اهلين بنات مشكورين علي الردود

جزاك الله خييييييييييير

الله يجزاك الجنة ياريم ذكرتينا بالغالية توليب الله يرجعها لنا بالسلامة يارب..

للرفع بقوووووووووووووه.

موفقه.

مشكورين يابنات علي الردود والله يرجع توليب

تابع......


ذأه جدولي المتواضع أتمنى يفيدكم...

- يوميّا:
-أول ماأصحى أقول أصبحنا وأصبح الملك لله وأشهد ان لا اله الا الله وأن محمدا عبده ورسوله ..الحمد لله الذي بلّغتنا هذا اليوم ,اللهم أعطينا خيره وأصرف عنّا شره , بسم الله الرحمن الرحيم,أعوذ بالله العظيم وبوجهه الكريم وسلطانه القديم من الشيطان الرجيم( يرسل بها الله لكي ملائكة تلازمك طول اليوم وتحميك من زلات الشيطان اللعين)( قبل ماأقوم من ع السرير) بعدهاأنظف أسناني بالمسواك( السواك) وأحط عليه معجون رائع اسمو ( بارادونتاكس)...بعدها أمضمض بمنقوع النعناع.

- أغسل وجهي بصابونة الطاووس....بعدها أجيب قطعة ثلج وأمررها ع وجهي ورقبتي بشكل دائري الين تذوب.
-أشرب كوب مويا دافي بموية الورد ومعصور فيه نص ليمونة....وآكل حبة تفاحة.
-أمشي ساعة كاملة وأقول الاذكار وأسبح وقت ماأنا أمشي....طبعا وقت المشي أخلي شعري مفكوك علشان يتنفس...
بعدها أسوي تمارين شد البطن 25مرة...
-بعد التمارين أشرب أيّا عصير طازج ( بيتي طبعا) بدون سكر.....وآكل أيّا فواكه ( أكثر الأوقات فراولة لأني أحبها).
-بعدين بين فترة الفطور والغدا ماأكل ولا شي....الا اذا جعت مرة أروح أكللي حبة فاكهة أو خضار وأكثر من شرب المويا.( طبعا دافيا)...
- بوقت الغدا يبدأ الافتراس .....آكل كل شي و ع كيفي وماأقوم الا وأنا شبعانة....بعدها أشرب كوب مويا فيه غطاية
وحدة خل تفاح.( أيام الجامعة ماأتغدى الا العصر بعد ماأصحى من النوم).
-بين الغدا والعشا ماآكل شي...طبعا الا بحالة الجوع الشديد آكل فواكه وخضار.....
- العشا خفيف...وغالبا كوب حليب أو لبن وسلطة خضار( طبعا طبعا طبعا بدون ملح) وأكثر فيها الليمون.
- مستحيل أكل شي قبل النوم ع الاقل بساعتين...
- قبل لا أنام.....فاكرين نص الليمونة اللي الصباح...ذحين استخدم نصها الثاني....أمسحها ع الركب والاكواع
وبين الفخذين ( أخليها ماأغسلها).....عندي ماسكارا قديمة معبيتها زيت خروع وزيت اللوز الحلو..... أحط منها
ع رموشي قبل ماأنام وأركز ع الجذور...وطبعا أنظف وجهي بميلك وتونيك من لوريال بعدين أحط المغذي كمان من لوريال ( ع الوجه والرقبة)..... أدهن يديني بكريم جليسرين
وكمان رجولي....وألبس شراب قطن.... أول مااصحى اشطفهم.
قبل النوم طبعا أقراالمعوذات 3 مرات وأنفخ بكفوفي كمان 3 مرات وأمسح فيها ع جسمي.....
أقرا بعض الاذكار وأسبح......وآخر شي أقولو الشهادة وبعدها سورة الكافرون......( سمعت انها أفضل شي يختم فيه العبد يومه).
طبعا صلاة الوتر قبل النوم..... وقراءة سورة الملك(تبارك) بعد صلاة الوتر مباشرة.....( بما معنى الحديث انها تفرج الهم وتجلب الرز ق من حيث لايعلم العبد).



مرتين بالاسبوع: أعمل ماسك لوجهي ....( ليمون+ عسل+ زيت زيتون)..... ,حمام زيت لشعري....( أقرو موضوعي بقسم العناية بالشعر اسمو: بسرررررررعة).

اسبوعيا:حمام مغربي- تقشير للجسم ( نخالة+نشا+ موية ورد +سكر شبه مطحون+ عصير ليمون ( نصف فنجال).
بديكير.
( قراءة سورة الكهف يوم الجمعة بين العصر والمغرب والدعاء بإلحاح بوقت الساعة الأخيرة قبل أذان المغرب )

مرة كل اسبوعين:قص الشعر المتقصف ( الطريقة تلاقوها كمان بموضوع بسرررررعة).


