الله يشفي بنتك وتشوفينها تمشي قدامك

لكن كيف اكتشفتي ان عندها نقص بالاكسجين يوم انولدت والا بعد مرور عشر شهور ............

وسويتلها تحليل دم واشعه

وهي الان تشد ارجولها وتوقف عليهم؟؟؟؟؟؟؟؟؟؟؟؟

واذا جلستيها تجلس ولو ثواني؟؟؟؟؟؟؟؟

والله يعافيها ويعافي مرضاء المسلمين

لاشكر على واجب اختي وبالنسبه لبنتي استمريت اعطيها فيتامين وصفه الدكتور
تقريبا الين كملت سته اشهر بعدين صارت ترفضه لان طعمه مر.. والجلوس تاخرت بعد
بس كنت احطها في الكرسي واربط الحزام وبعد فتره صرت احطها عالارض واحط وراها مركى
وهي زي بنتك خوافه لما كانت تنام كنت احطها على جنبهاوتعودت صارت تحب تنام على جنب وتقلب لحالها والحبي جا صدفه الحمد لله كنا مره معزومين على عشا وكان فيه ولد صغير يحبي
وكانت تناظر فيه وهو يحبي في الصاله وسبحان الله
اليوم الثاني حبت وصرت انا احبي قدامها وتجي وراي .. بس المشي للحين لازم نمسكها والحين صايره
تمسك في الكنب وتمشي ..وبالنسبه للتدليك في البيت بيدي وفي المستشفى يوم ورا يوم والحين
مره في الاسبوع لاني خليت الممرضه تعلمني الطريقه وصرت انا اسويلها والحمد لله خف الشد
وصرت البسهاجزمه قاسيه عشان تلم رجلها..ان شاء الله اكون جاوبت على اسئلتك :26:

انا اعالج بنتي في التعليمي عند الاستشاري حسن0الله يشفيلك بنتك0

اختي ام رواء انا بالسعودية بالرياض..انا خايفة عالبنت توها صغيرة..هل فيه حالات مجربة؟؟طبقوها وتحسنوا؟؟ياريت تفيديني؟؟

اختي همسه ..جزاك الله خير على دعائك والله يشفي جميع مرضى المسلمين..:27:

اختي sarah-9..الله يشفي ولد اختك وماقلتي كم عمره اللحين وهل يمشي ويجلس؟؟زانا ماقصرت عرضت بنتي على اخصئيين اعصاب بمستشفى الحرس العيادات الخاصة عند د.احمد الرميان اخصائي اعصاب اطفال..وهم مايقدرون يحددون الحالة الا مع تقدم عمر البنت ومدى تطور النمو عندها..:26:

اختي سعودية..اصلا الولادة تعسرت وانولدت البنت بعدها بعملية..وقالوا لي اول وانولدت..خصوصا انهم كانوا حالقين لها جزء من شعرها ويغذونها عن طريق الراس..انها حصل لها نقص اوكسجين وتمت عندهم بالحضانه تقريبا 4 ايام..بعدين طلعنا للبيت عادي..البنت كانت طبيعية جدا..بس لما جت بالخامس والسادس ما تقلب على جنب..بديت اخاف..وعرضتها كم مرة على دكاترة اطفال قالوا انتظري عليها مع الوقت تتحسن اللي يعطيني فيتامين دال..واللي يكتب كالسيوم.. ولما جت بالعاشر عرضناها على الدكتور حق الاعصاب..وقال السبب من نقص الاوكسجين..
سويت لها اشعة مغناطيسية بناء على طلبه لكن ما بينت شئ..وقال لازم نعيدها بعد سنه..
بالنسبة لشد الرجلين ..لا ما تشدها ولو شدتها ممكن ثانية وترجع تثنيهم..واذا جلستها الحمد لله تجلس..لكن لازم انا اجلسها هي ما تجلس من حالها..شكرا لاهتمامك..ودعائك..والله يشفيها..

اختي ظبية نجد..بنتي خذت الفيتامين لحد ما كملت سنه وخذت كالسيوم وفيتامين دال بعد..وانا كنت اسوي لها تدليك فتره بعديت وقفت لانه قالوا خلاص يكفي التدليك ينفع للي عندهم ارتخاء في العضلات لانه يخليها تشد..وبنتك شادة العضلات عندها ما تحتاج تدليك..بس ماشالله بنتك حالتها احسن ..الله يساعدها وتشوفيها تراكض بالبيت قريب..انا احس لو بنتي تقلب تسهلت امورها شوي لانها رافضة انها تقلب على بطنها من اقلبها تبي ترجع طوالي..وانا فعلا البسها جزمة قاسية واوقفها على جهاز اسمها الوقافة لمدة ساعه يوميا اذا تعرفينه..

اختي شجون الحزينة..اسمك يهيج الاشجان..:27: ..
وينه التعليمي هذا بالرياض؟؟اسمه المركز التعليمي ..والا المستشفى التعليمي؟وحسن اخصائي ايش اعصاب والا علاج طبيعي؟؟ووش جنسيته..؟؟
معليش كثرت الاسئلة عليك..بس تحملي ام وتبي تتطمن على بنتها..