بسم الله الرحمن الرحيم
مع بداية عام 1432هـ
بدأ التغييييييييييير
الموضوووع باسمي ومن تعبي وشقااي رجااء يابنات لا تنقلونه لأي منتدى مهما كان السبب
يلا يابنات كل وحده تقووول في نفسها هالجمله
بإذن الله راح اتغير وراح اكون انسانة ثااانيه من جميع النواحي
اولا بإذن الله تعالى راح اتغير عن السنوات اللي مضت 180 درجة وللأحسن للأحسن للأحسن
اول شي
الشي اللي ماله داعي ماله داعي ازعل عليه
الشي اللي مامنه الا وجع الراس ماله داعي اشيل همه دامه بيتعبني
الكلام اللي مامنه الا الذنوب ولا يودي ولا يجيب مااااله داعي اتكلم فيه نهااائي نهااائي نهااائي
اهم شي اعيش حياتي لنفسي
ادلع نفسي قد مااقدر وبالشي المعقول ولا راح احرم نفسي من شي عشان اشياء ماتستاااهل
كبيرة صغيرة مايناسبني الدلع
موووووو مهم اهم شي ارضى باللي انا سويته بس لازم يكون طبيعي ومافيه تصنع ابدا ابدا ابدا
امتع نفسي قد ماااقدر الشي اللي ابيه اجيبه من غير ماافكر في الميزانيه وغيرها بس اهم شي اهم شي
حاجه استفيد منها
يعني مااصرف فلوسي ع الفاااضي واقول امتع نفسي !!
لا غلط غلط غلط لاني بمتع نفسي شويتين بعدين بندم
مثال
كل شهر اشتري لي شي يفيدني بحكم انه عندي مكافئة 800 ريال
مثلا نويت اشتري لي هالشهر
( ذهب ) طبعا مو شرط بكللل المبلغ اللي عندي اروح اخذ لي ذهب لا طبعا حدي خاتم صغيرووون والا تعليقه ومو مشكله السلسال الشهر اللي بعده
اهم شي اخذ شي استفيد منه
ثانيا
لصفاااات اللي ماحبها فيني
بغيرها بغيرها بغيرهااااااااااااااااا بإذن الله راح تتغير وتتحسن للأفضل
مثال
( الكذب ) اعوذ بالله من هالصفه من جد من جد ودي ابطلهاا صح انا مو كذااابه بس لازم يجي ايام وتسير لنا مواقف نضطر اننا نكذب فيها عشان شي معين زي مثلا اكذب اذا احد سألني عن شي خاااص فيني ومابي اعلم به
او اكذب عشان مااطيح نفسي في مشاكل
احس لازم الكذب استغفر الله لابد منه يعني مهما صدقنا بنكذب ولو كانت كذبه بيضا
بس الحل وين
هناااااااااا انا بحل المشكله
النقطه الاولى
اول شي مااااراح ادخل في مشاكل احد اذا كنت عارفه ان وراها سين وجيم وتحقيق متشعب احسن لي اصرف نفسي في شي ينفعني بعدين وابعد عن المشاكل اللي ماراح اخذ منها حق ولا باطل وبطيح في مواضيع لي غنا عنها
الشي الثاني
لااازم افرق بين الكذب وبين النميمه
يعني مثال مرت وحده بموقف وشكت لي من شي معين وانتهت السالفه بعد فتره تجي وحده تسألني عن الموضوع
طبعا هنا وشلون ارد ؟؟
اذا قلت مدري بطلع كذابه وان تكلمت بطلع قليله خاتمه ونمامه وماامسك لساني
فالافضل اني ارد عليها بها الجمله العزيزه بابتسامه ثقه وفي نفس الوقت احسس اللي قدامي اني ماني معلمتك لو تموتين طبعا الجمله هي
( اسئليها هي اولى مني بهالسؤال لان هالشي خاص فيها مو خاص فيني )
وقابليني ان حققت معك من جديد
طبعا هنا ريحت نفسي من حاجتين
الحاجه الاولى سلمت من الكذب يعني ماقلت لها والله مدري عنها !!! انتباااه !!! هنا السالفه فيها كذب وفيها حلللللللف ؟؟؟
وعلى ايش ؟؟ على شي مايستاهل كلها سالفه وانتهت ياااحرام اخذ ذنوب على شي مايستاهل ولا يسوى حشره ؟؟
لا والله ماني ناقصه ذنوب اللي فيني مكفيني والله يفغر للجميع
النمييييمه
مااروح اخر السالفه واقول بعلمك وش فيها بس بيني وبينك لااااتعلمين احد !!>> احلفي يعني انتي مامسكتي لسانك البنت بتمسكه ؟؟ تحزنين بصراحة ومررره مالك داعي
الكذب في الاشياء التافهه >> ممنووووووووع
قد مااقدر رااح ابتعد عنه مااامنه فاااايده
طيب تكلمت وكذبت وحسست اللي حولي اني وحده شي طيب وبعدين ؟؟!!
