نقص فيتامينات

عندك نقص كبير في الهيموجلوبين؟ يعني كم النسبة الي وجدتي؟

وعليكم السلام
طالما عملتي تحاليل وقالوا لك السبب نقص بعض المعادن والفيتامينات يعني اكيد قالوا لك طريقة العلاج ووصفوا لك مكملات مناسبه لحالتك استمري عليها
واذا تبحثين عن اعراض نقص الهيموجلوبين بتلاقين انه فعلاً يسبب تعب وارهاق ودوخه وخفقان بالقلب وضيق تنفس وصداع وشحوب بالبشره وتساقط شعر
فما بالك لو يكون معه نقص فيتامين دال وفيتامين ب12 أكيد راح تحسين بالتعب الجسدي والنفسي مضاعف فلا تستغربين ان اللي تحسين فيه سببه نقص معادن وفيتامينات
اهم شي راجعي نظامك الغذائي وشوفي وين الغلط وصححيه
لان الجسم يحتاج مصادر الحديد مثل الكبده واللحوم والدجاج والاسماك ويحتاج الورقيات الخضراء بكافة انواعها والبقوليات
ويحتاج انك تاخذين مصادر فيتامين سي عشان يقدر يمتص الحديد مثل الكيوي والمانجا والفلفل البارد والجوافه والفراوله والحمضيات
ولازم تبعدين عن مصادر الكالسيوم مؤقتاً عشان ماتمنع امتصاص الحديد مثل الالبان الاجبان والحليب وكل مشتقاتها كذلك السمسم ومشتقاته
ولازم يكون الهضم عندك ممتاز عشان جسمك يقدر يمتص الفوايد اللي بالاكل يعني مايكون عندك مشاكل بالمعده مثل الحموضه وعشان تحسنين الهضم خذي مع وجبة الغداء ملعقه صغيره خل تفاح طبيعي عضوي اخلطيها مع نص كوب ماء واشربيه بعد الغداء مباشره بشرط مايكون عندك قرحه بالمعده عشان مايضرك
وانتبهي لا تشربين لا شاي ولا قهوه ولا غازيات وتاكلين شوكلاته قبل او بعد الاكل بساعه ونص عشان مايمنع امتصاص الحديد
وحاولي كل يومين ثلاثه تسوين لك على الريق عصير يرفع الدم ويغذي الجسم مثل عصير الشمندر بالبرتقال والتفاح
او عصير السبانخ بالبقدونس والكزبره او اي ورقيات خضراء ثانيه مع عصير ليمونه وربع كاس ماء بارد
او بالليل انقعي زبيب اسود مقدار قبضة اليد مع كوب ماء والصباح اضربيه بالخلاط واضيفي له ملعقه عسل اسود واشربيه ممتاز للدم
اما فيتامين دال مالك غير الحبوب من الصيدليه خذيها مع وجبة الغداء ولازم الوجبه يكون فيها دهن طبيعي مثل زيت الزيتون ولازم تاكلين سلطه خضراء عشان تحسنين الامتصاص لان المغنيسيوم ضروري للامتصاص
يعني وضعك يحتاج بس تصحيح لنظام الغذاء وبإذن الله تتحسن صحتك وقدامك العافيه