السلام عليكم ورحمة الله وبركاته
الناس الحاسة انها ما عارفة تعمل شنو في العشر الاواخر...
دي نقاط مهمة ممكن تستفيدي منها:-
-اولا استعيني بالله ...وقولي يارب اعني ..واكثري من لا حول ولا قوة إلا بالله.
-شفتي الليالي دي عظيمة شديد ما تفرطي فيها نهاااائي ..وابعدي منها الصوارف بقدر الإمكان..مشاغل العيد خليها بالنهار ..وذكرك بليل
-كثري من صلاة التهجد بالليل ..طبعا ناس الهمم العالية بختموا المصحف ..ونحن ليه ما نكون زيهم؟..ابدي اقري ولو من المصحف في الصلاة للناس المحافظة القران ..عشان تكتري من الايات ..
-اتلي القرآن
-كتري من الاستغفار في وقت السحر وادعي كثيير (اللهم انك عفو تحب العفو فاعف عنا )..وكمان ما ننسى جوامع الدعاء -برضو خلي عندك كتاب ادعية عدييل ..اي كتاب ادعية ..عشان الايام دي مباركة ..
(يعني ليل العشر_صلاة_قرآن-دعاء_استغفار)
وبرضو ما انسى ..ممكن تقيمي الليل كلوا ..وممكن اغلبوا ..المهم ما تفرطي ..وهي كلها ايام فقط .
نجي للنهار:-
الحمدلله طالما الانسان صائم فهو في عبادة ..لكن برضو طمعانين في رحمة ربنا اكثر ..ابعدي من الغيبة ..وحتى شغل العيد اشتغلي واذكري ربنا ..لو ما قدرتي على الاثنين ..افتحي تلفونك اسمعي محاضرة او اسمعي قرآن...المهم احرصي تكوني على عبادة ..واخدي نومتك بالنهار واحتسبيها عشان تحسب ليك عبادة ...

حاجة أخيرة ..الليالي دي اعظم من نهارها ..فبتالي احرصو شديييد عليها .
والماعندها جوامع الادعية انا عندي ..بس تديني خبر ..
وربنا يعينا ويعينكم ويقوينا جميعا
وتقبل الله منا ومنكم...

💕💕💕💕💕