نقط الرجل خبر كـان .... تفضلي ممكن افيدج :)

السلام عليكم و رحمة الله و بركاااااااااته


صباح الخير | مسا الخير للكل :27:





بذكر لكم تجربة شخصية و ان شاء الله تستفيدون منهاااا مثل ما انا استفدت
انا رجلييي دايمااااااا تطلع فيها نقط وردية صغيرة منتثرة على كامل الرجل من عقب الحف و ساعات حبوب بلون الجلد او وردية صغييييييييرة ملمسها رملي و جاف و حتى من قبل لا احف يبنون واضحين ... و جربت كل شي و المسح بحجر الخفاف هيج لي جلدي و زااد الطين بلة ..

قلت لو ابا اعالج هالمشكلة لازم نلغي اسبابها من الاساس ..مب خبط لزق و اي شي في المطبخ احطه في زبدية و امسحه ع جلدي ابداااا ما يقنعني هالشي ...

اسمعن يا بنااات ...

الكيراتين هي من المواد الاساسية اللي يتكون منها خلايا اجسامنا .. الكيراتين يكون الشعور و الاظافر و الجلد ..
زيادة تكون الكيراتين في البشرة عند بعض الناس تؤدي الى تكون طبقات ميتة على الجلد و تدخل في كيس جذر الشعرة و تسده و يتهيج و يحمر ... شوفو الصورة تحت عسب توظح المعلومة اكثر

image




في الحااااااالة شو ممكن نسوي ..


لازم نستخدم اشيا تذوب ترسبات الكيراتين الزايدة عشان نحل المشكلة من جذرها .. .


طيب كيييييف ؟؟


باستخدام المقشرات العضوية و الكيميائية ... AHA
alpha hydroxy acid

و الالفا هيدروكسي اسيد له نوعين رئيسيين ...

1- Glycolic acid
2- Lactic acid


و الكيميائية مثل BHA

اللي هي باختصار Salysalic acid

الاول يستخلص من السكر و الثاني من الحليب .. و يساعدون في اضعاف الروابط بين خلايا الطبقة الميتة و بالتالي احلالها و التخلص منها :39:

و النوع الثالث و غالبا ما يستخدم في مستحضرات البشرة الدهنية و تنظيف المساام .. دايما يستخدمونها اللي فيهم حب الشباب لانها تنقي المسام ..


فنحن راح نحتاج للنوعين عشان نحل المشكلة بأذن الله ...


بتقولولي ان في الصيدليات العلبة الصغيرة من المنتج تكلف وايد و يا دوب تكفي الويه ...

بقولكم لا ان شاء الله في حل ثاني و ما يكلفج كله ع بعضه اقل عن مية درهم ^_^


و هاذي هي المنتجااات


اولا :::: صابونة ساستيد ( فيها 3% سالسياليك اسيد و 5% سلفوور ) قبل لا تشترونها تأكدو من النسب في ingredients و من داخل الصابونة لوونها طوبي

0311sastid


ثانيااا :: صابونة ماكسي بيل ... تأكدة من الـ ingredients .. مكتوب فيها انها تحتوي على نسبة من الـ AHA


SANY0037


ثالثااا :: لوشن جرجنز فير اند سووفت ... و تأكدي من الـ Ingredients .. ان ثاني عنصر في اللوشن هو lactic acid

هو مش فعلا يبيض .. هو يشيل الطبقة الميتة مع الاستخدام فيوحيلج ان جلدج فتح لونه ^_^

12996156282694


رابعااا :: سايل تنظيف المسااام ... و هذا مب اي نوع تشتروون حبيباااتي ...
دوري الانواع اللي يكون مكتوب عليها
razor bumps او ingrown hair



لو بتسألين عنهقولي ابا اللي يمنع ظهور حبوب بعد الحلاقة ..

و شي منه وايد انواع و ماركات .. بس اهم شي من تمسكين العلبة شوفي المكونات .. تأكدي ان salysalic acid 2%
موجود من ظمن المكونات و اذا مافي رجعيه لا تشترينه ...

انا عني استخدمت ingrown go موجود في بوتس ..


احم السموحة ما قدرت احط صورته البنت اللي ع الغلاف وايد ماخذة راحتها هههههههه

نيي حق الطريقة ...


