الله يهديك هذا سؤال مسلمة؟ زوجها مايغار عليها بصدق لوكان صادق ماسوى كذا الإسلام ما فرق بين الرجال حتى الأعمى امر الرسول بالحجاب عنه زوجك يخاف يشوفه سعودي يعرفه يتفشل منه فقط

أود أن أنبه الأخت رحيل العمر لما قالت ............ فحجاب المرأة (أي تغطية وجهها وجسدها وقدميها ويديها) واجب وجوبا قطعيا فنحن لا يهمنا أن نتبع المذهب الشافعي أو الحنبلي أو غيره إنما يهمنا أتباع ما دل عليه القرآن الكريم وسنة نبينا محمد صلى الله عليه وسلم بغض النظر عن قائله سواء كان حنبلي أم شافعي أم حنفي أم غيرهم ومن أدلة الوجوب قول عائشه رضي الله عنه: ( رحم الله نساء المهاجرين الأول لما نزل قوله تعالى (( وليضربن بخمرن على جيوبهن)) شققن مروطهن فأختمرن بها ) رواه البخاري.

احب اقول لالاخت المعتزه بدينها وش شفت من كلامي دل على اني غير مسلمه لو قريتي المقدمه كان طلعتي برد على سؤالك واحنا عارفين ان اللي يطلبه زوجها حرام انها تكشف وجهها حنا نناقش ليش يقولها كذا مو الحكم الله يطول عمرك
والاخت نحله السدر ورحيل العمر كلامكم على العين والراس وبخليها تقراه

اهلين بنات ....
اولا: بجد لما تكلمتوا عن واقع الانسانه هذي تذكرت نفسي مع زوجي...
.مش بمسأله كشف الوجه لأننا متفقين على طاعة الله وعدم مخالفة اوامره بس بصررررررراحه....
..... ....طريقة الاكل..
انا وحده ماتحمل اسمع صوت مضغ الطعام بصوت عالي اوصوت الشرب او...او..مالى ذلك من تصرفات قد يراها البعض طبيعيه ولكنها بالنسبه لي مشكله عويصه.....اعذروني بس يمكن زوجها من النوعيه هذي ..انا ماقدر اجلس على سفره وحده مع احد ياكل بطريقه همجيه(تقرف)....اسفه يمكن تعتقدون انه دلع بس والله اني ماقدر اجلس مع زوجي وعيالي على السفره وهم ياكلون.... عارفه اني بنكد عليهم فأشغل نفسي بأي شي لين يخلصون...
اذكر مره انحرجت في عزيمه جلست جمب صاحبت البيت وكانت حرمه كبيره وتاكل وتتكلم والاكل بفمها وتطلع اصوات الله لايوريكم وماقدرت اقوم عيب... والله دموعي انزلت من كثر حرقت قلبي!!!! ....ولما سألوني شفيك قلت الضاهر شي دخل في عيني واستأذنت اروح للحمام عشان اغسل وجهي وقمت من السفره بدون ندم......وبعدها حرمت اجلس جمب حريم كبار او ناس ماعرفهم ......يعني ترا فيه ناس مثلي مش بأيدهم غصب عنهم يتقرفون من طريقة اكل غيرهم
ثانيا: مسألة الغطاء تقدر تتفاهم فيها معاه بكل سهوله....اعذروني بس من كلامكم احس الرجال يحب يتحرر ويقلد الغرب بس لازال فيه عقل يحكمه( الي مايرضا تكشف قدام سعوديين).. فهي الله يهديها ممكن تجي بلطف وعن طريق نقاش غير مباشر تتكلم فيه عن المتأمركين بأفكارهم وكيف انهم ياخذون القشور ويتركون الاصل وكيف ان الايتكيت هو ذوق عام يعني مش طريقة اكل او لبس وبس ...بل طريقة تصرف واحترام لحريات واراء الاخرين يعني ان كان هو مثقف واتيكيت المفروض يحترم رأيها وحريتها في تطبيق اوامر الله ولايفصل دينه عن دنيته عشان مايخسر الاثنين
باختصار البنت هذي اقرب الناس لزوجها واكثر وحده تفهمه وهي بس الي تعرف كيف تقنعه لو طولت بالها ووسعت صدرها واحتوت المشكله...............
وشــــــــــووووووووكرا لكم طولة بالكم علي
اختكم:26:

فيه زوج واحده من قريباتي تصرفاته نفس تصرفات هذا الرجل والصراحه الشخص الي انا اعرفه اقولكم ان تصرفاته هذه من واقع شعور بالنقص عنده يظن ان زوجته اذا كشفت وجهها ان هذا من التحضر وايضا هو ممتحنها في طريقة الاكل , والي يدلك انه معقد وعنده عقدة نقص انه ما يبهذلها الا لما يكونون ياكلون برا اما في البيت عادي ما عليه منها لكن برا لازم تاكل بالشوكه والسكين وما تطلع صوت و تحط الشوكه والسكين بطريقه معينه لما تخلص وغيره وغيره الين الحرمه عافت الطلعات معه من العقد الي فيه وهي بنفسها تعترف ان زوجها معاه عقدة نقص لانه ما يتصرف بشكل معقد ويطلع متنرفز الا برا البيت .دايم يهمه نظرة الناس له ويحس انه لو ما سوا كذا وقام يتصنع في تصرفاته انه الناس تعتبره جاهل ومتخلف او زي ما نقول -قروي-.