نقلت بنتي لغرفة بحاااالها.. تعبنتي!! و لكن وجدت الحل.. تعااااااالوا

السلام عليكم...

أخواتي الغاليات... أنا كنت ساكنة بشقة غرفتين نوم.. و بالتالي كان بنتي تنام معانا و الغرفة الثانية للشغالة.. و الحمدلله قبل شهرين انتقلت لشقة أكبر,, فعملت لبنتي غرفة لحالها... هي عمرها الحين سنة و نصف..

المهم.. طبعا بنتي ما ترضى اني أحطها بسريرها و تنام لحالها.. زي مشكلة أغلب الأطفال.. فاليي كنت أعمله اني أنومها بغرفتي و بعدين لما تنام أحطها بسريرها..

و اليي كان يصير ان هذي النقلة كانت دايما تفيقها من النوم و تبكي.. و أرجع اخذها لغرفتي,, لدرجة في ليلة وحدة 7 مرات رحت و رجعت.. قريت كثير مواضيع على النت أكثرهم يقولون انك تتبعي طريقة اسمها controlled crying انك تتركي الطفل لحاله لحد ما يبكي و يبكي و ينام.. بس الصراحة قلبي ما يطاوعني.. صحيح بس أربعه أيام و بعدين البيبي يتعود.. لكني ما أبي أتخلى عن هاللحظات مع بنتي قبل النوم.. لأنها فعلا تقوي العلاقة.. و يرتاح الطفل في أحضان أمه...

و أنا أفكررر و أفكررر.. جتني الفكرة الجهنمية..

رحت و حطيت مترس على الأرض في غرفتها مادري ايش تسمونها ( الفرشة الاسفنج ) وخليتها عليها شرشف أبيض نظيف.. و من الجهتين مخدات ( وسادات )

أول ما بنتي دخلت الغرفة انبسطت كثير و قال واااااااو ماما!! ههههه.. و رمت نفسها عليه.. و صرت كل ليلة أنام جنبها على الفرشة.. و من تنام أطلع برة.. و أشغل السماعة.. بعدها بساعه أحطها بسريرها... و الحمدلله رب العالمين انها ما تصحى لما أشيلها...

من فوائد هذا الاختراع:

1- وجودي قرب بنتي وقت النوم.. بحيث انها تحس بالحنان و الأمان.

2- سهولة و سرعه نقل الطفل الى سريره.

3- طريقة امنه.. حيث انك لو تركتي الطفل لحاله لحد ما يتعمق في النوم ما تخافين انه ممكن يطيح من سريرك لا سمح الله.

4- وقت قيلولتها العصر أخليها على الفرشة.. عشان يكون فيه فرق بين مكان نوم العصر و الليل.. و أول ما تصحى هي تقوم و تجييني.. (( طبعا غرفة بنتي مافيها ولا شي خطر.. و للأحتياط أخلي بابها مفتوح و أشغل السماعه ))

5- اذا صحت باليل.. أو الفجر أروح و أعملها حليب و أنام جنبها.. عشان زوجي ما يصحى لأنه وراه دوام.. و قبل لما كنت أخذها معي الغرفة تشوف أبوها تجن و تبي تلعب.. خخخ

6- صرنا أنا و زوجي نقدر نسهر و نجلس بالغرفة على راحتنا بدون ما أضيع وقتي و انا رايحة و جايه أوديها و تصحى.

و الصباح بعد ما تصحى أشيل الفرشة.. و سلاااامتكم


يااااااااااااا ريت تدعولي أولد بالسلامة و يعطيني ربي اليي في بالي