*sarona* :

ماشالله ربي يحرسها ...الله يجازيها ويجازيك ياريم خير متابعه :)

ماشالله ربي يحرسها ...الله يجازيها ويجازيك ياريم خير متابعه :)

REEM111 :

العنوان: احبي نفسك تصبحي جميله........... صباح الورد طبعا تعرفو انو مافي وحدة قبيحة....ووحدة حلوة...كل البنات حلوين بس الفرق انو في وحدة تعرف نقاط الجمال فيها وتحاول تبرزها...والثانية لأه... وراح ابدا معاكم ببعض النقاط اللي باذن الله راح تفيدكم.. -أول شي الجمال يعتمد ع العادات....يعني اتعلمي بعض العادات واغرسيها بنفسك وغيري العادات اللي تفقدك جمالك.. ولا تخلي بينك و بين بشرتك وشعرك وجسمك حرب ....وتكرهيهم ...وتصيري تنططي من خلطة لخلطة... لأنك لو سويتي كذا راح تملي وتحوسي بالخلطات... لكن اختاري خلطة أو ثنتين لكل شي....يعني أكثر شي فادك للشعر وللبشرة وللجسم.. وخليها عادة وحبيها واستمري عليها فترة طويييييلة...راح تلاقي نفسك مامليتي وبنفس الوقت ماتقدري تستغني عنها... - تأكدي زي ماانتي تملي كمان شعرك وبشرتك يملو...يعني خلال استخدامك للخلطات المخصصة لهم...فاجئيهم بخلطة جديدة مرة بالشهر...بعدها ارجعي للخلطات اللي اعتمدتيهم. -بالنسبة للامهات والبنات اللي أمهاتهم يرضعوا...استغلو الفرصة واتعالجو بحليبهم... تقوللي ماما انو خلال طفولتي الين فطمتني ..ايّا ألم باذني أو عيوني أو حساسية ببشرتي كانت تنقط عليها من حليبها ....زي ماتعرفو كل القطرات تسبب لحميات بالكبر...بالذات بفترة الطفولة.. مرة زميلتي قالتلي انها تخلي اختها ( مرضعة) تحطلها ع وجهها من الحليب...تقول جناااان للوجه... واللي سمعتوا انو وضعو ع وجه الاطفال يقلل ظهور الشعر... - العادات الخاصة بالجسم... لبس القمصان او( الدراعات )بشكل مستمر يخلي الوحدة يفرط وزنها بلا ماتحس-قبل كل وجبة اشربي مويا قد ماتقدري-لاتشربي مويا خلال الاكل- حاولي تشدي بطنك وقت الاكل علشان تحسي بالشبع بسرعة -امضغي الاكل ببطء لأن المخ يبدأ يرسل الاشارات للمعدة بعد 20 دقيقة فالناس اللي ياكلو بسرعة مايشبعوا الا بوقت متأخر( دراسة حديييييثة) - لاتاكلي الاكل وهوّا ساخن مرة خليه يبرد شويّا ...لأن الحرارة تسبب تمدد جدار المعدة...فأنتي تاكلي والمعدة تتمدد وتظطري تاكلي كثير علشان تحسي بالشبع- لاتاكلي شي قبل موعد النوم بساعتين- اشربي ع الاقل كوب واحد شاي أخضر باليوم ( سكرو قليييييل) -الملح ...العدو اللدود للرشاقة0 يزيد الوزن بشكل رهيب لأنو يعبي الجسم مويا-ابتعدو عن المشدات...تسبب ترهل وتمدد السولوليت بسبب الشد والرخي اللي يعملو المشد ..... - خليكي دايم ع طبيعتك...لاتغيري كل شويّا باللوك تبعك...ولا تحطي ميك اب ع طول... ولا تغيري لوكك بشكل تدريجي...انتي ماراح تحسي بالفرق ولا الناس اللي حولك... عني أنا كل ستة شهور أعمل نيو لوك( قص الشعر-صبغو - عطري-ستايلي بالميك اب واللبس) انقلب 180 درجة ..انا انبسط والناس يلاحظو فرق...أصلا نفسيتك ترتاح ..... صار شي قبل فترة بسطني...بنت عمتي ابدا منّها راضيا ع شكلها وزنها82.... قبل 3 شهور عملنا انا وهيّا تحدي...انها تغير نفسها ...اتحمست...