نقطة سوداء كرهتني نفسي

السلام عليكم ورحمة الله وبركاته
انتم الوحيدين اللي ارتاحلكم حتى خواتي ما احب افضفض لهن
انا طول عمري انسانه في حالي عندي ٤ اطفال الحمدالله مقتنعه قبل نشتري بيت كنت ساكنه شقه وعندي اربعه الله يصلحهم يارب طبعا اللي متزوجات معاي اغلبهم احتاجو عاملات وقدمو سلفاتي وبنات خالاتي واغلب اللي متزوجات معاي جابو
انا اشتغلت الغيره حررريم ههههه
وأبداء احن على ابو الشباب ابي ابي ابي ابي طبعا هو ما عطاني وجه قال شفتي حريم اخواني وتبين تقلدينهم انتي ماتحتاجين شقه صغيرة وشوله المهم اهلي قدمو ثنتين امي وحده منهم ماعجبتها قالت جربيها اذا اعجبتكم نتنازل وتاخذونها وأجيكم انا وابدا اتفشخر وعندي شغالة ويقالي صرت مثلكم عدم ثقه وإحساس بالنقص كل ما اتذكر احقر نفسي طلعت انسانه ثانيه مو انا
والله العظيم سلفاتي وبنات خالاتي صارو يتحاشوني حسو اني وحده اقارن واغار ما انسى وحده من سلفاتي ترمي حكي علي الشخص اللي يقارن عمره مايعيش وكلام ناسية تفاصيله واهل زوجي ما انساها اخت زوجي الله يذكرها بالخير ويسعدها قالت مايصير كل احد يقارن بفلان وعلان ترى الناس يستحقرونه طبعا انا ذا العاملات من جبت طفلي ال٣ صارت هاجس وابيها وكل ماسمعت احد جابها اتمنى اجيب اغبطها
المهم جلست ٣ شهور العاملة وتنازلنا عنها ضيقت علي بالشقه ماقدرت اتحملها يعني شغلة مقارنات كل ماتذكرت تفشلت نظرت زوجي لي و اهل زوجي سلفاتي اهلي خالاتي بناتهم كرهت نفسي مرره والسالفه صارلها اربع سنوات والى الأن اللوم نفسي وكل ماتذكرتها حقرت نفسي حتى خواتي استحي منهم اللوم نفسي انا مره مستحيه من نفسي ودي انسى عجزت ماقدرت دايم اذا تذكرت احقر نفسي ليش انا كذا ليش ليش :( تكفون كيف الواحد يقدر يمسح نقطه سوداء بحياته زي كذا طبعا تعودت حاليا ماأقارن نفسي في احد والشي اذا انا محتاجته اجيبه لكن اذا مو بحاجه استغني الدعوه مو فشخره وأكون واثقه من نفسي وما أقارن حياتي في احد وارضى في وضعي والحمدالله مررره حسيت نفسي افضل صرت أقراء وأوعي نفسي واترفع لكن دايم اتمنى شي يخليني انسى لكن عجزت كل ماطرى ذا الموضوع في بالي احس بالخجل من نفسي