نكباتكم ومواقفكم مع ازواجكم 💔😂

دخل زوجي علي معاه عشا وطلعت من المحادثه
وصورت صوره احترافيه مع ايدينا والعصير
قلت هاك شوف تصويري😍
لابارك فيها من صوره🔨
وابلع لقمه وحدده بس الا قال شذا😐😶
مين ذا؟😾
قلت وشو🤔
قال شوفي وش ذا
تخيلو😨😨😨😨
المحادثه طلع ولد موبنت
رد علي قال
شكلك تحبين الفرنسي
هاه ياريم
انتي كم عمرك
وكان يجن جنونه علي وش عرفه باسمك هاه!!😳
قولي شعرفه باسمك يصرخ علي😤
وانا زي الدجاجه افرفر حوله احاول اخذ الجوال يويلي
((هيا انا بقره من الخرشه نسيت ان النك نيم ريم))
اقوله مدري والله مدري🤯😭😩😩
ويقوم يفتش اللسته بيشوف في عيال او لا
وانا صراحه مو واثقه اللسته فلل وفوقها توني ناشره امس يعني يمكن يلاقي واحد ولا اثنين ماامداني انظف اللسته
وربي رجلي تنتفض اول مرره ينجن علي محسسني ان القضيه شرف👺
عاد بدون مااحس اخذت الجوال من يده قلت مافي ليش تفتش؟🤓ركبني جني غبي🤦🏻‍♀️🔨
عاد هو انفجع زود وانجن قال اقووول هاااتي😨😡😡
ويسحبني وانا حاضنه الجوال بجسمي ويوم وقفني غصب رميت بالجوال بالجدار كود ينكسر والله يفكنا من المشكله🤓💔
قال 😳💔اذا وصلت لهدرجه خذي عباتك ولعند اهلك يالله انتي مو واثقه من نفسك حتى كيف اثق واعيش معك ?
قلتله والله اعلم ابوي تشك فيني واشاهق😩
قال قدامي يالله انا بعلمه قبل ماتعلميه
واطلع معه بيت اهلي جنب بيتي بيننا شارع
وادخل الحوش كانت الساعه١٢وليله١٥🌕
واسمع صوت السياره تدعس باين معصب
وابكي الدنيا ظلام نايمين اطالع بالقمر يارب ساعدني يارب دخيلك
ساعدني😩😩😩
كيف ادخل على اهلي ايش اقولهم
افتح الباب الا مقفل
الحمدلله😭
في امل بدق عليه ان شاءالله يحزن علي ويتراجع😭
ارسلت له
دق على واحد من اخواني مايردون علي واتس وماعندي رصيد الباب مقفل
قال الحين ادق
بهالدقايق بسرعه فتشت الجوال الملعون ادور وادور
ماحصلت شي💔💔💔
على ذاك التعب والدراما ماحصلت شي
اه بس لابارك فيك من جوال.

شوي الا دخل الحوش
قلتله نعم؟
سحبني قال تعالي روحي عندهم بكره😤
واروح معاه واكابر يسحبني غصب وانا بنشق من الفرح بس ماابين له😍💔
وانا ابكي بدون صوت يالله سبحانك ياكريم
كنت على الحافه وبتصير مشاكل وعلوم
وفرجتها علي بلمح البصر الحمممممممدلله😭💘
روحت البيت وجلست ابكي ماقدرت امسك نفسي وحكيت له انا شقلت وهو شقال وعرف اسمي من النك نيم عطيته الجوال فتشه قال انا ادري انو كان بامكانك تحذفي ويمكن حذفتي لكن انا واثق فيك والغلط غلطي انا محد يعطي البزر وجهه وهالجوال ماعاد تمسكيه بااخذلك ايفون عاد الايفون كنت اشوفه ابو كشفاف وعقاب لي💔🤣الناس طايحين البلاك بيري
بس بجددد واثق الخطى يمشي ملكاً انا ماكنت واثقه بنفسي ولابهالبرنامج والحمدلله ماعاد له قبول بقلبي
الحين الناس تحمله وانا كل مااحد تكلم فيه تجيني ضحكه مع قشعريره واحمد الله على لطفه بي💘

ههههههههههههههههه
الله يسعدك ضحكتيني وانت مسويه المشهوره وتخيلت شكلك قاعده في حوش اهلك😂

هههههههههههههههههههههههههههههههههههههه
وضعية انهيار حياة الفهد😂💔

😹😹😹💔الله يسعدك ضحكتيني.