ياقلبي
الله يشفيه ويعافيه
الله يحفظه ويعينك يا أختي
اتمنى لو أفدتك بس ماعندي فكرة
لا تنسي كثرة الدعاء له فأنت أمه
أسأل الله العظيم رب العرش العظيم أن يرفع عنكم كل داء

السلام عليكم لو كان في طفل صار عنده نقص أكسجين ولابكى أثناء الولاده حطوا فيه أكسجين مدة 24 ساعه وبعدها بدا يبكي .>>> هل سيكون طبيعي إن شاء الله ؟؟

أختى العزيزة
الله يعينك ويقدرك على التعامل مع طفللك ..هذه الحالة يتم علاجها حسب درجتها ويتم عمل جراحات عظمية لنقل الامتار لجعل الطفل يستطيع المشى بصورة أفضل ...وكذلك كما ذكر باقى الاخوات انه سيحتاج لعلاج طبيعى واطباء للتخاطب لتحسين قدرتهم على الكلام كما أنصحك بان تدخليه مدرسة لذوى الاحتياجات الخاصة لتنمية قدراته ...وبالنسبة لاطباء متخصصون لعلاجه فأنا لا أعرف أحد غير بمصر ...فلى تجربة مع استاذ جراحة عظام متخصص فى علاج مثل هذه الحالات وهو أ.د. خالد عمارة - استاذ جراحة العظام بطب عين شمس..وهاهو نص حديثة عن هؤلاء الاطفال من على صفحته لعلها تكون مفيدة :
أتينا أسئله كثيره بخصوص دور جراحه العظام في علاج الاطفال الذين تأخر المشي عندهم بسبب إصابه في المخ نتيجه نقص الاوكسوجين اثناء الولاده او بعدها مباشره في الحضانه .. و جراحه العظام في هذه الحالات لها دور هام في إصلاح التشوهات بالقدم او الركبه او الفخذ او اليد ..كما ان لها دور هام في نقل العضلات و الاوتار لتحسن الوظيفه و قدره الطفل على خدمه نفسه و الحركه بإستقلال .. و يجب ان تتم الجراحه بواسطه طبيب متخصص في اصلاح التشوهات و عظام الاطفال ... و لدينا خبره كبيره في هذا المجال مما يجعلنا ننصح بثقه و نشجع أهل هؤلاء الاطفال على إجراء هذه الانواع من الجراحه بشرط السن المناسب و الذي يتم تحديده بالفحص و الاشعات ....

اولا .. الله يشفي فلذة اكبادكم من كل مرض ومن كل سوء والله ياجرنا ع صبرنا .. ويرزقنا فرحة شفاؤهم..

حبيبتي ,, انا بنتي عمرها سنتين و9 شهور ..

سلمج الله انا جبت بنتي في اخر الشهر الثامن.. طبعا يقولون انه صارت لي مشاكل في المشيمه ومايعرفون شنهي

الاسباب .. وكل اللي قالوه انه الاكسجين والدم مايوصل للمشيمه.. وولدوني طبيعي.."

وظلت في الحضانه 10 ايام بالضبط.. وقالوا لي انه صارت لها مشاكل نقص الاكسجين..

وصحيح لمن ولدتها .. طولت لمن ولدتها.. اول بيبي وكنت متخوفه وغير الالم .. يعني تعب في تعب..

وحتى ماسمعت انها بكت.. وجبتها ووزنها كيلو و800 بالضبط جدا صغيره ..


وبنتي تاخرت في القعده.. يمكن اقعدت وعمرها 5 او 6 شهور تقريبا..وماحبت تقريبا سنهو4 شهور

كانت تحبي ع مؤخرتها وتزحف عليها وتتحرك..وبدى علي القلق من عمر السنه وديتها وعملت لها

الفحوصات .. من فيتامين دال والكالسيوم,, وعملت لها تصوير مغناطيسي.. والحمدلله قالوا لي كل شي فيها سليم

وحولوني للعلاج الطبيعي للمشي.. وكنت مرتين كل اسبوع اراجع العلاج طبيعي.. وعطوني لها

احذيه للعلاج..وكانوا يخلونها توقف ع قطعة خشب..فترة نصف ساعه.. الحمدلله في تطور مع العلاج..

لكن بشكل متاخر وهذا يبيله صبر..وطولة بال .. والدعاء والاستغفار والصدقه بنية شفاء بنتي.."