بيغفرون لي ذنوبي ؟؟ والا بيشفعون لي مثلا ؟؟
ماافي مثل الصمتتتتتتتتت يذبح ويقهر ويخليك فوووق ومحد يمسك عليك شي وهذي اهم نقققطه
طيب الكذب الثالث
على امي على ابوي على اخواني صديقاتي وووو...الخ
عشان محد يهاوشني
لا لا لا لا طووووزززززز خل يقولون اللي يقولونه اهم شي مااافي كذب يعني مااافي
والشي اللي احسه بيدخلني في متاهات وان صرحت به بتقوم علي الدنيا وتقعد احسن لي ابعد عنه
خلااص هذا الكذب وافتكيت منه
الصفه الثانيه
لق لق لق في اللي يسوى واللي مايسوى < يعني الكلام اللي ماله داعي او الثرثره اللتي ليس لها نتائج > ابطللل منها لانها مضيعه وقت واحسن لي اوفر هالوقت بشي يفيدني بعدين بدال من البربره الي مامنها الا المشاكل واكل لحوم الناس
طبعا لق لق لق هذي عااامه لكل الكلام الغير مرغوب فيه زي الغيبه والنميمه والحش والتريقه اللي سارت مثل كلمه ( كيف الحال )
يعني مشكلة الكلام هذي عندي يبي لها حل
لازم اتكلم بس بالمعقول وفي شي مفيد اما هرج الحريم حقون العصريه لاابد من تشفيره مدى الحياااه
واذا احد قام يحش قدامي وماقدرت عليه اول شي اقول خلاص مايجوز اذا استمر الحش التزم الصمت او اقووم من المكان
اهم شي اكون بريت ذمتي
طيب الصفة الثااالثه
الحساسيه الزااايده والبكا اللي ماله داعي
هذي الصفه مجننتني شكلي جمعت حساسية بنات العالم كلها فيني
لااازم ابطل من البكا والزعل والنكد السريع واحاول امسك نفسي وفي كل مره اتضايق فيها اقوول
> مااافي شي يستاهل هذي دنيا فااانيه < يعني رااايحه ومدامها رايحه استغلها في شي يسوى بدال التبكبك والحساسيه المفرطه
واللي يطنش مع نفسسسسسسسسسه طز فيه خلاص صديقتي تهاوشت معها مارضت تجي تعتذر وتصحح غلطها ياشيخه وش ابي فيها ؟؟
عشرة عمر ماعشرة عمر اللي يبيني حياه الله واللي مايبيني الطريق قدامه وانا ماني خسرانه الا ربحانه واحمد ربي انه صار هالموقف اللي خلاني اكتشف حقيقتها قبل لا تتغدى فيني
حتى لو انها اعزززززززززز صديقاتي تخلت عني ماااااعلي منها طزززززززززززز هي تروح من هنا واحنا نعيش حياتنا من هنا وكأن شيئأ لم يكن
يعني وش فايده دنيانا نوقفها عشان خيانة صديق ؟؟ والا سؤ تفاهم بين اخوات ؟؟ والا احد فاهمني غلط ؟؟
ياشيخه عادي عادي عااادي
يفهموني بالشقلوب اهم شي اني عايشه لنفسي بس لي انا لحالي امتع نفسي وانبسط اهم شي اكون مرضيه لربي والناس ماعلي منهم واااخر همي كلامهم خل يقولون اللي يقولونه اهم شي ربي ماااغضبه عشان خاطرالناس
ليه اتعب نفسي واشكي لهم ليه ؟؟؟ وش بيسوون لي ؟؟ بيقولون تعالي هات همك عساه فيني ولا فيك ترى حتى لو قالوه كذابين والله محد يبي الهم لنفسه ليه لها الدرجه احنا اغبياء ؟؟
همي لي انا لحالي انا اعيشه انا اتحمله انا انسااه مو الناس !! ماالهم دخل بشي ان شااء الله انحرق قدامهم من الحاجه ماااااتكلم
ان بغيت اشكي بشكي للي خلقهم وخلق همي هو بيفهمني وهو الوحيد اللي بيده سعادتي والله لا امي ولا ابوي ولا اكثر واحد يحبني بهالدنيا يقدر يجيب بدال الهم سعاده الا بقدره ربي وربه
فخلاص من اليووووووم وداااعا للنكد والزعل والشكوى لفير الله
دااااايما اضحك دااايما امزح وافرفش بس بحدوووود المعقول وممنووووووووووع الحش
والزعل والبكا والتجاعيد والشيخوخه المبكره لااااحقين عليهااااااااا بعدين
انا توني بعز صبااي مامداني اتعب في دنياي عشان ابكي واقول ليه انا كذا واحط يدي على خدي
لسا بدري بدري بدري على كل ذا
لاصار لي اولاد وكبروا وقتها ماانلام وان مت الله يرحمني بهمي والحمد لله انقبرت ومحد درى وش بصدري
