ثلاثه
3_اتصل مارد من اول رنه لا ممكن قبل لايفصل او بالمكالمه الثانيه
4_مااسأل واهتم وين رايح ووين جاي جيت اهلا وسهلا رحت مع السلامه
5_ بينت له اني مهتمه كثير بالبيبي وملابسه كل مادخل الشقه يلاقيني اصفطها واضبط فيها
6_هالشهر هذا سافر حوالي سبع مرات طبعا لظرف شغله وتحملت وسكت عشان مااخرب الي سويته
7_اذا فيه موضوع يستدعي الضحك ضحكت اذا في موضوع يستدعي النقاش ناقشت وغيره لا
8_اهله وهذي اهم تغيير فيني تغيرت وخففت طلعات اكثر من قبل يعني كل اسبوعين مره تجنبتهم تفاديا للحصول مشاكل
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــ ـــــ
راح اشرح النقاط نقطه نقطه
اول نقطه انا لاحظت ان كل الرجال لما تتركينه وتثقلين عليه يركض وراك لذالك تركته براحته ويسوي الي يبيه لاني تعبت وانا اركض وراه وحسيت انه افتقدني وافتقد الاهتمام الي كان زمان ينعم فيه
النقطه الثانيه انتبهت لشي غبي كنت اسويه اني كنت الاحقه بالمسجات وخانقته بالنقطه عشان كذا خففت كثييييييييييير صرت ارسل مسج واحد بثلاث ايام واذا كنت مضظره بعد ولقيت النتيجه مبهره زوجي صار هو الي يلاحقني بالمسجات
النقطه الثالثه الي هي كانت مهمه شوي وحسيت انه انتبه بجد اني تغيرت يطلع من الصباح لدوامه واحيانا يكون عنده شغل ويجلس لحد العصر بشغله وانا ولا ارفع التلفون ابدا
واول مره صارت لقيت الي ابيه كان يسالني يقول غريبه طلعت من الصباح والحين العصر ولادقيتي قلت بقلبي من هبالي كنت الاحقك بس خلاص ورديت عليه قلت مافيه شي ضروري عشان اتصل
النقطه الرابعه ماعاد اهتم يروح الشغل مع السلامه عكس قبل كنت اوصيه مايتاخر ويتاخر يروح للاصحابه اوصيه لاتتاخر وراح اشتاقلك ومن هالكلام بس بعد يتعمد يتاخر عند اصحابه
الحين لاخلاص يروح الدوام ويرجع بالوقت المحدد حتى مايمر يجلس عند اهله كالعاده يجي يشوف وش اسوي وش الشي الي مشغلني يروح للاصحابه يرجع يلاقيني كاتبه ورقه اني انتظرته ونعست ورحت انام يعني ماهتم فيه وبنفس الوقت احسسه اني مانسيته
النقطه الخامسه استفدت بشكل مبهر وحركه ماتوقعتها وهي واذا شافني نايمه يشوف اني ضامه شي من اغراض البيبي قبل كنت اتمنى منه يضمني وقت النوم ولما شاف هالحركه صرت اصحى الاقي ملابس البيبي باخر السرير والاقي نفسي بحظنه:27:
النقطه السادسه اول اذا سافر كنت اذبح عمري من البكى عشان يرجع بس الحين انا صلا تعودت اجلس من غيره وحاولت اعود نفسي ماتعلق فيه لاني ماضمن حياتي معه ولاحظ هالشي وعلق عليه كمان وقالي انتي تغيرتي بحاجات كثيره منها ان ماعاد يهمك اذا سافرت ولالا قلت لامو مايهمني بس انت تسافر لشغلك وتروح وترد بالسلامه
النقطه السابعه ماعدت اضحك مثل قبل يعني بموضوع يضحك او يستحق النقاش وغيره ماعدت اكثر كلام يسالني دايم ليش ماتسولفين زي اول واقوله مابي ازعجك واجلس على الاب توب او اقرا كتاب
