السلام عليكم ورحمة الله وبركاته
هذا وعدي لشرح بالتفصيل الممل
عاد الله يستر ترى مو شاطره بالدروس
اولا طريقة عمل عجينة الورق تلقونها هنا البنات ما قصرو شرحوها لنا كذا مره
ولا انا شلون تعلمت منكم يا شطورات
وهذا اللنك فيه شرح مفصل ورائع لعجينة الورق وجزاها الله خير الأخت سيلينا
اضغطي هنيه

المهم
الأدوات
1-عجينة الورق بالغراء( ويستحسن نعصرالماي من العجينه ونكثر الغرا فيها
2-قلم رصاص
3- ورق شفاف نرسم عليه النقوش الي اخترناها للجدار( عاد هنا نبي صبر على ما نطبع النقوش من ورق الشفاف للجدار)
4-ألوان أي ألوان تنفع زيتيه او ألوان خشب او جدران ( عن نفسي استخدمت الزيتيه لانها هي المتوفره عندي)
5- سلامتكم

----------------------------------
1- نحضر الورقه والقلم ونرسم على الجدار ورده مثلالالالا


2- شكل الورده بقلم الرصاص على الحائط


3- رص العجينه على الحائط داخل الرسم




4-بعد جفاف العمل احضار الالوان والفرشايات ويفضل فرشايات دقيقه ( مو فراشي الجدران الضخمه)




5-ثم نقوم بتلوينها ببسااطه


والله هذا الي اقدر عليه من شرح اتمنى يكون وافي وسهل
دعواتكم الطيبه هي كل ما اتمنى ورد بعض جميلكم

يؤ والله فضيحه شكل الواني وفرشاياتي تفشل
عاد لا تقولون رفله ترى الواحد لما يرسم ينسى نفسه ما يهتم الا بشغله ولا الألوان والفراشيمو مهم:o :o
أحاااااااول ارقع من الفشييييييييييييييييييييله:08:

ماشالله العمل اكثر من رائع كانه رسم او طباعه مو عجيبه ورق..
مع اني انا اطحنها حيييييييييل وبالخلاط..بس ما تصير ناعمه كذا!!!
وش السر عندك..
بعدين الرسم متقن ماشالله..كانه عمل محل صبغات..تسلم ايدينك..

طريقة شرحج سهله...بس يبيله جرأه وانا خوافه:08: :08: :08: :08:

السلام عليكم
ما شاء الله شغلك حلو الله يبارك في ايديك
سوألي هل كنتي تشتغلين قطعه قطعه لين تنشف والا لصقتي العجينه كلها مره واحده ولمل نشفت لونتي
مع الشكر الجزيل :26: