نقلت لكم قصة بنت خالتي اتمنى اتساعدونها الله يفرج همكم يارب

السلام عليكم ورحمة الله وبركاته


بنات حبيت انقل لكم مشكلة بنت خالتي اتمنى اتساعدونها




قصتها انها عايشه مع ابوها وزوجة ابوها وامها في بيت واحد

واخوانها واخواتها الكبار مزوجين وفي منهم عايشين بدول ثانيه برع وهي بس اللي قاعده مع امها مرات اخوانها يطرشون لامها مصروف شهري بس مايكفيها ولما تقول لهم محد يعطيها وجه وايد ويقولون ورانا التزامات وغيره

فصارت اكثر وقتها مع امها وتحاول تصبر نفسها وتصبر امها حتى هي والله تغمظني ماعندها فلس في جيبها ولا تقدر تشتغل لان ابوها مانعها

لما اروح ازورها والله يا بنات اني مرات ما البس شي حلو عشان ماخليها تتحسر على نفسها اكون عاديه شراتها بالظبط

وهي مسكينه تقولي عادي البسي اللي تبغينه ما تهمني هالاشيا ومع ذالك بشوشه بس بينها وبين نفسها كله تصيح

تقولي اشوف ابويه يطلع مع زوجته ويجيبلها كل اللي تبغاه وامي مايجيب لها شي واذا جايب يقولها شوفي سويت لج شوفي جبت لج وزوجته مايقول لها شي

الحين قبل شهر رمضان راح غير مطبخ زوجته بالكامل وجابلها كل شي تريده وخالتي ماسوى لها اي شي ولا عبرها وهي كبيره بالعمر مسكينه ولا لها حيله ولا قوه حتى للكلام ولا للجدال

:(

اتخيلو بنت بنت خالتي شو تقولي


تقولي لما ادخل عنده مجلسه ولا غرفته بسرعه يطلعني ما يبغيني اشوف شو مشتري حق زوجته وععياله ومخبيه تتخيلون لدرجة شو لدرجه الاكل الاكل مايحطونه بالثلاجه عشان انا وامي ما ناخذ منه يحطونه عندهم بالغرف مالتهم ومالت عيالهم وجابو ثلاجه صغيره عشان يحطون فيها المثلجات بغرفهم من حليب ودجاج وغيره وغيره ومايعطونا الا بالقطاره

والله يوم قالت لي جذا وقلبي عورني بنات لهالدرجه زوج خالتي ظالم هو وزوجته حسبي الله ونعم الوكيل


والله بنت خالتي تقولي انها تفكر بالزواج عشان امها بس تريد تطلع من البيت ويتزوجها واحد غني يحبها ويحب امها ويطلع لها بيت تجيب امها تعيش فيه معاها معززه مكرمه كل مره جي تقولي

كل ما اشوفها تقولي خاطري اتزوج واحد يعامل امي شرات امه ويعيشها احسن عيشه حتى مره سالتها قلت لها من بيتزوج انتي ولا امج

قالت انا بس راح اتزوج عشان خاطري امي اريد اعوضها اريد اسعدها اريد اخليها تعيش في بيتي معززه مكرمه وتحتها خدمها يخدمونها :( بنات من تحب امها لهالدرجه لدرجه انها تتمنى تتزوج عشان امها دام هي مش قادره تشتغل وتصرف عليها وممنوع عندهم يشتغلون ولا يسوقون


قلت لها ادعي ادعي شهر رمضان جاي ادعي على زوجة ابوج وابوج ادعي له بالهدايه

قالت ياما دعيت واحس كل مره يزيدون بجبروتهم ولا يستوي لهم شي


تعرفون مره تقدم لها واحد واجت تخبرني قلت لها وافقي قالت كيف اوافق وهو راح يسكني في بيت اهله كيف اخلي امي
بروحها هني كيف انا اريد اتزوج واحد يطلع لي بيت عشان اخذ امي تعيش معايه

قلت لها ارحمي روحج من التفكير هذا نصيب وامج الله بيكون معاها وانتي ما بتقصرين فيها بالزيارات

قالت لا ماريد اخليها امي حرمه عوده وتعبانه ومالها غيري



والله يا بنات لو تشوفون زوجة ابوها من كثر ما تاكل وحاطه كل شي تحت ايدها مع ان البيت مش بيتها بيت خالتي خالتي اللي تعبت وشقت عشانه

لما تزوجها زوج خالتي جت من بلادها ودخلت البيت واستولت على كل شي كل شي وخالتي مريضه وكبيره والمشكله ان خالتي لما كانت توقف ايام ماكان فيها حيل وتدافع عن حقها كان زوج خالتي يظربها تعرفون يعني شو يظربها والله انه كان يظربها ومن كثر ظربه لها كانت تطيح بالمستشفيات لشهور وبنتها معاها وشافت كل معاناتها


حسبي الله ونعم الوكيل فيهم

خلى خالتي ما تقدر على الحركه ولا تقدر تقول اي شي تشوف الظلم والظيم وتسكت :(




حسبي الله ونعم الوكيل فيهم ياليت تنصحونها بنات هي محتاجه نصايحكم