بسم الله الرحمن الرحيم توكلنا على الله .. الله يرفع عن البلااا من غير لا حول منا و لا قوة ... :27:


اولا :: تسوين حمام مغربي ... عشان تعطين المستحضرات الفرصة انها تاخذ مفعولها بصورة اسرع و افضل
و يفضل تاخذين الطريقة من النت و تسوينه في البيت احسن ما تتكشفين عند حرمة غريبة .. بس سويه صح و مظبوووط



ثانيا :: سوي واااكس او حلاوة .. المهم شي يشيل الشعر من الجذوور ... بس طبعا مب في نفس اليوم للحمام المغربي

بعدها ظلي يوم بدون علاج عشان ما يتهيج الجلد و انتي توج شايلة ...



ثالثا :: خلي هذا يكون نظامج ...
* خذي شور بالصابونتين او شي الماكسي بيل و خليها ع جسمج 5 دقايق عقب غسليها
* بعدين استخدمي الصابونة الطبية الثانية و خليها ع جسمج 5 دقايق بعدين غسليها
* بعد الشور امسحي بقطنة او بايديج مب مشكلة من سايل تنظيف المسام
* بعدها حطي من اللوشن
* في نفس اليوم او اليوم الثاني ع راحتج .. دخلي الحمام بس بدون ما تسبحين بكبرج تحت الماي .. بس بللي الصابونة الاولى و نظفي فيها جلدج .. و لا تغسلينها بالماي خليه .. و هاتي الصابونة الثانية ارغيها ( بس ما بيطلع رغوة كثيفة تطلع لج قوام كريمي و هذا افضلللل ) و امسحي بكمية وافرة على ريلج .. و خلي لا تغسلينه و غطي ريلج لا تخلينها كشفة لان الضوء و الشمس يأثرون سلباا ..
و متى ما ذكرتي ارجعي الحمام ( وانتو بكرامة ) و ارغي الصابونة و حطي طبقة ثانية و نفس

الشي لا تغسلينه خليه على ريلج فترة ..

و بعدين اغسليه و حطي من السايل و عقبها اللوشن و هكذاااا ..

استخدميهم بالتعااقب ...







النتايج

الحمدلله الحمدلله يا بنات مع ان النقط كانت فية واااضحة و منتشرة احس و لأول مرة تخف معاي بالهاطريقة .. قولو تقريبا خفت 40% و انا بعدني رابع يوم على النظام .. يعني لو كملت اسبوعين ان شاء الله بيروحووون
و حسيت الجلد فيه حيااااة و حلوووووووووووو يفتح النفس :) الحمدلله من فضل ربي ..
قلة الاهتمام خلال
اربع سنين ( سنوات الجامعة ) سوت فيني بلااااوي ... ادعولي الله يرجع بشرتي و شعري مثل ما كانو و احسن بعد :(





تنوييييه ::: انا نزلت هالموضوع اساعد اللي مشكلتها مثلييي .. بس اللي يناسبني يمكن ما يناسب غيري...اذا عزمتي تستخدمينه وما فادج او حسيتي سبب لج مشكلة بلييزززز قطعيه و دوري البديل لا ترا البشرات تختلف .. و اللي ناسبني يمكن يناسبج او يمكن ما يناسبج ... + لا تتعرضين للشمس و الضووء المسلط لانه اييب نتايج عكسية الا هل بلغت اللهم فاشهد .. + الصور من النت كاميرتي شي بلاها + اسفة اذا كلامي مش واضح حاولت ابسط لهجتي ع قد ما اقدر :D :35:


تنويه بعد مرة :D :: شخصيا ما احبذ استخدام غير هاللوشن هالفترة .. غير جذا جلسيوليد و ربعه و زيت جونسون و فازلين ما ينفعولنا نحن .. هاييل كلهم مشتقات بترولية و برافين سائل تسوي طبقة عازلة ع الجلد ما تخليه يتنفس توهمج بنعومة مؤقتة .. و تسد المساام ...

و شي بعد هو بذر الكتاان .. ما ينفع حبوب صيدلية لا الظازج غني بـ omega 3 و هالشي يسااعد الجلد انه يتجدد اكثر و تنطرح الخلايا الميتة و ما تتراكم .. انصحكن فيه





الموضوع جهد شخصي و الحقوق غير محفوظة اللي حابة تنقل بليز قو أهيد خلي البنات يستفيدن :D


و شكراااا جزيلاااااااا على وقتكم في قراية موضوعي :)

بوظبي حبي