الحين ماااااااااافي مشاكل الحياه حلوه حلوووووووووووووة والله ماتستاهل نوقف نفسنا عشانها
ليه هي من متى حست فينا عشان نوقف لها ونقول ليه يادنيا ؟؟؟
خلاص احنا نسير مثلها نرمي كلللللللل شي ورانا ونمشي للأمام ومانطالع ورى كثير عشان رقبتنا ماتنعوج ونصدم في الخلق اللي قبالنا >> تشبيه بليغ
والله احيانا نخسر فرص ونضيعها عشان الماضي
ياشيخه يلعن ابو الغبااء ايش المخ الضارب ذا ؟
يعني احنا ميقنين ان الدنيا رايحه وفانيه وماهي الا دار امتحان وبعدنا نبكي ع الذكريات
ليه ياماما اذا بكيناها بترجع لنا مثلا ؟؟
تراها تجاااااارب وان راحت معاد جات
وربي يدري بالمكتوب اكثر منا فليش نتعب ونبكي ع الماضي وهو انتهى ومعد انه جاي لييييه ؟؟؟؟
خلاص اللي راح راح والجاي احلى واذا الجاي مو احلى نصبر ونحتسب لانه في دار انقى وارقى من الدار اللي احنا فيها الحين واللي ربي ماابتلانا فيها الا عشان يشوف قد ايش بنصبر وقد ايش بنتحمل نكدها عشان بعدين يجازينا بدار الاخره اللي مااااااافيها نهااايه ابد
اللي بنذوق فيها حلاااوة الشي اللي تمنيناه بالدنيا بس بطعم غيييير وبنفسيه احلى ولحياه اطوووول اطووووووول الى الابد
ايضا الخجــــــــــــــــــل
الخجل صفة جميلة واضن انة لازم يكون لأن الانثى بطبعها خجوله
بس بحدووووووود
يعني في اشياء ماتستحق اننا نخجل منها ,, يعني لما اتكلم اكون قد مااقدر واثقه من نفسي ومن طريقة كلامي ولا اتوتر واتلعثم عشاني تكلمت !!
طب كل الناس تتكلم ولا تتلعثم ولا تخاف ليه وش اللي زايدين عنه مني ؟؟
كلنا بشر صح ؟؟
كلنا عيال تسعة شهور صح ؟؟
كلنا احفاد عااائشة رضي الله عنها صح ؟؟
كلنا عيال آدم وحوا صح ؟؟
والاهم اننا كلنا مخلوقين من تراب ومافي فرق بيننا لا الغني ولا الفقير ولا الجاهل والمتعلم
كلنااا بشر !!
طيب ليه نخجل لما نتكلم ؟؟ او لما نمشي في ممر كله اشخاص ؟؟
خل ينتقدون ويتكلمون ,, مو انا واثقه من نفسي ؟؟ مو انا ماشيه صح وكلامي مافيه شي ممنوع ؟؟
اجل خلاص ماعلي منهم ماله داعي اخجل ووجهي يحمر ونبضات قلبي تدق عشان فلانة تطالع فيني وانا اتكلم او وانا آكل وبالذات واحنا في الجامعه كثييير بنات مايحبون يفطرون عشان لا تخرب ستايلها لو هي بتموت من الجوع تتحمل من اجل النيو لوك بتاعها
يااختي عيشي لنفسك ماعليك من احد طنشي طنشي طنشي
اللي تتكلم وتنتقد مع نفسها اللي تتريق على لبسك على مشيتك على كلامك مع نفسهاا خليك طبيعيه وكأن شيئاً لم يكن
بالعكس كذا تكسبين حاجتين تدرون وشهي يابنات ؟؟
الحاجه الاولى تحيرينهم في امرك ؟؟ يعني يسيرون متعقدين يبون يعرفون وش نسوي عشان نضايقها ونرفع ضغطها ؟؟
الشي الثاني تحسين من جواك انك قدرتي تتغلبين على الكل ووصلتي للي انتي تبينه وتتمنينه من زمان وهو < التخلص من الخجل > طبعا اقصد الخجل المذموم مو الخجل المرغوب يعني لاتقولون هدوء قالت لا تخجلووون انتبهوااا انا اتكلم عن الخجل الزايد عن حده اللي يسمى ضعف ثقة !!
فهمتوااا
طيب ياحياتي انتي وياها
بتشغلين بالهم الين يملووون منك واخرتها يخلونك فحالك ومن جد تحسين وقتها بالانتصااار والقوه
وبشي بسيط اللي هو
السكوووت واستفغال كلامهم وانتقاداتهم
ـــــــــــــــــــــــــ
طيب يالغوالي
الحين بشوف تعليقاتكم وياليت كل وحده حابه تتغير هالسنه تجي تسجل دخولها وتكتب الصفات اللي ماتحبها فيها وتبي تغيرها وتعترف بكللل شي >> عاادي حبايبي ضررروري الاعتراف لزوووم التغيير
لي عوووده لسا ماخلصنا >> ياكثر كلامها هالبنت