نقاط مهمة احب تشوفوها بخصوص موضوع تسريحة غرفة النوم وابغى ارائكم ضروري

السلام عليكم ورحمة الله وبركاته
مساكم وصبحاكم رضا وتوفيق من الله
هذا الموضوع الاصلي
https://www.hawaaworld.com/showthread.php?t=448967...
اشكر كل الاخوات اللي شاركوا بموضوعي
واعطوني من وقتهم وجهدهم بارك الله فيكم
حبيباتي حابة اعلق ع بعض الردود
وعندي نقطة ابغى اضيفها وابي رايكم فيها
بعض الاخوات اقترحت المراية المعلقة او المراية المتحركة ،، هو وعدني فيها اصلاً لكن بعد كم اسبوع رفض الفكرة واتحجج بالظروف وانا مو موظفة اقدر اجيبها بعدين حتى لو عندي واقدر اجيب ما يسمح بهالشي لان ياخذه من مبدأ اني ابغى اعانده وبجيبها من فوق خشمه
واللي اقترحت احط اغراضي باكياس او شنط مكياج انا حالياً اغراضي باكياس في الصالة ومكياجي مرتب بعلبة خاصة بالمكياج كون اني لسا متزوجة من سنتين وعليها
وبنتي ما اقدر احطها بغرفة لحالها اولاً ابوها مستحيل يوافق ثانياً صغيرة وتقوم كل بعد كم ساعة تبغى رضعة 😞
وحدة من الاخوات تحسب اني شارطة تسريحة برفوف وادراج وشي فتاك
لا والله انا محروووقة ع تسريحتي لان كان فيه اكثر من طريقة يتلافى فيها رميها وهي جاية طقم مع الغرفة
بس عشان اتجنب المشاكل موافقة وراضية بتسريحة بمراية ع الجدار ورفين تحتها احط عليها عطوري ومكياجي بس يتهرب وهو حاس ان لازم من هالموضوع بس يتحاشى التكلم فيه
يا اخواتي حطوا ببالكم اني مو موظفة اقدر ادفع شي من جيبي
ولا هو يسمح باي فكرة لا بوجود تسريحة خارج الغرفة ولا وجود صناديق احط فيها الاغراض
لو سامح بفكرة وجود تسريحة بره ما رميت تسريحتي
كمان ما اقدر استخدم كومدينة السرير لان عليها حليب بنتي ورضاعاتها
ولو تدرون عاملي حظر من استخدامها لاي غرض غير الغرض اللي ذكرته ،، ااااه ياربي وبس
ما اقدر اختار اكبر غرفة واحولها لغرفة نوم
بيتي ثلاث غرف اكبر غرفة بواجهة البيت بمدخل الشقة يعني وما تنفع الا تكون مجلس ضيوف
ااااااه بس
بالنسبة للاخت اللي تقول سلبية واني اشحت رحمته
يا اختي اذا هالموقف ما خلاه يحس ع دمه ويقول عيب اخذتها من بيت اهلها عشان تعيش معززة مكرمة مو مبهذلة ومبعثرة غير حرق الاعصاب
انا ما اشحت رحمته بس وش اسوي ارسل الاغراض لجارتي مثلاً عشان لا ابين اني اثير حزنه ؟!!!!
اخواتي
مشكلة زوجي ما يبغى حتى يجيب المراية اللي ع الجدار والرف اللي تحتها
يبغى اظل كذا
لااااا مرة معليش ما اقدر كذا والله صعبانة علي نفسي وحالتي ما اقدر
انا توني باول حياتي الزوجية ابغى اعيش ابسط حقوقي فيها اما اتمكيج بمراية قد اصبعين واستشور ع مراية الحمام لا والله زي ما قالت وحدة من الاخوات تروح فيها رقاب
يا اخواتي احسه يبخل نسبياً يصرف علي
يتحجج بالظروف والله يقدر يجيب والله وقلت لكم اني قنوعة بمراية ورفين
اشتريت من فلوسي ادراج وقلت اهلي شروها هدية
ما ابغاه يتعود اذا ضيق علي ادبرها بطريقتي
فهمتوا علي
يعني بيشيل المسؤولية من على اكتافه ويريح نفسه
عشان كذا بآخذ رايكم بنقطة مهمة جداً
واسفة دوشتكم واقلقتكم
بس الحيرة والحزن والصدمة من اللي صار
غير ان زوجي لما اكرر طلبي ما يسمعني ويسوي عصبي علي ويفرد جناحاته
عندي عربية ملكتي عبارة عن مراية وطاولة كانوا راصين عليها العطور واللبان والحركات هذة
فكرت استعملها كتسريحة
بس متخوووووووفة
من :
1- ما يعمل حساب لاي تصرف يتصرفه حتى لو ضايقني لاني بانلطم وبمشيها
انا ابغاه يعمل حساب لتصرفاته وطالما غلط يصلح غلطته ويجيب البديل
2- يزيد بستقوى علي في مواقف ثانية بحجة اني ما قدرت اقنعه واخذ حقي منه وراح اسكت زي المرة الماضية
3- يشيل يده ويرفع صرفياته عني
والله يا بنات عيد السنة الماضية بكاني كثيررر وذلني الى ان نزلت السوق
مو حالة والله
غير انه ما يبي يودي تماشي ولا حدايق
ارجوووووكم ابغى رايكم
هل فعلاً الرجل اذا تنازلت المرأة عن حقها مرة ومرتين راح يهمشها ويهينها لو فكرت تطالب بحقها المرة الثالثة والرابعة
احس الرجال ما يقدر تضحية الزوجة بالعكس يستغل الموضوع وياخذه انه ضعف فيها فيستقوي عليها
ارجوووووووكم اسعفوني بآرائكم