نقطة تحولك بفضل من بعد الله

نقططة تحول
ﻻزم كل شخص يمر بنقطة تحول بحياته تغيره للأفضل وتضل هالنقطه معلقه بذاكرته ماينساها


كل وحده تقول لنا وش نقطة التحول الي هي سبب تغيرها للأفضل سواء فطريقة تعاملها معا الناس فشخصيتها فأخﻻقها فطباعها فجسمها فأسلوبها فأهتماماتها
ببدأ بنفس ...
من النقاط الي غيرتني
(( منتدى حواء)) بعد الله
..كنت دايم ﻻزعل زوجي أركض وراه أراضيه وأحيانا الغلط بدا منه مو مني وﻻزم أنا أراضيه ومايرضى بسرعه يجلس يوم يومين وأنا خﻻص يجيني أحباط وتتغير نفسيتي وأكره نفسي ليش زعلته >>كنت هبله هههه
وبعد ماقريت مواضيع وردود للبنات هنا سرت أسوي مثلهم حتى لو أنا زعلته أطنش وﻻ كأن شي سار اﻻ إذا كان شي يزعل مره أعتذر مره وحده بدون ما أذل أترجاه وخﻻص أروح لشغلي وأسوي الي يبيه من طلبات وماأسولف معا أشغل نفسي
والله يابنات ماتوقعت بتكون كذا النتيجه مايطول يرجع يعتذر مني أنه رفع صوته وأنه زعلني أو جرحني معا أن أحيانا أنا الغلطانه
وأقبل أعتذاره وأضمه وأجلس أتكلم بهداوه معاه




((زوجة أخوي )) بعد الله
يابنات زوجة أخوي ماشالله بعمري بس تزوجة قبل أخوي واحد من وهي صغيره وكبير فالسن ومذوقها الويل ومعا كصا ماكانت تهمل نفسها أبد وبعد ماتطلقت بفتره تزوجها أخوي وﻻجت عند أهلي أشوف الفرق بيني وبينها أنا وهي نفس الطول والاجسام هي أنحف وأنا جسمي مضبوط ماشالله
شعورنا طبيعتها نفس بعض ومقصوصه
البشره هي أفتح مني بشوي
يابنات ﻻجلست معاها كأن عمري 40 او 50 سنه ماكأنا22
مهتمه بنفسها ما أقول خلطات وكذا ﻻ بس ماتطلع من غرفتها اﻻ مستشوره الغره وحاطه روج وكريم أو بودره خفيفه وﻻبسه بلوزه أو حتى ثوب تخصره عليها من جهة الصدر يطلع مرتب ماشالله تقول أختي حتى وهي فبيت أخوها كانت تصحى تستشور الغره وتلبس لبس مرتب وتحط مرطب وعاد تجلس
وأنا فرق أجي عند أهلي بثوب وﻻبسه طرحه وشعري أحيانا بس المه ما أمشطه ومأهتم أحط حتى روج وﻻ شي بس عطر وخلصنا ويجي ياخذني زوجي بذا الشكل
فكرت ليش أنا مهمله كذا هذي بنفس عمري وقريبين من بعض حتى بالمﻻمح والدليل بالمستشفى على بالهم خوات يقولو نتشابه
ليش الفرق هذا أما كأني عجوز
وأصريت على نفسي سرت أهتم بشكلي حتى بالبيت كنت مهمله وما أطلع بثوب أﻻ نادر وأرتب نفسي واستخدم خلطات وأحس برضا عن نفسي عكس قبل


((أخوي وأختي )) بعد الله
كنت كل ماجتني فلوس أقول لأمي فأيش صرفتها وإذا حطيت لزوجي أقولها طبعا حافز وغيره
وأقولها بالمشاكل الي تسير حتى الي من أهله أو اذا بغيت مشوار ورفض يوديني
وسارت تتضمر وتحقد على زوجي ومن اي موقف تخاصم عليه وانا أنقهر على زوجي ﻻن تغيرت نظرتها له
وتكلمو معاي اخوي وأختي قالو أي شي يخصك أنتي وزوجك ﻻتقولينه لامي أسراركم ﻻتقولينها حتى لو ماهو سر بس هذي ام ومن الطبيعي تنقهر على بنتها وتحقد على زوجك
وخﻻص سرت أسولف معاها عادي بس ما اقول وين وديت فلوسي وﻻ وش سوا زوجي بالعكس بس امدح الاشياء الي سواها حلوه واقولها وتغيرت نظرتها له 180 درجه
ونقاط كثيره ^^
أقولها بعدين لو شفت فيه تفاعل
منكم
يالله أترك المايك لكم قولو نقاط تحولكم ^^