وابتدينا بنظام غذائي كتبتلها جدول للعناية بكل شي....بهذي الفترة بطلت تطلع كثير علشان الناس مايلاحظو التدريج بالتغيرات...المهم وصل وزنها58...بعدها روحنا للكوافير.. اخترتلها القصة والبلياج.. اشتريتلها ميك اب ع ذوقي...( طبعا الوان غير الالوان اللي كانت تستخدمها)... بعدها اشتريتلها ملابس كمان بستايل جديد والوان مناااااااقضة للي كانت تلبسها... قبل اسبوعين راحت فرح الناس انهبلو عليها ...تصدقو انّو محد عرفها حتى زميلاتها... نفسيتها ذحين زي العسل الله يديمها عليها... يتبع...... - بصراحة صوتي طفولي مررررة وكأني دوبي صاحيا من النوم...كنت افكرو خلقة لكن اكتشفت السبب...لمّا اتصلت مرة ع زميلتي..رد عليّا أخوها...بعد ماكلمتني قالتلي رنو انتي تشربي مو يا ع الريق ؟ قولتلها ايوا...قالتلي...تشربي موية ورد؟ كمان جاوبتها ايوا...بعدها سألتها ليه؟ قالتلي أخويا قاللي اسأليها...لأنو مرة قرأ ان ذأه الشي يخلي الصوت زي صوتك.. فسبحان الله...عندي عادة من طفولتي... ماما دايم تحطلنا بموية الشرب موية ورد وكمان تعودت أشرب مويا دافيا ع الريق...... ( ياريت اللي تعرف شي عن صحة هذي المعلومة تقوللي ).. - هذي الطريقة للعصبيااااات...واللي كنت أولهم لكن الحمد لله تخلصت منها... خذي كمية رز بيدك وأنثريها ع الارض...بعدين ارجعي اجمعيها حبة حبة ...ومع كل حبة سبحي ... ( خلي الكمية عندك واستخدميها بكل مرة تحسي فيها ان اعصابك فالتة)... - بحكم دراستي للبرمجة اللغوية العصبية (NLP)... تعلمت..انو لازم الواحد يحب كل قطعة فيه.. تقبلو نفسك...أشكالكم ..لاتنزعجوا من أجسامكم... حاولوا تعدولوا فيها ... كل شي يجي بالطيب ... ومن ذأه المبدأ تفشل أكثر محاولات العناية... لأنك تسوي الشي وانتي كارهتو ومجبورة عليه...ومستعجلة.. فالجسم أصلا مايتقبل الشي اللي تعمليه بدون رضا ( بالذااااااااااااااااااااات الريجيم ).. لو تلاحظو انو أكثر اللي يعملو الريجيم...بمجرد التفكيرفيه...تجيلهم حالة من الشراهة...بعكس اللي مايفكرو فيه.. لأن النفس تحس كأنها تتعاقب...( كل ممنوع مرغوب).... فلازم قبل ماتبدأي بأيّا ريجيم...توقفي قدام المراية وتقنعي نفسك... انّو الوزن اللي وصلتيلو يعتبر انجاااز ....وأنك زي ماقدري ع زيادة وزنك تقدري ع تحقيق انجاز ثاني اللي هوّا خسارة الوزن... فكري اذا انتي ذحين بعز شبابك حارمة نفسك من الرشاقة والملابس الحلوة...متى راح تعوضي ( لمّا يصير عمرك 60سنة ؟؟؟) بأيه زادو عنك البنات الرشيقات؟ زيك زيهم؟ تقدري تصيري أحسن منهم.. الأكل الزايد والحلا والمشروبات الغازية اللي أكلتيه أمس...لسّا باقية لذتة وطعمه؟؟؟ولا خلاص راح؟؟ طبعا راح ...واليوم نفسك تاكلي منّو كمان.... استفدتي شي؟؟ طبعا ولا شي الا شوية جرامات.... أتمنى انكم تبدأو من اليوم بغرس هذي العادات...وكل وحدة عندها عادة سيئة ...تتخذ قرار من ذحين انها تتركها وتستبدلها بشي أحلى... وبأذن الله راح تلاقوا نفسكم كسبتو الجمال والصحة... والله ينول كل وحدة اللي ببالها..

العنوان: احبي نفسك تصبحي جميله........... صباح الورد طبعا تعرفو انو مافي وحدة...