وطبعا في شهر اكتوبر2012 سافرت للسياحه لتايلند.. فصار لها تشنج بشكل غريب واول مره يصير لها هالتشنج

والدكاتره في تايلند شكوا انه وراثي او انه فيها هالمرض ومحدن اكتشفه.. ولله الحمد والشكر لله عزوجل

ماصار لها الامره فقط.. واعتقد من الجو الحار اللي في بلدهم هو اللي سبب لها هالشي.. "

وحاليا.. لها شهرين تقريبا.. صارت توها ببداية توقف ع الكنب.. وتمشي خطوات ع الكراسي والكنبات

واللحين كملت اسبوعين.. تركب بنفسها ع الكراسي وتنزل.. الحمدلله.. اشوف فيه تقدم وتطور مع علاج الطبيعي

وبداية نوفمبر 2013 رحت لتايلند اعمل لها فحوصات.. عملت لها اشعه للحوض..ودخلت ع المستشاره للعلاج

الطبيعي .شافت وضع بنتي وقالت لي .. بخصوص موضوع المشي ماتحتاج علاج طبيعي مكثف.. فقط

تحتاج مساعده منا للتعلم .. لكن هناك مشكله وهي النطق.. بنتي مشكلتها في النطق جدا كبيره..

ماتتكلم والاافهم منها حاجه.. الابعض الكلمات.. لكنها ذكيه ماشاءالله الله يحفظها.. اتعرف الحروف الابجديه

الانجليزيه والارقام العربيه والانجليزيه ..واذا تبغى العصير تقول عصير.. والاكل تقول هم هم..

وبابا وماما وسياره وباب ..ووصتنا مستشاره نبعد عنها الاي باد.. لانه اهو سبب الاساسي اللي ياخر النطق عند

البنت.. واللحين كل اللي باقي انها تمشي بشكل طبيعي.. وتتكلم .. الحمدلله فيه احد الاخوات الله يجزاها الجنان

ويوفقها ويسعدها دوم يارب.. قالت وصفه .. اجيب زيت زيتون واطحن فيه مسمار وهو القرنفل واحطه في غرشة زيت

زيتون واقرى فيه الادعيه والايات والمعوذات.. وكنت ادهن فيه بنتي كل ليله واللبسها صروال طويل يغطي ارجولها..

والشهاده لله عزوجل.. من شهرين لمن بديت ادهن بنتي بزيت زيتون مقري احس بنتي تحسنت..وهذه بداية

العلاج ..وحتى كانت دكتورتها شاكه انه سبب ماتمشي يمكن من اذنها ومافي توازن.. الحمدلله اليوم رحت

فحصت اذنها الحمدلله مافي اي مشاكل.. "

صدقوني خواتي .. انا صابني ياس وحزن وضيقه.. لكن اتذكر دايما انه بنتي الحمدلله لافيها اعاقه جسديه او ذهنيه

واقول اللهم لك الحمد والشكر يارب واحمد ربي واشكره انه بنتي بكامل صحتها وعافيتها كل شي فيها سليم بس

اللي ناقصها انها تمشي وتتكلم.. وللعلم.. للحين بنتي ماتفهم كيف تروح الحمام .. وللحين اللبسها البامبرز..

وقالت لي المستشاره في تايلند بالمستشفى الامريكي.. اني ع الاقل بكمن ساعه افك عنها البامبرز واخليها بدونه حتى تقدر

تتكيف بدونه وتتعلم مشي .. طبعا صعب علي هالموضوع.."

وبخصوص الاكل.. طبعا انا احاول اعلمها تاكل بنفسها.. اعطيها الروب والملعقه تاكل بنفسها.. والعصير

حالا ماتعرف تعتمد ع حالها وتشرب بالكاس.. اهي تشربه في مطارة العصير.. يعني بيلها بعد وقت تتعلم.. "

الله ياجرنا واياكم ياخواتي .. وان شاءالله كل هذا خيره من رب العالمين.. وحبيت اقول لكم هذه اول طفله لي وبكري

وماعندي غيرها .. فكرت احمل واجيب غيرها.. لكن للاسف ماقدرت قلت تمشي بنتي وبعدها احمل..

والله يفرح قلوبكم جميعا في فلذلت اكبادكم.. ويرزقكم فرحة السعاده بشفاؤهم .. "

اللهم امين..


وتذكرت شغله من فترة شهر كنت بعيادة اسنان اللتقيت مع ام شافت بنتي وقالت لي انه نفس مشكلة بنتها

وقالت لي انها راحت لمستشفى في الاحساء ضربت بنتها ابره ومشت.. " كنت ابغى اسالها اسم مستشفى

للاسف اختفت .. والحمدلله ع كل حال..

ابني نفس حالة ابنك متى بديتي تحسي بالتشنجات