انا كمان سمعت ان ماء زمزم علاج بامر الله
لنقص ماء الجنين
وقريت عنه مقال طبي سبحان الله
ما قال الرسول صلى الله عليه وسلم(ماء زمزم شفاء لما شرب له)

الله يشفيك ويثبته يارب العالمين
انا ابي اقولك قصتي مع نقص الماء بالحمل مو علشان اخوفك بس علشان ماتعانين معانتي
انا حملت بطفلي الثاني وبكري عمره 5 شهور وكانت دبدوبه بشكل ماشاء الله المهم حللت طلعت حامل جلست اصيح وبغيت انجن ماني مسوعبه عمري وقته 19 سنه صغيره انا يوم جبت بنتي قلت ابي اجلس 6 سنين مااحمل بس سبحان الله حملت المهم من حملت وانا نزيف وكل مااجيهم يقولون ارتاحي و الجنين فيه نبض لين ماكملت الشهر الر ابع وانا نزيف بعدين فجئه وانا واقفه نزل على دفعة مويه حسيته نزل على رجولي وعلى الارض رحت ورقدوني قالو خلاص لازم نزله وسألتهم فيه نبض قالو ايه ورفضت انزله لانه نفس وشلون اقتله المهم كملت الحمل بالمستشفيات وماعندي ام وبنتي من عرب لعرب تعبت نفسيا كل شي شربته ماء زمزم و رقيه وكل شي ومااتحرك والله وانا بفراشي منسدحه احس مويت الجنين بين فتره وفتره تنزل على رجليني وسبحان الله الطفل مايتحرك يقول الدكتور مثل السمكه بالماء اذا مافيه ماء ماراح تتحرك يعني تموت وانا المويه قليله جدا يعني لاخلصت يموت وسبحان الله كمل الين كملت السابع وبعدين جاني نزيف ومعاه طلق وولدت كانت اصعب ولاده مع انه صغير ويطلع على 7 سانتي بس ماطلع الا بشفط لان مافيه مويه تساعده على الطلعه المهم سمعت صياحه وشفت بس رجله احس فيها شي منتفخ وازرق هم ماعطوني فرصه اشوفه زين لانه يبي يموت فمظطرين يستعجلون بوضعه بالعنايه المركزه وبعده بيوم كلمن زوجي وقالي انه مات يعني تعبت 5 شهور وانا ماطلعت المستشفى و بنتي ماربيته ولا حست بحناني واهملت بيتي وزوجي مافادن لاماء زمزم ولا غيره لان الدكتور يقول الجيوب حقات الجنين مغلفات جوا الرحم واذا انفتح الكيس و نزلت المويه خلاص وشلون تعبينهن ماتقدرين لان المويه تروح للمعده ماتدخل الرحم وتعبي الجيوب فهمتو قصدي الله يشفع فيه والحمدلله الله عوضن عنه بولد الحين عمره 5 سنين يعني القصه قديمه بس حبيت اقولك انو لاقالو لك المويه ناقصه بالمره وحسيتي فيها نزلت على رجولك وعلى الارض لاترقدين وتعبين نفسك ماراح تفيدك الراحه الدكتور يقول لو تنزفين من الاول لتاسع مايضر بس لو ينزل مقدار كاسه مويه ايئسي من حياته وفعلا ترا سبحان الله مثل السمكه بدون ماء مايعيش والي الله كاتبه بيصير والسبب الرئيسي لنزول الماء التهابات

انا كنت زيك في حملي ببنتي من الشهر الرابع والماء ينقص
اشربي ماء زمزم كثير
سبحان الله الخواص اللي فيه نفس خواص ماء الجنين في بطنك
ادعي لي احمل هالشهر

مشكوورات ع الرد وان شاءالله اجرب ماء زمزم

الله يتمم حملك ويثبته لك وان شاء الله مافك الا الخير والعافية ارتاحي ولا تتحركين كثيير وان شاء الله الامور ترجع الى ماكانت