شهريا: أشيل الشعر ( الطريقة بموضوع أفضل طريقة)- بالنسبة للمنطقة الحساسة أشيلها بالموس
وبعدين أشيل الجلد الميت بالحلاوة علشان المنطقة تظل ناعمة وتفتح...( آخر شي سمعتو ان شيلها بالحلاوة يسبب
برود البنت بعد فترة من تكرارها...لأن هذي المنطقة حساااااسة...وأي شي يسبب تقريبا موتها).
أشرب قرفة وقت الدورة.


كل ستة شهور: أغير اللوك .


كل سنة: أرسم لنفسي صورة جديدة حلوة....بالروح والشكل ....و أتحدى نفسي اني أوصلها بالسنة الجديدة.
فيه أشياء ثانية أسويها بس بشكل متفرق....تلاقوها بالموضوعين كوكتيل وكوكتيل (2)...

بالنسبة للأناقة: موغرور والله.....بس دايم يمدحوا ذوقي...يقولولي مميز....حتى انو وحدة من قريباتي تقوللي دايم اتحمس لكل مناسبة بالعيلة علشان اشوفك اش لابسة.

راح أقولكم ع طريقتي.....أول شي اني ماأشتري من المحلات المعروفة...اللي عارضين ملابسهم بكل مكان
لأنو اللي مااشتراها ولبسها...قرف من كثر مايشوفها....وبعدين ماأحب أكون نسخة مكررة ....
وماأنزل السوق كل شويّا....يعني تقريبا أنزل مرة كل شهرين أوقات مرة كل 3 شهور....
بس لمّا أنزل آخذ حقي...يعني ألف السوق كلّو....وماأمشي وألم...لأه...
أروح أشتريلي شي فخم وعليه القيمة ومميز....مثلا اذا اشتريت بلوزة ...ولقيت بلوزة ثانيا عجبتني ماأشتريها..
لازم أول شي أدور بنطلون أو تنورة للبلوزة اللي اشتريتها....وماأطلع من السوق الا وأنا مشترية الشنطة و(الله يكرمكم )الصندل والاكسسوار والبكلة أو الشباصة اللي يليقو للبس...والله لدرجة اني اطقملو حتى الملابس الداخلية.
يعني اللبسة الوحدة أوقات أظل أجمعها حوالي 4 أيام...وألف أكثر الأسواق.
بكذا يصير عندي ملابس أنيقة بلا كركبة وزيادة عدد ع الفاضي.....يعني أناقتي متعوب عليها.
- اختار اللي يناسب عمري...يعني كل مرحلة من عمري ماأفوتها بأني أحاول أكبر نفسي أو أصغرها.

- ماانجرف ورا الموضة مهما كانت....يهمني اللي يناسب بشرتي وجسمي.
-ابتعد عن الشخلعة....أوقات التعري يبين عيوب البنت....يعني يشنعها مايحليها....
- أنوع بلبسي...ماأكرر لون واحد ولا نوع واحد....
- أوزع مصروفي....في بنات يصرفو فلوسهم كلها بجهة وحدة...ويهملو باقي الجهات...
قبل لا أنزل السوق أو العطار أو الصيدلية...أكتب الاشياء اللي ابغاها....أروح آخذها ع طول وأطلع...
علشان ماأشتت نفسي.
أحدد بكل مرة أخذ فيها مصروفي الشي اللي أنا ابغاه.....مرة ذهب...مرة عطار......الخ.
( طبعا أهم شي بالسوق الستر ثم الستر ثم الستر....عبايا ع الراس - شراب أسود-جاونتي حاولت ماقدرت الله يهديني
ادعولي بس )...


والأهم من ذأه كلّو حاولوا تزرعوا هذي الاشياء بأنفسكم:
...الهدوء- البساطة-الدوبلوماسية-قبل لاتقولي ايّا كلمة أو تتصرفي أيّا تصرف حطي نفسك مكان الشخص وشوفي اذا بتتحملي أو لأه-طيبة القلب...والله مايجيب الأمراض والاجهاد والتعب الا الحقد والغيرة- أرضي باللي قسمو لكي رب العالمين وتأكدي ان الله عز وجل ماأخذ منك شي الا وبدلك ايّاه باللي أحسن منه-اللي عندك موعندغيرك واللي عند غيرك مو عندك-لاتغتري ...لأن اللي قدر يعطيك قادر ياخذ منك ..أخذ عزيز مقتدر-الابتسامة ثم
الابتسامة ثم الابتسامة-تذكري انّو الانسان اللي يدخل الفرحة لقلب مسلم ...بعد مايموت ويدفن ويروحو الناس عنّو ويصحى خايف من وحشة القبر ....يلاقي رجل معاه بالقبر وجهه نور وحسن المنظر ...يقوللو انتا مين؟؟؟ يرد عليه
انا اسمي السرور اللي ادخلتو ع قلب فلان ...جيت أواسيك بوحدتك......

- اسمعو شريط وغارت الحور للشيخ عبد المحسن الأحمد...والله مافي ولا وحدة من اللي أعرفهم سمعتوا الا وانقلبت 180 درجة.

توليب