رؤومـ @room_3
محررة
نقص اكسجين الطفل وقت الولاده .. اللي مرت بتجربتي تدخل تطمني : )
بسم الله الرحمن الرحيم ..
كيفكم بنات حوااء ..؟؟
ياليت الاقي احد يطمني ..
وقت ولادتي من 12 يوم تقريبااا تعسرت ولادتي ..
تعبت وتعب جنيني حبيبي .. وقتها ماكنت اقدر ادفع خلاااااااص ماصار فيني جهد ..
تأخرت بالمره كانوا يقولون لي الطفل تعب حرام عليك ادفعي وانا احاول ومااقدر تخيلوا موقفي ..
الحمدلله على كل حال ..
اخر شئ جابت جهاز الشفط وحسيت فيه بس ماكنت مركزه مره من المسكن وجابت حديدتين يسمونها ملقط اعتقد
دخلتها وحاولت فيه وطلع .. مدري كيف زي الحلم اللي تعرف هذي الاله تقولي ..
طلع وهو تعباااااان كنت اطالع فيه اخذوه وراحوا ماابكى ياعمري عليه ..
كنت اسأل الممرضه اقولها حي والا ميت .. قالت لااااا حي ..
شوي جت الدكتوره وجلست تخاصمني تقولي شفتي الطفل تعب منك ماساعدتينا ..
وانا اطالع فيها مانطقت بكلمه ..
بس كان فيني صبر عجيب وقتها حتى لو قالوا مااات ماكنت ببكي ..
المهم يابنات ..
السبب طبعااا الحوض عندي صغير وضيق وطفلي بسم الله عليه مكتمل نموه وزنه 3 كيلوا و150 جرام ..
صار على راسه ضغط ونقص الاكسجين عنده .. هذا سبب التعب ..
يعني المفروض ولادتي كانت قيصريه .. بس الدكتورات توقعوا ولاادتي بتكون سهله ..
والين اليوم وهو في العنايه المركزه ع الاكسجين الصناااعي ..
ياااه طفلي هذا كم اعتنيت فيه وهو ببطني كم اهتميت فيه حبيته كثير وتمنيت اليوم اللي اشوفه فيه واحضنه ..
وربي اني اتمنى انو الين الحين في بطني علشان احس فيه بس ..
المهم يابنات من اللي مرت بنفس اللي صار لي تطمني وتقولي .. نفسيتي تتعب لما اشوفه ع التنفس الصناعي ..
مدري كيف هو بيتحسن والا لاا..؟؟
الحمدلله .. الحمدلله
((اللهم أنى أسألك أيمانا يباشر قلبي ,و يقينا صادقا حتى أعلم ما يصيبني ألا ما كتبته على و الرضا بما قسمته لي يا ذا الجلال و الإكرام)).
.
122
59K
يلزم عليك تسجيل الدخول أولًا لكتابة تعليق.
جروح9
•
اسالي دكاترت الحضانه والله يطمن قلبك والله حاسه فيك وا***** الله مايصيبه مكروه وتضمينه في حضنك باذن الله
رؤومـ
•
جروح سألت كثير .. ودي يقولون اي شئ يهون علي ..
تعرفين الغريق يتعلق بقش ..
بس ماهم قادرين يطمنوني .. يقولون حالته مو مستقره .. قلبي بينفطر عليه ..
الله يسمع منك حبيبتي .. جزاك الله جنات النعيم ..
.
ادعي ربك واستغفري وان شاء الله بتشوفينه بين يدينك وكثري من الصدقه تراها علاج..
والله يشفيه ويكحل عينك فيه يارب العالمين,,
والله يشفيه ويكحل عينك فيه يارب العالمين,,
الصفحة الأخيرة