نقص فيتامين د و ضعف العضلات

وعليكم السلام
سلامتك ماتشوفين شر
المشكله اللي اغلب الاطباء مايذكرونها اما لجهلهم بها او تحفظهم او نسيانهم
ان كل فيتامين ومعدن بالجسم يحتاج لفيتامين ومعدن آخر عشان يقدر الجسم يمتصه بشكل سليم
مثلاً الحديد لازم فيتامين سي ، اما فيتامين دال لازم كالسيوم ومغنيسوم عشان يسهل الامتصاص ويستفيد منه
واللي انصحك فيه تتبعين هذي الطريقه وبإذن الله بتلاحظين الفرق على صحتك مع الاستمراريه
بالليل انقعي حبتين تين مجفف مقطعه نصفين او ارباع بكاس ماء فاتر
واول ماتصحين وتشربين كوب مويه اشربي بعده منقوع التين وكلي حبات التين المنقوعه
ثم انتظري نص ساعه وافطري ويفضل ان الفطور يكون معه كوب حليب كامل الدسم خاصة المدعم بالفتيامينات والمعادن ، وباقي الوجبات الغداء والعشاء حاولي يكون فيه احد هذي الاطعمه تونه بيض اجبان كبده فطر سمك
ومره باليوم خذي كوب ماء واعصري معه ليمونه واشربيه .
وكذلك علبة زبادي مهروس معها فصين ثوم .
واليوم اللي بعده ابدأي يومك بكوب ماء ثم جهزي لك المشروب الاخضر وهذا يعتبر مثل حبة فيتامين ومعادن مفيد جداً للجسم والشعر والبشره ولازم تشربينه الصباح عشان الجسم يكون خالي من الكافيين ومايمنع الامتصاص
الطريقه : خذي بحجم قبضة اليد مليانه اوراق سبانخ + ومثلها كرافس + خياره صغيره + عصير ليمونه + ملعقه صغيره زيت زيتون + ربع كوب ماء واضربيهم بمحضرة الطعام الى ان يصير عصير ناعم واشربيه مثل الشوربه او العصير وانتظري على الاقل ساعه الجسم يمتصه ثم افطري وتغدي وتعشي نفس اللي وضحت .
وتقدرين تنوعين في الورقيات الخضراء حسب المتوفر مثلاً جرجير بقدونس كزبره وكل مانوعتي افضل
طبعاً كرري نفس الطريقه بالتناوب يوم تين مجفف ويوم مشروب اخضر
ولو تطلعين كل يومين بالشمس الصباح وتكشفين اكبر جزء ممكن من جسمك للشمس بيكون ممتاز لصحتك
واكثري من الاطعمه النباتيه الخضار والفواكه والبقوليات بكافة انواعها حاولي يكون اكلك متنوع وصحي
وبإذن الله تلاحظين الفرق في صحتك بشكل سريع كل شهر افضل من اللي قبله
لان مثل ماوضحت الخلل الاساسي نقص فيتامينات ومعادن او انك تاخذين فيتامين واحد كمكمل ومافي معدن او فيتامين ثاني يساعد على امتصاصه فيروح كل تعبك على الفاضي ..

الله يشفيك

اب